હરિયાણાના મુખ્યમંત્રી મનોહર લાલ ખટ્ટરને હોસ્પિટલમાં દાખલ કરવામાં આવ્યા છે. તેમને શ્વાસ લેવામાં તકલીફ થઈ રહી હતી. હરિયાણાના સીએમ હાલમાં હિમાચલ પ્રદેશના પ્રવાસે છે. તે શુક્રવારે સાંજે હિમાચલ પ્રદેશ પહોંચ્યા હતા.
શનિવારે તેમના રાજ્યમાં પાછા ફરવાનો કાર્યક્રમ હતો. પરંતુ તેમણે શ્વસni સમસ્યાની ફરિયાદ કરી. જે બાદ તેમને ઇન્દિરા ગાંધી મેડિકલ કોલેજમાં દાખલ કરવામાં આવ્યા છે. નવી માહિતી અનુસાર સીએમ ખટ્ટરની હાલત સ્થિર છે. ડોક્ટરની ટીમ સતત તેના સ્વાસ્થ્ય પર નજર રાખી રહી છે.
આ અગાઉ શુક્રવારે દિવાળી નિમિત્તે તેઓ રાજ્યપાલને પણ મળ્યા હતા. સીએમ ખટ્ટરને ઓગસ્ટ મહિનાની શરૂઆતમાં કોરોનામાં ચેપ લાગ્યો હતો. જો કે, તેનો કોરોના રિપોર્ટ બે અઠવાડિયા સુધી ક્વોરૅન્ટીન રહ્યા બાદ નેગેટીવ આવ્યો હતો.
મુખ્ય પ્રધાન મનોહર લાલ ખટ્ટરને કોરોના ચેપને કારણે ગુરુગ્રામના મેદંતમાં દાખલ કરવામાં આવ્યા હતા. તેમની ઉંમરને ધ્યાનમાં લેતા, તેમને 25 ઓગસ્ટના રોજ સવારે 2.30 વાગ્યે મેદંતા હોસ્પિટલમાં દાખલ કરવામાં આવ્યા હતા. તેઓ ડાયાબિટીઝના દર્દી પણ છે. 24 ઓગસ્ટે તેઓ કોરોના પોઝિટિવ હોવાનું માલુમ પડ્યું.
