ICC Mens T20 World Cup 2026: અમદાવાદમાં નરેન્દ્ર મોદી સ્ટેડિયમમાં રમાયેલી મેચમાં ભારતની ટીમ દક્ષિણ આફ્રિકાના 7 વિકેટે 187 રનના સ્કોરનો પીછો કરતાં 18 ઓવરમાં 111 રનમાં ઓલઆઉટ થતાં તેનો 76 રને પરાજય થયો છે. આમ ભારતે સુપર-8માં પરાજય સાથે ખાતુ ખોલાવ્યુ છે. જેન્સેન 4 વિકેટ ઝડપી દક્ષિણ આફ્રિકાનો સૌથી સફળ બોલર રહ્યો હતો. 188 રનનો પીછો કરવા ઉતરેલી ટીમ ઈન્ડિયાની શરૂઆત ખરાબ રહી. પહેલી ઓવરમાં ઈશાન કિશન કોઈ રન બનાવ્યા વિના આઉટ થઈ ગયો. ત્યારબાદ જાનસેને બીજી જ ઓવરમાં તિલક વર્માને આઉટ કર્યો. સૂર્યા અને અભિષેક વચ્ચે મોટી ભાગીદારીની અપેક્ષા હતી. પરંતુ અભિષેકે ફરી એકવાર નિરાશા વ્યક્ત કરી. પાંચમી ઓવરમાં જાનસેને અભિષેકને આઉટ કર્યો, જેમાં તેણે ફક્ત ૧૫ રન બનાવ્યા. છ ઓવર પછી ભારતનો સ્કોર ૩૧-૩ હતો. આઠમી ઓવરમાં વોશિંગ્ટન સુંદર પણ આઉટ થયો, જેમાં તેણે ફક્ત 11 રન બનાવ્યા. નવમી ઓવરમાં ભારતે 50 રનનો આંકડો પાર કર્યો.
ભારતને દસમી ઓવરમાં સૌથી મોટો ફટકો પડ્યો જ્યારે કેપ્ટન સૂર્યકુમાર યાદવ ૫૧ રન બનાવીને આઉટ થયો. સૂર્યાએ ૨૨ બોલમાં માત્ર ૧૮ રન બનાવ્યા. દસ ઓવર પછી ભારતનો સ્કોર ૫૭-૫ હતો. પંદરમી ઓવરમાં, કેશવ મહારાજે હાર્દિક અને પછી રિંકુ સિંહને આઉટ કર્યા. હાર્દિકે 18 રન બનાવ્યા, જ્યારે રિંકુ પોતાનું ખાતું પણ ખોલી શક્યો નહીં. તેના પછી અર્શદીપસિંઘ પણ તરત આઉટ થઈ ગયો. એકમાત્ર શિવમ દૂબેએ એકલા હાથે લડત આપી. આ સિવાય ભારતીય બેટ્સમેનો સદંતર નિષ્ફળ ગયા. હવે ભારતે સેમી ફાઇનલમાં સ્થાન મેળવવું હોય તો બાકીની બંને મેચ જીતવી જ પડશે.
22-18 PM (IST)
IND vs SA લાઈવ સ્કોર: આઠમી વિકેટ પડી
કેશવ મહારાજે પણ ભારતને આઠમો ફટકો આપ્યો. તેણે એક ઓવરમાં ત્રણ વિકેટ લીધી. અર્શદીપ પણ સ્ટબ્સ દ્વારા કેચ થયો. હવે વરુણ શિવમને ટેકો આપવા આવ્યો છે.
22-16 PM (IST)
ભારત vs SA લાઈવ સ્કોર: ભારતને સાતમો ફટકો
કેશવ મહારાજે પણ ભારતને સાતમો ફટકો આપ્યો. તેણે રિંકુ સિંહને પણ ટ્રિસ્ટન સ્ટબ્સ દ્વારા કેચ કરાવ્યો. તે પોતાનું ખાતું પણ ખોલી શક્યો નહીં. હવે અર્શદીપ સિંહ શિવમ દુબેને ટેકો આપવા આવ્યો છે.
