રાજકોટના રાજવી અને દાદા તરીકે ઉપનામ ધરાવતા મનોહરસિંહજી જાડેજા છેલ્લા ઘણા સમયથી બીમાર છે. આજે ગુરૂવારે તેમની તબિયત અચાનક લથડી હતી. તબિયત નાજુક હોવાથી પરિવારના દરેક સભ્યોને બોલાવી લેવામાં આવ્યા છે. હાલ તેમની તબિયત નાજુક હોવાનું જાણવા મળી રહ્યું છે.
રાજકોટ ના મતદાર ક્ષેત્રમાં કોંગ્રેસ માટે મનોહરસિંહજી 1967માં ગુજરાત વિધાનસભા માટે ચૂંટાયા હતા અને 1971 સુધી સેવા આપી હતી. મનોહરસિંહજીએ રાજકોટ મતદાર ક્ષેત્ર માટે 1980થી 1985 અને 1990થી 1995 સુધી ગુજરાત વિધાનસભાના સભ્ય તરીકે સેવા આપી હતી અને નાણાંમંત્રી, યુવા સેવાઓ પ્રધાન સહિતના કેબિનેટમાં સંખ્યાબંધ પદ પર કબ્જો મેળવ્યો હતો. 1998થી તેમણે ભારતીય રાષ્ટ્રીય કોંગ્રેસના રાજ્ય વિભાગ, ગુજરાત પ્રદેશ કોંગ્રેસ સમિતિના વાઇસ પ્રેસિડન્ટ તરીકે સેવા આપી હતી.
મનોહરસિંહજી પ્રદ્યુમનસિંહ જાડેજાનો જન્મ 18 નવેમ્બર 1935ના રોજ રાજકોટના રણજીત વિલાસ પેલેસ ખાતે થયો હતો. મનોહરસિંહજીને લોકો દાદા ના હુલામણા નામથી ઓળખે છે. મનોહરસિંહજી દાદાએ રાજકોટના યાજ્ઞિક રોડ પર આવેલી રાજકુમાર કોલેજમાં અભ્યાસ કર્યો છે. દાદાના લગ્ન 1949 ની સાલમાં માનકુમારી દેવી સાથે થયા હતા.
