ટીવી સીરિયલના રામ એટલે કે ગુરમીત ચૌધરી અને તેની પત્ની દેબીના બેનર્જીએ તેમના ફેન્સ માટે ખુશખબર આપી છે. તમને જણાવી દઈએ કે ગુરમીત દેબીના જલ્દી પેરેન્ટ્સ બનવા જઈ રહ્યા છે . જેની જાણકારી તેણે પોતે સોશિયલ મીડિયા પર ફોટો શેર કરીને આપી છે. ફોટો શેર કરતા કપલે કેપ્શનમાં લખ્યું છે કે, “3 થવાના છે. ચૌધરી જુનિયર ટૂંક સમયમાં આવી રહ્યા છે. તમારી પ્રાર્થનાની જરૂર છે.
આ ફોટો જોયા બાદ ફેન્સ તેને જોરદાર અભિનંદન આપી રહ્યા છે. તસવીરમાં બંને બ્લેક આઉટફિટમાં જોવા મળે છે જ્યારે દેબિના બેનર્જી બેબી બમ્પ ફ્લોન્ટ કરતી જોવા મળે છે. જ્યારે ગુરમીત મોટા કાળા ટી-શર્ટ અને પાયજામામાં જોવા મળે છે, તો દેબિના બ્લેક ડ્રેસમાં સુંદર લાગી રહી છે.
તમને જણાવી દઈએ કે મિસ્ટર એન્ડ મિસિસ બોલિવૂડ શોમાં હાજરી આપતી વખતે બંને પ્રેમમાં પડ્યા હતા, બંનેએ 2011માં એક ખાનગી સમારંભમાં લગ્ન કર્યા હતા. નોંધનીય છે કે થોડા દિવસો પહેલા ગુરમીતે તેના લગ્નની એક તસવીર શેર કરી હતી, જેમાં દેબીના અને ગુરમીતે પરંપરાગત બંગાળી પોશાક પહેર્યો છે, દેબીનાએ લાલ બનારસી અને ગુરમીતે કુર્તા-ધોતી પહેરી છે. આ તસવીરને ખૂબ પસંદ કરવામાં આવી હતી, મૌની રોયે આ ફોટો પર હાર્ટ ઈમોજી શેર કરી છે.
વર્ક ફ્રન્ટ પર, દેબીના બેનર્જી અને ગુરમીત ચૌધરીએ આનંદ સાગરના ટેલિવિઝન શો રામાયણમાં સીતા અને રામ તરીકે સાથે કામ કર્યું હતું, જે 2008 અને 2009 ની વચ્ચે પ્રસારિત થયું હતું. દેબીના બેનર્જી મધુમતી, ઓન ડ્યુટી જેવા શોમાં અભિનય કરવા માટે જાણીતી છે, જ્યારે ગુરમીત ચૌધરીએ ગીત – હુઈ સબસે પરાઈ, પુનર વિવાહ અને ઝિંદગી મિલેગી દોબારા જેવા શોમાં કામ કર્યું છે. હાલમાં જ ગુરમીતનું નવું ગીત પણ રિલીઝ થયું છે.