22-14 PM (IST)
ભારત vs SA લાઈવ સ્કોર: ભારતને છઠ્ઠો ફટકો
કેશવ મહારાજે ભારતને છઠ્ઠો ફટકો આપ્યો. તેણે હાર્દિક પંડ્યાને ટ્રિસ્ટન સ્ટબ્સ દ્વારા કેચ કરાવ્યો. તે ફક્ત 18 રન બનાવી શક્યો.
22-05 PM (IST)
IND vs SA લાઈવ સ્કોર: શિવમ અને હાર્દિક વચ્ચે ભાગીદારી
શિવમ દુબે અને હાર્દિક પંડ્યા ભાગીદારી થઈ છે. તેમણે છઠ્ઠી વિકેટ માટે 23 બોલમાં 30 રન ઉમેર્યા છે. ભારત 13 ઓવર પછી પાંચ વિકેટે 81 રન બનાવી ચૂક્યું છે.
21-50 PM (IST)
IND vs SA લાઈવ સ્કોર: ભારતની અડધી ટીમ 51 રન પર પેવેલિયન પરત ફરી
ભારતને 51 રન પર પાંચમો ઝટકો લાગ્યો. સૂર્યકુમાર યાદવ માત્ર 18 રન બનાવીને આઉટ થયો. હવે, શિવમ દુબેને ટેકો આપવા માટે હાર્દિક પંડ્યા મેદાનમાં આવ્યો છે.
21-40 PM (IST)
ભારત વિરુદ્ધ દક્ષિણ આફ્રિકા લાઈવ સ્કોર: ભારતના 7.3 ઓવરમાં 44 રનના સ્કોર પર ચોથી વિકેટ ગુમાવી, વોશિંગ્ટન સુંદર આઉટ
ભારતને ચોથી વિકેટ વોશિંગ્ટન સુંદરના સ્વરૂપમાં ગુમાવી . વોશિંગ્ટન સુંદર બોશની પ્રથમ ઓવરમાં જ ડી કોકના હાથમાં ઝીલાયો હતો. તેના પછી શિવમ દુબે આવ્યો છે.
21-29 PM (IST)
ભારત વિરુદ્ધ દક્ષિણ આફ્રિકા લાઈવ સ્કોર: ભારતના 5 ઓવરમાં 3 વિકેટે 29 રન, અભિષેક પણ આઉટ
ભારતને ત્રીજો ફટકો માર્કો જાનસેન તરફથી આવ્યો. અભિષેક કેચ આઉટ થયો. તે ફક્ત 15 રન બનાવી શક્યો. વોશિંગ્ટન સુંદર હવે કેપ્ટન સૂર્યકુમાર યાદવને સાથ આપવા મેદાનમાં આવ્યા છે.
21-09 PM (IST)
ભારત વિરુદ્ધ દક્ષિણ આફ્રિકા લાઈવ સ્કોર: તિલક વર્મા પણ આઉટ
ભારતને બીજો ફટકો માર્કો જાનસેન તરફથી આવ્યો. તિલક વર્મા ક્વિન્ટન ડી કોકના દ્વારા કેચ આઉટ થયો. તે ફક્ત એક રન બનાવી શક્યો. સૂર્યકુમાર યાદવ હવે અભિષેકને ટેકો આપવા માટે મેદાનમાં આવ્યા છે.
21-03 PM (IST)
ભારત વિરુદ્ધ દક્ષિણ આફ્રિકા લાઈવ સ્કોર: પહેલો ફટકો
ભારતની શરૂઆત ખરાબ થઈ ગઈ. ઈશાન કિશન ખાતું ખોલ્યા વિના આઉટ થઈ ગયો. એડેન માર્કરામે ઇનિંગની પહેલી જ ઓવરમાં રાયન રિકેલ્ટન દ્વારા તેને કેચ કરાવ્યો. તિલક વર્મા હવે અભિષેક શર્માને ટેકો આપવા માટે મેદાનમાં આવ્યા છે.
