New Year આમ ઉજવશો તો પ્રેમ વધી જશે!

Home Date Ideas: નવું વર્ષ (New Year)એટલે નવી આશાઓ અને નવો ઉત્સાહ. દરેક વ્યક્તિ ઈચ્છે છે કે વર્ષનો પહેલો દિવસ તે વ્યક્તિ સાથે વિતે જેને તે સૌથી વધુ પ્રેમ કરે છે. જો તમે પણ આ નવું વર્ષ તમારા જીવનસાથી (Partner) સાથે ઉજવવાનું વિચારી રહ્યા છો? તો મોંઘી હોટલ કે ક્લબમાં જવાની જરૂર નથી. તમે ખૂબ જ સરળ અને ખાસ રીતે આ દિવસને યાદગાર બનાવી શકો છો. ચાલો જાણીએ કપલ્સ માટેના બેસ્ટ ન્યુ યર પ્લાન્સ.

1. ઘરની છત પર ‘રુફટોપ ડિનર’

નવા વર્ષે (New Year)બહારના કાફેમાં ખૂબ ભીડ હોય છે. તેના બદલે તમે તમારા ઘરની છત (ધાબા) ને જ એક રોમેન્ટિક કાફે બનાવી શકો છો. થોડી ‘ફેરી લાઇટ્સ’ (Fairy Lights) લગાવો, જમીન પર ગાદલા અને કુશન ગોઠવો અને ધીમું મ્યુઝિક ચાલુ કરો. ખુલ્લા આકાશ નીચે તમારા પાર્ટનર સાથે ડિનર કરવાનો અનુભવ કોઈ પણ મોંઘી રેસ્ટોરન્ટ કરતા વધુ સારો રહેશે.

2. મૂવી મેરેથોન નાઈટ

જો તમને બંનેને શાંતિ ગમે છે, તો આ સૌથી બેસ્ટ વિકલ્પ છે. તમારા બેડરૂમ કે હોલને એકદમ કોઝી (Cozy) બનાવો. સોફા પર બ્લેન્કેટ અને ઓશિકા ગોઠવી દો. પોપકોર્ન અને કોલ્ડડ્રિંક્સ સાથે રાખો અને તમારી બંનેની મનપસંદ ફિલ્મો એક પછી એક જુઓ. એકબીજાના હાથમાં હાથ પરોવીને ફિલ્મ જોવાની મજા જ કંઈક અલગ છે.

3. કૂકિંગ ડેટ

કહેવાય છે કે પ્રેમનો રસ્તો પેટમાંથી થઈને જાય છે. નવા વર્ષ (New Year)ની રાત્રે બહારથી મંગાવવાને બદલે રસોડામાં સાથે મળીને કંઈક બનાવો. બેકગ્રાઉન્ડમાં રોમેન્ટિક ગીતો વગાડો અને તમે બંને એકબીજાની મદદ કરો – આ ક્ષણો તમારા સંબંધને વધુ મજબૂત બનાવશે. તમે તમારી ફેવરિટ ડિશ કે કોઈ ડેઝર્ટ (મીઠાઈ) બનાવી શકો છો.

4. એડવેન્ચર અને થ્રિલ

જો તમે બંને Adventureના શોખીન છો, તો લોંગ ડ્રાઈવ પર જઈ શકો છો અથવા કોઈ એડવેન્ચર (Adventure) પાર્કમાં જઈ શકો છો. રાત્રે કેમ્પ-ફાયર કરવું, ટ્રેકિંગ પર જવું કે પછી કોઈ શાંત જગ્યાએ ટેન્ટ બાંધીને રહેવું – આ બધું તમારા નવા વર્ષ (New Year)ને રોમાંચક બનાવી દેશે.

5. ભક્તિ સાથે નવી શરૂઆત

જો તમે નવા વર્ષની શરૂઆત શાંતિ અને આશીર્વાદ સાથે કરવા માંગો છો, તો તમે કોઈ મંદિર કે ગુરુદ્વારામાં જઈ શકો છો. ત્યાં સેવા આપી શકો છો. ઈશ્વરના આશીર્વાદ સાથે શરૂ થયેલું વર્ષ તમારા સંબંધોમાં મીઠાશ લાવશે.