ડબલ ડેકર પરોઠા બનાવવા માટેની સામગ્રી:

કણક માટે:
૨ કપ ઘઉંનો લોટ
૧ ટેબલસ્પૂન ઘી
મીઠું , સ્વાદાનુસાર

ગાજરના પૂરણ માટે:
૧ ૧/૨ કપ ખમણેલા ગાજર
૧ ટેબલસ્પૂન તેલ
૧ ટીસ્પૂન જીરૂ
૧ ટીસ્પૂન ઝીણા સમારેલા લીલા મરચાં
૧ ટીસ્પૂન લીંબુનો રસ
૧ ટેબલસ્પૂન ઝીણી સમારેલી કોથમીર
મીઠું, સ્વાદાનુસાર

લીલા વટાણાના પૂરણ માટે:
૧ ૧/૨ કપ બાફેલા લીલા વટાણા
૧ ટેબલસ્પૂન તેલ
૧ ટીસ્પૂન જીરૂ
૧ ટીસ્પૂન ઝીણા સમારેલા લીલા મરચાં
૧ ટેબલસ્પૂન ઝીણી સમારેલી કોથમીર
મીઠું , સ્વાદાનુસાર

અન્ય જરૂરી સામગ્રી:
ઘઉંનો લોટ , વણવા માટે
ઘી

ડબલ ડેકર પરોઠા બનાવવા માટેની રીત:
સૌ પ્રથમ કણક માટે એક ઉંડા બાઉલમાં બધી વસ્તુઓ ભેગી કરી, તેને સારી રીતે મિક્સ કરી, થોડા હૂંફાળા ગરમ પાણી વડે બહુ કઠણ નહીં અને બહું નરમ નહીં એવી કણિક તૈયાર કરી ૧૦ થી ૧૫ મિનિટ માટે બાજુ પર રાખો.

ગાજરના પૂરણ માટે:
એક ખુલ્લા નૉન-સ્ટીક પૅનમાં તેલ ગરમ કરી તેમાં જીરૂ મેળવો.
જ્યારે દાણા તતડવા માંડે, ત્યારે તેમાં લીલા મરચાં, ગાજર, લીંબુનો રસ, કોથમીર અને મીઠું મેળવી સારી રીતે મિક્સ કરી મધ્યમ તાપ પર વચ્ચે-વચ્ચે હલાવતા રહી રાંધી લો.
આ પૂરણના ૪ સરખા ભાગ પાડી બાજુ પર રાખો.

લીલા વટાણાના પૂરણ માટે:
એક ખુલ્લા નૉન-સ્ટીક પૅનમાં તેલ ગરમ કરી તેમાં જીરૂ મેળવો.
જ્યારે દાણા તતડવા માંડે, ત્યારે તેમાં લીલા મરચાં, લીલા વટાણા, કોથમીર અને મીઠું મેળવી સારી રીતે મિક્સ કરી મધ્યમ તાપ પર ૨ મિનિટ સુધી રાંધી લો અને સાથે-સાથે વટાણાને બટાટા છૂંદવાના સાધન વડે હલકા છૂંદી લો.
આ પૂરણના ૪ સરખા ભાગ પાડી બાજુ પર રાખો.

આગળની રીત:
– કણકના ૧૨ સરખા ભાગ પાડી દરેક ભાગને ૧૫૦ મી. મી. (૬”) ના ગોળાકારમાં થોડા સૂકા ઘઉંના લોટની મદદથી વણી લો.
– એક ગરમ તવા પર ૩ રોટી અર્ધ શેકીને તૈયાર કરીને બાજુ પર રાખો.
– આ અર્ધ શેકેલી રોટીને સીધી સપાટ સૂકી જગ્યા પર રાખી તેની પર ગાજરના પૂરણનો એક ભાગ સરખી રીતે પાથરી લો. તેની પર બીજી અર્ધ શેકેલી રોટી મૂકી લીલા વટાણાના પૂરણનો એક ભાગ સરખી રીતે પાથરી લો. ફરી તેની પર ત્રીજી એક અર્ધ શેકેલી રોટી મૂકી સારી રીતે દબાવી તેની કીનારીઓ બંધ કરી લો જેથી પૂરણ બહાર ન આવે.
– આમ તૈયાર થયેલા પરોઠાને એક ગરમ નૉન-સ્ટીક તવા પર, થોડા ઘી વડે પરોઠાની બન્ને બાજુઓ ગોલ્ડન બ્રાઉન થાય ત્યાં સૂધી શેકી લો.
– તો તૈયાર છે ગરમાગરમ ડબલ ડેકર પરોઠા..  તેને દહીં, ગ્રીન ચટણી અને કેચપ સાથે પીરસો.

આ પણ વાંચો-  શરદી-ઉધરસ મટાડવા રાત્રે સુતા પહેલા ગરમ પાણીમાં આ ચીજ ભેળવીને પીઓ
આ પણ વાંચો-  બાજરી ખાઈને આ રીતે ઘટાડો વજન, જાણો આવા 8 ફાયદા
આ પણ વાંચો-  ચપટી હળદરથી આ રીતે કરો ડાયાબીટીસથી લઈ સાંધાના દુખાવાનો ઈલાજ
આ પણ વાંચો-  તુલસીના પાનથી આ રીતે કરો પથરીથી લઈ ડેન્ગ્યૂ સુધીના આટલો રોગોનો ઈલાજ

આ પણ વાંચો-  રોજ સવારે ખાલી પેટ 2 ચમચી મધમાં આ ચીજ ઉમેરી પીવાના ફાયદા
આ પણ વાંચો-   ઘરની બહાર નીકળતાં પહેલાં કરશો આ કામ, તો ચોક્કસપણે મળશે સફળતા
આ પણ વાંચો-  માસિક સમયે સ્ત્રીઓને ક્યાંય અડવાની મનાઈ કરવા પાછળ છે ફક્ત આ કારણ