અમેરિકાના રાષ્ટ્રપતિ જો બાઈડેન હાલમાં જ ઈઝરાયલથી પરત ફર્યા હતા જ્યારે હિઝબુલ્લાએ અમેરિકાની લશ્કરી બેસ પર રોકેટ છોડ્યું હતું. મીડિયા રિપોર્ટ અનુસાર,જો બાઈડેનના પરત ફર્યા બાદ સીરિયામાં અમેરિકાના સૈન્ય મથકને નિશાન બનાવવામાં આવ્યું છે. ઈરાકમાં અમેરિકી સેનાના ઠેકાણાઓને પણ નિશાન બનાવવામાં આવ્યા છે. સહયોગી સેનાના કેટલાક સૈનિકો અહીં ઘાયલ થયા હોવાનું કહેવાય છે.
ઈરાકમાં 24 કલાકમાં સૈન્ય કેમ્પ પર બે ડ્રોન હુમલા કરવામાં આવ્યા છે. પશ્ચિમી અને ઉત્તરી ઈરાકમાં લશ્કરી કેમ્પ પર થયેલા આ હુમલામાં સહયોગી સેનાના કેટલાક સૈનિકો ઘાયલ થયા છે. જો કે હાલ કોઈ જાનહાનિની માહિતી નથી. એક વર્ષમાં આ પ્રથમ વખત છે જ્યારે ઈરાન સમર્થિત જૂથોએ ઈરાકમાં યુએસ સૈન્ય બેસને નિશાન બનાવ્યું છે. જો કે અમેરિકન અધિકારીઓએ કહ્યું છે કે ત્રણ ડ્રોન હુમલા થયા છે. ઈરાક અને કુર્દીસ્તાનના પશ્ચિમમાં આવેલા અલ-હરિર એર બેઝ પર હુમલો કરવામાં આવ્યો છે.
ઈસ્લામિક રેઝિસ્ટન્સ ઇરાકમાં અમેરિકા સૈન્ય બેલ પર હુમલો કર્યો!
ઈરાકમાં ઈરાન સમર્થિત જૂથોએ ઈઝરાયલને અમેરિકાના સમર્થનને લઈને ત્યાંની અમેરિકન સુવિધાઓ પર હુમલો કરવાની ધમકી આપી હતી. ઈરાકમાં ઇસ્લામિક રેઝિસ્ટન્સે પાછળથી બે હુમલાઓની જવાબદારી સ્વીકારતા એક નિવેદન બહાર પાડ્યું અને કહ્યું કે તે “અમેરિકન કબજા” સામે “વધુ ઓપરેશનની શરૂઆત” છે. આ હુમલો ઈઝરાયલ-હમાસ યુદ્ધનું પરિણામ છે, જ્યાં અમેરિકા તેને હથિયારો અને દરેક રીતે મદદ કરી રહ્યું છે.
હિઝબુલ્લાહ અને ઈઝરાયલ પર પણ હવાઈ હુમલો
ઓક્ટોબર 7 ના રોજ યુદ્ધની શરૂઆત થઈ ત્યારથી, લેબનોનમાં ઈઝરાયલની ઉત્તરીય સરહદ પરના શક્તિશાળી હમાસ સાથી હિઝબુલ્લા તરફ વૈશ્વિક ધ્યાન દોરવામાં આવ્યું છે, જેણે ઈઝરાયલી દળો પર હુમલા પણ કર્યા છે. પાછલા દિવસોમાં પણ ઈઝરાયેલી સેના અને હિઝબુલ્લાહ લડવૈયાઓ વચ્ચે હવાઈ હુમલા જોવા મળ્યા છે.
ગાઝાની એક હોસ્પિટલ પર મંગળવારે રાત્રે થયેલા હુમલામાં મોટી સંખ્યામાં લોકો માર્યા ગયા હતા. જૂથે બીજું નિવેદન બહાર પાડ્યું જેમાં તેણે આપત્તિ માટે અમેરિકા અને ઈઝરાયલને જવાબદાર ઠેરવ્યા અને ઈરાકમાં અમેરિકાની હાજરી માટે અપીલ કરી. હમાસે કહ્યું છે કે ગાઝામાં વિસ્ફોટ ઈઝરાયલના હવાઈ હુમલાને કારણે થયો હતો, જ્યારે ઈઝરાયલે પેલેસ્ટિનિયન આતંકીઓ દ્વારા નિષ્ફળ રોકેટને જવાબદાર ગણાવ્યું છે. તેઓ આગામી જન્મ પહેલાં આ જગતમાં નરકની આગનો સ્વાદ ચાખશે.
આ પણ વાંચો: Uttar Pradesh/ રાહુલે માતા સોનિયા ગાંધીને એવી ગિફ્ટ આપી કે,મામલો સીધો કોર્ટ પહોંચ્યો, વાંચો વિગતો
આ પણ વાંચો: World Cup 2023/ સચિન તેંડુલકરનો વર્લ્ડ રેકોર્ડ ખતરામાં, કોહલી ઇતિહાસ રચવાથી માત્ર આટલા રન દૂર
આ પણ વાંચો: Diwali-Larigalla/ ‘ધંધો કરવા દો,’ તહેવારોમાં લારીગલ્લાવાળાઓને હેરાન ન કરવા મૌખિક આદેશ