21-02 PM (IST)
ભારત વિરુદ્ધ દક્ષિણ આફ્રિકા લાઈવ સ્કોર: ભારતની ઇનિંગ શરૂ ભારતની ઇનિંગ શરૂ થઈ ગઈ છે. ઈશાન કિશન અને અભિષેક શર્મા ક્રીઝ પર છે.
દક્ષિણ આફ્રિકાએ ટોસ જીતીને બેટિંગમાં ઉતરવાનો નિર્ણય પ્રારંભિક ધબડકા પછી સાચો ઠેરવતા 20 કિલર મિલરની મક્કમ બેટિંગ, બ્રેવિસની બ્રેવહાર્ટ બેટિંગ અને સ્નબ્સની ભારતને સ્તબ્ધ કરી દેતી બેટિંગની મદદથી 20 ઓવરમાં 7 વિકેટે 187 રનનો જંગી સ્કોર ખડક્યો હતો. હવે જો ભારતે મેચ જીતવી હોય તો ટી-20 વર્લ્ડ કપના ઇતિહાસનો અત્યાર સુધીનો સૌથી શ્રેષ્ઠ ચેઝ કરવાનો આવશે. આમ ટી-20 વર્લ્ડ કપના ઇતિહાસનું સૌથી શ્રેષ્ઠ ચેઝિંગ કરવાનું આવશે. હાર્દિક પંડ્યાએ નાખેલી મેચની અંતિમ ઓવરમાં આફ્રિકાએ બે છગ્ગા અને એક ચોગ્ગાની મદદથી 20 રન કર્યા હતા. એક સમયે 20 રનમાં 3 વિકેટ ગુમાવનારા દક્ષિણ આફ્રિકા માટે 7 વિકેટે 187 રનનો સ્કોર ઘણો સન્માનજનક કહી શકાય. આના પગલે ભારત તરફથી બુમરાએ ચાર ઓવરમાં 15 રન આપી ત્રણ વિકેટ ઝડપી તે દેખાવ પર પાણી ફરી વળ્યું હતું. આ સિવાય અર્શદીપે ચાર ઓવરમાં 28 રન આપી 2 વિકેટ ઝડપી હતી. જ્યારે હાર્દિક પંડ્યા ચાર ઓવરમાં 45 રન આપી અને વરુણ ચક્રવર્તી 4 ઓવરમાં 47 રન આપી અત્યંત ખર્ચાળ પુરવાર થયા હતા. બંનેએ આઠ ઓવરમાં કુલ 92 રન આપી દીધા હતા.
