દિલ્હી,
- મોદીએ વચેટિયાની ભૂમિકા ભજવી, અનિલ અંબાણી પાસે 10 દિવસ પહેલા ડીલની માહિતી હતી
- કોંગ્રેસના અધ્યક્ષ રાહુલે ગાંધીએ ફરી એકવાર રાફેલ સોદા અંગે મોદી સરકાર પર વાર કરતાં કહ્યું કે ડીલ વિશે દેશના રક્ષામંત્રી, રક્ષા સચિવ, HAL નહોતું જાણતું તો એના વિશે અનિલ અંબાણીને કેવી રીતે ખબર પડી?
રાહુલ ગાંધીએ કહ્યું કે વડા પ્રધાન મોદીએ ગુપ્તતા તોડી, તેથી તેમની સામે ફોજદારી કેસ થવો જોઈએ
કૉંગ્રેસ પ્રમુખ રાહુલ ગાંધીએ મંગળવારે એક પ્રેસ કોન્ફરન્સ કરીને ફરી એક વાર રાફેલ ડીલ મામલે વડાપ્રધાન મોદી પ્રહાર કર્યો હતો. રાહુલે એક ઇ મેઇલ બતાવ્યો. “જેમાં, એર બસના એક્ઝિક્યુટિવે લખ્યું છે કે અનિલ અંબાણી ફ્રાન્સના સંરક્ષણ પ્રધાનને મળ્યા હતા. તેમણે એક્ઝિક્યુટિવને કહ્યું કે 10 દિવસ પછી રાફેલ ડીલ થવાની છે જે તેમને મળવાની છે.
રાહુલનો આરોપ છે કે રાફેલ ડીલમાં વડાપ્રધાન મોદીએ અનીલ અંબાણી માટે વચેટીયાની ભૂમિકા ભજવી છે. રાહુલે એવો પ્રશ્ન ઉઠાવ્યો કે અનિલ અંબાણીને આ સોદાની જાણ કેવી રીતે હતી જે સંરક્ષણ પ્રધાન, સંરક્ષણ સચિવ અને હિન્દુસ્તાન એરોનોટિક્સ લિમિટેડ (એચએએલ) ને ખબર ન હતી
રાફેલ ડીલ સાથે ઑફસેટ કરાર તરીકે દાસો એવિએશનનો અનિલ અંબાણીની રિલાયન્સ ડિફેન્સ સાથે જોઈન્ટ વેંચર છે. ઓફસેટ કરાર હેઠળ, ભારતને ડિફેન્સ સપ્લાઈ કરનારી કંપનીને ભારતીય કંપનીઓમાં રોકાણ કરવું પડે છે.
રાહુલનો આક્ષેપ છે કે અનિલ અંબાણીએ સંરક્ષણ પ્રધાન સાથેની બેઠકમાં કહ્યું હતું કે મોદીની ફ્રાન્સની યાત્રા દરમિયાન, એમઓયુ પર હસ્તાક્ષર કરશે. સોદાના 10 દિવસ પહેલા અંબાણીને જાણ હતી કે આ સોદો થઈ રહ્યો છે.
કૉંગ્રેસના પ્રમુખે કહ્યું કે મોદી એક ભ્રષ્ટ વ્યક્તિ છે. તેઓએ દેશની સુરક્ષા સાથે સમાધાન કર્યું અને સત્તાવાર સિક્રેટ એકટ તોડ્યો છે તેથી, તેમની સામે ફોજદારી કેસ થવો જોઈએ. વડાપ્રધાનએ રાષ્ટ્રની સલામતી સાથે ચેડા કર્યા છે.
રાહુલએ એવો પણ આક્ષેપ કર્યો હતો કે અનિલ અંબાણી ફ્રાંસના સંરક્ષણ પ્રધાન સાથે મુલાકાત કરી તે ફોર ધ ચોકીદાર, બાય ધ ચોકીદાર એટલે વડા પ્રધાન માટે વડા પ્રધાન તરફથી મળ્યા હતા. અનિલ અંબાણી કહે છે કે તે શું થવાનું તે જાણે છે.
રાહુલના જણાવ્યા પ્રમાણે, હવે લોકોને જણાવું પડશે કે સંરક્ષણ પ્રધાન, સંરક્ષણ સચિવને દેશના સૌથી મોટા સંરક્ષણ સોદાની ખબર નથી, અનિલ અંબાણીને તેના વિશે કેવી રીતે જાણ હતી? અમારી જેટલી જોઈએ એટલી તપાસ કરાવી લો, પરંતુ વડાપ્રધાનને આ મુદ્દે સંયુક્ત સંસદીય સમિતિ (જેપીસી) ની સ્થાપના કરવી જોઈએ. તેઓ જેપીસીથી કેમ ડરે છે?
કેગ એટલે કે ચોકીદાર જનરલ રીપોર્ટ: રાહુલ
રાહુલ ગાંધીએ કૅગ અહેવાલને ચોકીદાર જનરલ રિપોર્ટ તરીકે ઓળખાવી. તેમના જણાવ્યા પ્રમાણે, વડાપ્રધાન સંરક્ષણના સોદામાં રાષ્ટ્રીય સલામતી સાથે ચેડા કરી રહ્યા છે. તે એવી વ્યક્તિ પાસેથી માહિતી વહેંચી રહ્યો છે જે તેના માટે અધિકૃત નથી. મોદીએ જે કર્યું તે જાસૂસ કામ કરે છે. તેઓએ ગુપ્તતાની શપથ લીધી હતી. કોઈને સંરક્ષણ મામલે ગોપનીયતા જણાવી આ એક રાજદ્રોહ છે.
