ઉત્તર પ્રદેશના મુઝફ્ફરનગરમાં પત્નીની અદલાબદલીની શરમજનક ઘટના સામે આવી છે. પીડિતાનું કહેવું છે કે પતિ તેને છેતરીને દિલ્હીની વાઈફ એક્સચેન્જ પાર્ટીમાં લઈ ગયો અને ત્યાં તેને હેરાન કરવામાં આવી હતી. આ કેસમાં પીડિતાએ પોલીસને ન્યાય માટે અપીલ કરી હતી, પરંતુ ત્યાંથી કોઈ કાર્યવાહી ન થતાં તેણે કોર્ટનો સંપર્ક કર્યો હતો. હવે કોર્ટના નિર્દેશ બાદ તેના પતિ અને દિયર વિરુદ્ધ કેસ નોંધવામાં આવ્યો છે.
પીડિતા નવી મંડી કોતવાલી વિસ્તારની રહેવાસી છે. તેના બીજા લગ્ન 14 જાન્યુઆરી, 2021ના રોજ ગુરુગ્રામમાં સૌરભ દુડેજા સાથે થયા હતા. શરૂઆતમાં બધું બરાબર હતું. એક દિવસ તેનો પતિ છેતરપિંડી કરીને તેને શોપિંગના બહાને વાઈફ એક્સચેન્જ પાર્ટી માટે દિલ્હી લઈ ગયો. પીડિતાનું કહેવું છે કે ત્યાં તેની પ્રતિષ્ઠા સાથે ખેલ કરવામાં આવ્યો હતો. એવો પણ આરોપ છે કે પત્ની એક્સચેન્જ પાર્ટીમાં જવાની ના પાડતા પતિએ તેની સાથે ગેરવર્તન પણ કર્યું.
પીડિતાએ જણાવ્યું કે તેના દિયર શુભમ દુડેજાએ પણ તેની સાથે ઘણી વખત બળજબરીથી રેપ કર્યો હતો. જ્યારે તેણે તેના પતિને ફરિયાદ કરી તો તેણે તેની અવગણના કરી. તેણે કહ્યું કે, શુભમે હજી લગ્ન કર્યા નથી અને જ્યાં સુધી તે લગ્ન નહીં કરે ત્યાં સુધી આમ જ રહેવું પડશે. આ દરમિયાન તેની સાથે ઘણી વખત મારપીટ પણ કરવામાં આવી હતી. જ્યારે તેણે વિરોધ કર્યો તો પતિએ તેને ગુરુગ્રામમાં અલગથી ભાડેનો રૂમ આપ્યો.
પરંતુ વાત આટલેથી પુર્ણ થતી નથી તેનો દિયર ત્યાં જઈને તેની સાથે બળાત્કાર કર્યો અને તેનો વીડિયો પણ બનાવ્યો. પોલીસમાં ફરિયાદ કરતાં દિયરે વીડિયો સોશિયલ મીડિયા પર વાયરલ કરવાની ધમકી આપી હતી. પીડિતાએ કહ્યું કે તેણે આ મામલે મુઝફ્ફરનગર એસએસપી અને પોલીસ સ્ટેશનને પણ ફરિયાદ કરી હતી, પરંતુ કોઈ કાર્યવાહી કરવામાં આવી ન હતી.
પોલીસ તરફથી ન્યાય ન મળતા આખરે પીડિતાએ કોર્ટનો સંપર્ક કર્યો હતો. આ પછી એસીજેએમ-1 કોર્ટના આદેશ પર, નવી મંડી કોતવાલી પોલીસે પતિ સૌરભ દુડેજા અને સાળા શુભમ દુડેજા વિરુદ્ધ કલમ 376, 307, 323.504 અને 506 હેઠળ કેસ નોંધીને તપાસ શરૂ કરી છે.