ટોસ જીતીને પહેલા બેટિંગ કરવાનો નિર્ણય લેનાર દક્ષિણ આફ્રિકાએ ડી કોક અને માર્કરામ સાથે ઇનિંગની શરૂઆત કરી. જોકે, જસપ્રીત બુમરાહે બીજી ઓવરમાં ડી કોકને બોલ્ડ કર્યો. ડી કોકે ફક્ત 6 રન બનાવ્યા. ત્યારબાદ અર્શદીપે બીજી જ ઓવરમાં માર્કરામને આઉટ કર્યો, જેનાથી દક્ષિણ આફ્રિકા ફક્ત 12 રન બનાવી શક્યું. તે પછી પણ, બુમરાહે પરાજય ચાલુ રાખ્યો. બુમરાહે તેની બીજી ઓવર અને ઇનિંગની ચોથી ઓવરમાં રાયન રિકેલ્ટનને આઉટ કર્યો. રિકેલ્ટને ફક્ત 7 રન બનાવ્યા. 6 ઓવર પછી દક્ષિણ આફ્રિકાનો સ્કોર 41-3 હતો.પરંતુ પછી ડેવાલ્ડ બ્રેવિસ અને ડેવિડ મિલર વચ્ચે સારી ભાગીદારી વિકસી. 13મી ઓવરમાં શિવમ દુબે દ્વારા બ્રેવિસ આઉટ થતાં આ ભાગીદારી તોડી નાખવામાં આવી. બ્રેવિસે માત્ર 29 બોલમાં 45 રન બનાવ્યા. તેની અને મિલરની ભાગીદારી 97 રનની હતી. પરંતુ ત્યારબાદ મિલર અટક્યો નહીં. પરંતુ 16મી ઓવરમાં, વરુણે દક્ષિણ આફ્રિકાને પાંચમો ફટકો માર્યો જ્યારે તેણે ડેવિડ મિલરને આઉટ કર્યો. મિલરે ૩૫ બોલમાં ૬૩ રન બનાવ્યા હતા. ત્યારબાદ અર્શદીપે 18મી ઓવરમાં જેનસેનને આઉટ કર્યો. દક્ષિણ આફ્રિકા તરફથી કુલ 10 છગ્ગા ફટકારવામાં આવ્યા હતા.
20-45 PM (IST)
IND vs SA લાઈવ સ્કોર: દક્ષિણ આફ્રિકાએ ભારતને 188 રનનો લક્ષ્યાંક આપ્યો.
T20 વર્લ્ડ કપ 2026 ના પોતાના પહેલા સુપર 8 મેચમાં, દક્ષિણ આફ્રિકાએ ટોસ જીતીને બેટિંગ કરવાનો નિર્ણય લીધો, ડેવિડ મિલરની અડધી સદીની મદદથી, 20 ઓવરમાં સાત વિકેટે 187 રન બનાવ્યા. ભારત તરફથી, જસપ્રીત બુમરાહે ત્રણ વિકેટ લીધી, જ્યારે અર્શદીપ સિંહે બે વિકેટ લીધી. વરુણ ચક્રવર્તી અને શિવમ દુબેએ એક-એક વિકેટ લીધી.
20-45 PM (IST)
IND vs SA લાઈવ સ્કોર: દક્ષિણ આફ્રિકાએ 19ઓવરના અંતે 7 વિકેટે 167 રન કર્યા હતા. સ્ટબ્સ 24 રને રમતમાં છે. બુમરાએ તેની અંતિમ ઓવરમાં બોશને કો એન્ડ બોલ્ડ આઉટ કર્યો હતો. બુમરાએ ચાર ઓવરના સ્પેલમાં ફક્ત 15 રન આપી ત્રણ વિકેટ ઝડપી હતી.
20-35 PM (IST)
IND vs SA લાઈવ સ્કોર: દક્ષિણ આફ્રિકાએ 18ઓવરના અંતે 6 વિકેટે 165 રન કર્યા હતા. સ્ટબ્સ 23 રને રમતમાં હતા અને બોશ પાંચ રનમાં રમતમાં હતા.
20-25 PM (IST)
IND vs SA લાઈવ સ્કોર: દક્ષિણ આફ્રિકાએ 15 ઓવરના અંતે 4 વિકેટે 144 રન કર્યા હતા. મિલર 65 રને રમતમાં હતા અને સ્નબ્સ 11 રનમાં રમતમાં હતા. આફ્રિકાએ 15.32 ઓવરના અંતે 150 રન પૂરા કર્યા હતા. આ જ સ્કોર પર દક્ષિણ આફ્રિકાએ પાંચમી વિકેટ ગુમાવી હતી. મિલર 35 બોલમાં ત્રણ છગ્ગા અને સાત ચોગ્ગા સાથે 63 રન કરી આઉટ થયો હતો. વરૂણ ચક્રવર્તીએ તેને તિલક વર્માના હાથમાં ઝીલાવ્યો હતો.
