Relationship Tips :જ્યારે કોઈ સંબંધની શરૂઆત થાય છે, ત્યારે બધું જ ગુલાબી લાગે છે. તેને ‘હનીમૂન ફેઝ’ કહેવાય છે. પણ જેમ-જેમ મહિનાઓ કે વર્ષો વીતતા જાય છે, તેમ-તેમ રોજિંદા જીવનની જવાબદારીઓ વચ્ચે પેલો પ્રેમનો ‘સ્પાર્ક’ (Spark) ક્યાંક ખોવાઈ જાય છે.
ઘણીવાર યુગલો એકબીજાને પ્રેમ (Love)તો કરતા હોય છે, પણ તેમની વચ્ચેની એકવિધતા (Monotony) ઝઘડાનું કારણ બને છે. પ્રખ્યાત મનોવૈજ્ઞાનિક અને રિલેશનશિપ એક્સપર્ટ જેક્લીન સ્કેટ્ઝ (Jacqueline Schatz) કહે છે કે, “સંબંધ કોઈ ઓટોમેટિક મશીન નથી, તેને મજબૂત બનાવવા માટે દરેક વળાંક પર થોડા પ્રયત્નો કરવા પડે છે.” જો તમને પણ લાગતું હોય કે તમારા સંબંધમાં બોરિંગનેસ આવી ગઈ છે, તો આ 5 રીતો તમારા સંબંધમાં નવો પ્રાણ પૂરી શકે છે.
રોજિંદા જીવનમાં પ્રશંસાનો જાદુ (Daily Appreciation)
મોટાભાગના યુગલોની ફરિયાદ હોય છે કે “હવે મારો પાર્ટનર મારા વખાણ નથી કરતો.” સંબંધને તાજો રાખવા માટે કોઈ મોંઘી ગિફ્ટ કે ફાઈવ સ્ટાર હોટલની જરૂર નથી હોતી.
શું કરવું?: તમારા પાર્ટનરના નાના કામની પણ નોંધ લો. સવારે નાસ્તો બનાવ્યો હોય કે ઓફિસથી આવીને ઘરના કામમાં મદદ કરી હોય – એક નાનકડું “થેંક યુ” કે “તું ખૂબ સરસ લાગે છે” જેવા શબ્દો જાદુઈ અસર કરે છે.
એક્સપર્ટ ટીપ: દિવસમાં ઓછામાં ઓછી એકવાર પાર્ટનર સાથે મોબાઈલ બાજુ પર મૂકીને 10 મિનિટ આંખમાં આંખ પરોવીને વાત કરો. આ ‘માઈક્રો-મોમેન્ટ્સ’ સંબંધને મજબૂત બનાવે છે.
સાથે મુસાફરી કરો અને યાદો બનાવો (Travel Together)
ઓફિસ, ઘર, બાળકો અને જવાબદારીઓ – આ ચક્રમાં ફસાઈને યુગલો એકબીજાને સમય આપવાનું ભૂલી જાય છે. રિલેશનશિપ કોચ ના મતે, “જ્યારે તમે તમારા કમ્ફર્ટ ઝોનમાંથી બહાર નીકળીને સાથે પ્રવાસ કરો છો, ત્યારે તમે એકબીજાને ફરીથી નવેસરથી ઓળખો છો.”અને ફરી પ્રેમ (Love) ની શરૂઆત થાય છે.
શું કરવું?: દર વખતે વિદેશ પ્રવાસ જરૂરી નથી. નજીકના કોઈ હિલ સ્ટેશન પર કે વીકેન્ડમાં લોંગ ડ્રાઈવ પર જવું પણ પૂરતું છે. નવી જગ્યાનો અનુભવ અને સાહસ તમારા સંબંધમાં રહેલી એકવિધતા તોડી નાખે છે.
કોમન શોખ કેળવો (Shared Activities)
એક કહેવત છે કે ‘જે યુગલો સાથે રમે છે, તે સાથે રહે છે.’ તમારા સંબંધને મજબૂત બનાવવાની એક મહત્વપૂર્ણ રીત એ છે કે તમે સાથે મળીને એવી પ્રવૃત્તિઓ કરો જે બંનેને ગમતી હોય.
શું કરવું?: કદાચ તમને બંનેને કુકિંગનો શોખ હોય, સવારે સાથે રનિંગ (Running) કરવાનો શોખ હોય કે પછી જૂના ગીતો સાંભળવાનો. જેક્લીન સ્કેટ્ઝ કહે છે કે પ્રવૃત્તિ શું છે તે મહત્વનું નથી, પણ તમે તે ‘સાથે’ કરો છો તે મહત્વનું છે. આનાથી એકબીજા સાથે ઈમોશનલ બોન્ડિંગ વધે છે.
પહેલા ‘પોતાને’ પ્રેમ(Love) કરો
આ મુદ્દો થોડો વિચિત્ર લાગશે, પણ તે સૌથી સત્ય છે. એક સફળ સંબંધ માટે સતત ‘સ્વ-સુધારણા’ (Self-Improvement) જરૂરી છે.
કારણ: તમે 5 વર્ષ પહેલા જે વ્યક્તિ હતા, તે આજે નથી. સમય સાથે તમારા વિચારો બદલાયા છે. જો તમે તમારી જાતથી ખુશ નહીં હોવ, તો તમે તમારા પાર્ટનરને ક્યારેય ખુશ નહીં રાખી શકો.એટલે જ પહેલા પોતાની જાતને પ્રેમ પ્રેમ (Love) કરો
એક્સપર્ટ ટીપ: તમારી પોતાની પર્સનાલિટી ડેવલપ કરો. જ્યારે તમે આત્મવિશ્વાસથી ભરપૂર હોવ છો અને તમારી જાતને પ્રેમ (Love)કરો છો, ત્યારે તમારા પાર્ટનરને પણ તમને પ્રેમ (Love) કરવો સરળ બની જાય છે. યાદ રાખો, ખાલી વાસણમાંથી તમે બીજાને કશું પીરસી શકતા નથી.
ગુસ્સા પર કાબૂ અને ઝઘડામાં મર્યાદા (Control Anger)
દરેક સંબંધમાં મતભેદ તો હોય જ છે, પણ તે મતભેદને તમે કેવી રીતે હેન્ડલ કરો છો તે મહત્વનું છે. મોટાભાગના સંબંધો તૂટવાનું કારણ ગુસ્સામાં બોલાયેલા કડવા શબ્દો હોય છે.
શું કરવું?: જ્યારે પણ ઝઘડો થાય ત્યારે એક નિયમ બનાવો – “ગુસ્સામાં નિર્ણય લેવો નહીં અને ખુશીમાં વચન આપવું નહીં.” જ્યારે એક પાર્ટનર ગુસ્સામાં હોય, ત્યારે બીજાએ શાંત રહેવું જોઈએ. ગેરસમજ દૂર કરવા માટે શાંતિથી ચર્ચા કરો, દલીલ નહીં. ગુસ્સો ઘણીવાર નાની વાતને મોટું સ્વરૂપ આપી દે છે.
સંબંધ એ છોડ જેવો છે, જેને પ્રેમ (Love), વિશ્વાસ અને સમયનું પાણી સતત પાતા રહેવું પડે છે. જો તમે આ નાની-નાની બાબતોનું ધ્યાન રાખશો, તો તમારો સંબંધ માત્ર ટકશે નહીં, પણ ખીલશે.
આ પણ વાંચો: નવું વર્ષ, નવી યાદો: કપલ્સ માટે રોમેન્ટિક અને મજા ભર્યા પ્લાન્સ