20-12 PM (IST)
IND vs SA લાઈવ સ્કોર: કિલર મિલરની ફક્ત 26 બોલમાં 52 રન સાથે હાફ સેન્ચુરી પૂરી કરી. કિલર મિલરની મક્કમ બેટિંગ દક્ષિણ આફ્રિકાને સન્માનજનક સ્કોરે લઈ ગઈ છે. મિલરે ટીમ મુશ્કેલીમાં હતી ત્યારે 26 બોલમાં ત્રણ છગ્ગા અને છ ચોગ્ગાની મદદથી દક્ષિણ આફ્રિકાને સન્માનજનક સ્થિતિ તરફ દોર્યુ હતુ.
20-08 PM (IST)
IND vs SA લાઈવ સ્કોર: દક્ષિણ આફ્રિકા 12.2 ઓવરના અંતે 4વિકેટે 117 રન
દક્ષિણ આફ્રિકાએ 12.2 ઓવરમાં 117 રનના સ્કોર પર ચોથી વિકેટ ગુમાવી હતી. બ્રેવિસ 29 બોલમાં ત્રણ ચોગ્ગા અને ત્રણ છગ્ગાની મદદથી 45 રન કરી આઉટ થયો હતો. તેણે મિલર સાથે ચોથી વિકેટની 97 રનની ભાગીદારી નોંધાવી હતી મિલરની મક્કમ બેટિંગ ટીમને ફરીથી મેચમાં પરત લાવી હતી. તેને બ્રેવિસે પણ સારો સાથ આપ્યો છે.
19-55 PM (IST)
IND vs SA લાઈવ સ્કોર: દક્ષિણ આફ્રિકા 11.1 ઓવરના અંતે 3 વિકેટે 100 રન
દક્ષિણ આફ્રિકાએ 11.1 ઓવરમાં 3 વિકેટે 100 રન પૂરા કર્યા હતા. મિલરની મક્કમ બેટિંગ ટીમને ફરીથી મેચમાં પરત લાવી હતી. તેને બ્રેવિસે પણ સારો સાથ આપ્યો છે. બંને વચ્ચે 81 રનની ભાગીદારી થઈ ચૂકી છે.
19-55 PM (IST)
IND vs SA લાઈવ સ્કોર: દક્ષિણ આફ્રિકા 10 ઓવરના અંતે 3 વિકેટે 84
દક્ષિણ આફ્રિકાએ બુમરા અને અર્શદીપે આપેલા પ્રારંભિક ઝાટકામાંથી બેઠા થતાં 10 ઓવરના અંતે 3 વિકેટે 84 રન કર્યા હતા. ડેવિડ મિલર 40 અને બ્રેવિસ 24 રને રમતમાં છે. બંનેએ વરુણ ચક્રવર્તીની બે ઓવરમાં 28 રન લીધા હતા. આના કારણે સાઉથ આફ્રિકા મજબૂત સ્કોર નોંધાવે તેવી સંભાવના વધી ગઈ છે. બંને વચ્ચે અત્યાર સુધીમાં 64 રનની ભાગીદારી થઈ ચૂકી છે.
19-38 PM (IST)
IND vs SA લાઈવ સ્કોર: દક્ષિણ આફ્રિકાએ 7મી ઓવરના અંતે 50 રન પૂરા કર્યા
દક્ષિણ આફ્રિકાએ બુમરા અને અર્શદીપે આપેલા પ્રારંભિક ઝાટકામાંથી બેઠા થતાં સાત ઓવરના અંતે 3 વિકેટે 52 રન કર્યા હતા. ડેવિડ મિલર 22 અને બ્રેવિસ 11 રને રમતમાં છે.
19-20 PM (IST)
IND vs SA લાઈવ સ્કોર: દક્ષિણ આફ્રિકાને ત્રીજો ફટકો પડ્યો
બુમરાએ પોતાની બીજી ઓવરમાં રાયન રિકલ્ટનને આઉટ કર્યો. રિકલ્ટન સાત રન બનાવીને આઉટ થયો, જેમાં એક છગ્ગાનો પણ સમાવેશ થાય છે. આ સાથે બુમરાએ બીજી વિકેટ ઝડપી.સાઉથ આફ્રિકા ફક્ત 20 રનના સ્કોર પર જ ત્રણ વિકેટ ગુમાવી મુશ્કેલીમાં મૂકાઈ ગયું.
19-15 PM (IST)
IND vs SA લાઈવ સ્કોર: દક્ષિણ આફ્રિકાને બીજો ફટકો પડ્યો
અર્શદીપે પોતાની બીજી ઓવરમાં એડન માર્કરમને આઉટ કર્યો. ડી કોક સાત બોલમાં છ રન બનાવીને આઉટ થયો, જેમાં એક ફોરનો પણ સમાવેશ થાય છે. માર્કરમ ચાર રન બનાવી આઉટ થયો હવે ડેવાલ્ડ બ્રુઇસ રાયન રિકેલ્ટનને સાથ આપવા ડેવોલ્ડ બ્રુઇસ આવ્યા છે.
19-10 PM (IST)
IND vs SA લાઈવ સ્કોર: દક્ષિણ આફ્રિકાને પહેલો ફટકો પડ્યો
જસપ્રીત બુમરાહે પોતાની પહેલી જ ઓવરમાં ક્વિન્ટન ડી કોકને આઉટ કર્યો. ડી કોક સાત બોલમાં છ રન બનાવીને આઉટ થયો, જેમાં એક ફોરનો પણ સમાવેશ થાય છે.
19-06 PM (IST)
IND vs SA સુપર-8 લાઈવ સ્કોર: મેચ શરૂ
૨૦૨૬ T20 વર્લ્ડ કપનો સૌથી મોટો મેચ શરૂ થઈ ગયો છે. ભારત અને દક્ષિણ આફ્રિકા વિશ્વના સૌથી મોટા સ્ટેડિયમમાં એકબીજાનો સામનો કરી રહ્યા છે. અર્શદીપ સિંહે પહેલી ઓવર ફેંકી. આ ઓવરમાં કુલ ચાર રન બન્યા. ક્વિન્ટન ડી કોક અને એડન માર્કરામ ક્રીઝ પર છે.
ભારત અને સાઉથ આફ્રિકા વચ્ચે સુપર-8ની ટક્કર થઈ રહી છે. સાઉથ આફ્રિકાએ આ મેચમાં ટોસ જીતીને બેટિંગ લીધી છે. આજે અમદાવાદના નરેન્દ્ર મોદી સ્ટેડિયમ ખાતે ભારત અને દક્ષિણ આફ્રિકા વચ્ચે સુપર 8નો ત્રીજો મુકાબલો રમાઈ રહ્યો છે. આ મુકાબલો સાંજે 7 વાગ્યે શરૂ થશે. બંને ટીમોના કેપ્ટન સાંજે 6:30 વાગ્યે ટોસ માટે મેદાનમાં ઉતરશે. ભારત અને દક્ષિણ આફ્રિકા બંને આ ટુર્નામેન્ટમાં શાનદાર ફોર્મમાં છે, જેમણે પોતાના બધા ગ્રુપ સ્ટેજ મેચ જીતીને સુપર 8માં સ્થાન મેળવ્યું છે. ભારતે પહેલા તબક્કામાં પાકિસ્તાન જેવી મજબૂત ટીમને 61 રનથી હરાવી હતી, જ્યારે દક્ષિણ આફ્રિકાએ ગ્રુપ સ્ટેજમાં ન્યૂઝીલેન્ડ સહિતની બધી ટીમોને પણ વ્યાપકપણે હરાવી હતી.
2026 T20 વર્લ્ડ કપના સુપર 8 તબક્કાની સૌથી મોટી મેચ અમદાવાદના નરેન્દ્ર મોદી સ્ટેડિયમ ખાતે રમાઈ રહી છે. ભારત અને દક્ષિણ આફ્રિકા એકબીજા સામે ટકરાશે. આ મેચ ખૂબ જ રોમાંચક રહેવાની અપેક્ષા છે. નરેન્દ્ર મોદી સ્ટેડિયમની પીચ બેટિંગ-ફ્રેન્ડલી છે, અને બંને ટીમો પાવર હિટરથી ભરેલી છે. તેથી, એક હાઈસ્કોરિંગ મેચની અપેક્ષા છે. ભારત અને દક્ષિણ આફ્રિકા બંને લીગ તબક્કામાં અપરાજિત રહ્યા. ટીમ ઈન્ડિયા ગ્રુપ A માં ટોચ પર રહી, જ્યારે દક્ષિણ આફ્રિકા ગ્રુપ D માં પ્રથમ સ્થાન મેળવ્યું. આ બંને ટીમો 2024 T20 વર્લ્ડ કપ ફાઇનલમાં પણ એકબીજા સામે આવી હતી, જ્યાં ભારતે ઐતિહાસિક વિજય મેળવ્યો હતો. જો કે, હવે સુપર 8 તબક્કાનો પડકાર સામે છે.
નરેન્દ્ર મોદી સ્ટેડિયમ પિચ રિપોર્ટ
નરેન્દ્ર મોદી સ્ટેડિયમની પીચ સામાન્ય રીતે બેટિંગ-ફ્રેન્ડલી છે. વર્તમાન વર્લ્ડ કપમાં અહીં રમાયેલી ત્રણ મેચોમાં, ફક્ત એક જ વાર કોઈ ટીમે છ ઇનિંગમાં 170 થી ઓછા રન બનાવ્યા છે. દક્ષિણ આફ્રિકા વિરુદ્ધ અફઘાનિસ્તાન મેચ, જે સુપર ઓવરમાં ગઈ, આ મેદાન પર રમાઈ હતી. સ્વાભાવિક છે કે, ભારત વિરુદ્ધ દક્ષિણ આફ્રિકા મેચમાં પણ ચોગ્ગા અને છગ્ગાનો આવો જ જુસ્સો જોવા મળી શકે છે.
#WATCH | Gujarat: Team South Africa arrives at Narendra Modi Stadium in Ahmedabad, as they are all set to face India in an #ICCT20WorldCup2026 match today. pic.twitter.com/C1f2HAIGF5
— ANI (@ANI) February 22, 2026
બંને ટીમો
ભારત: અભિષેક શર્મા, ઈશાન કિશન (વિકેટકીપર), તિલક વર્મા, સૂર્યકુમાર યાદવ (કેપ્ટન), શિવમ દુબે, હાર્દિક પંડ્યા, રિંકુ સિંહ, વોશિંગ્ટન સુંદર, અર્શદીપ સિંહ, જસપ્રિત બુમરાહ, વરુણ ચક્રવર્તી, સંજુ સેમસન, કુલદીપ યાદવ, મોહમ્મદ પટેલ, સિરાજર
દક્ષિણ આફ્રિકા: એઇડન માર્કરામ (કેપ્ટન), ક્વિન્ટન ડી કોક (વિકેટકીપર), રેયાન રિકલ્ટન, ડેવાલ્ડ બ્રેવિસ, ટ્રિસ્ટન સ્ટબ્સ, જેસન સ્મિથ, જ્યોર્જ લિન્ડે, કોર્બિન બોશ, કાગીસો રબાડા, એનરિચ નોર્ટજે, ક્વેના મફાકા, ડેવિડ મિલર, લુંગી એનગીડી, કેશવ મહારાજ, માર્કો જાનસેન મહારાજ.
