આજે દેશમાં ચૂંટણી યોજાય, તો એનડીએ 43 ટકા જનાધાર અને 321 બેઠકો. તે જ સમયે, યુપીએને 27 ટકા જનાધાર અને 93 બેઠકોથી સંતોષ માનવો પડી શકે – સર્વેક્ષણ

વડા પ્રધાન નરેન્દ્ર મોદીની લોકપ્રિયતાને કોરોના સમયગાળા, ખેડૂત આંદોલન અને ચીની કટોકટી વચ્ચે  કોઇ અસર નથી થઈ. દેશમાં પ્રવર્તી રહેલા કોરોના રોગચાળા અને કૃષિ કાયદાઓ અંગેના આંદોલનના વચ્ચે તાજેતરમાં જ કરવામાં આવેલા એક સર્વેમાં બહાર આવ્યું છે કે, દેશના લગભગ  74 ટકા લોકો પીએમ મોદીના કામને સારુ અથવા ખૂબ સારુ માને છે. 3 થી 13 જાન્યુઆરીની વચ્ચે એક ખાનગી માધ્યમ દ્વારા કરાયેલા એક સર્વે અનુસાર પીએમ મોદી હજી લોકોમાં ફોવરીટ છે અને તેઓ અત્યાર સુધીના શ્રેષ્ઠ વડા પ્રધાન પણ છે.આટલું જ નહીં, જો આજે દેશમાં ચૂંટણી યોજાય તો એનડીએ 43 ટકા જનાધાર અને 321 બેઠકો મેળવી શકે છે. તે જ સમયે, યુપીએને 27 ટકા જનાધાર અને 93 બેઠકોથી સંતોષ માનવો પડી શકે છે. 

PM મોદી આજે પણ ફેવરીટ – PMની મોદીની કામગીરી વિશે લોકમત

 ખાનગી માધ્યમનાં સર્વેમાં 74 ટકા લોકો પીએમ મોદીના કામથી સંતુષ્ટ છે, જેમાંથી  30 ટકા લોકોએ PM મોદીની કામગીરી સારી અને 44 ટકા લોકો ખૂબ સારી હોવાનું માન્યું છે. તે જ સમયે, સર્વે અનુસાર, 66 ટકા લોકો એનડીએ સરકારથી સંતુષ્ટ છે.  ઉપરાંત, 17 ટકા લોકો પીએમની કામગીરીને સરેરાશ માને છે, જ્યારે 8 ટકા લોકોએ તેને ખરાબ ગણાવ્યું છે.

મોદી સરકારનાં શ્રેષ્ઠ મંત્રી કોણ ?  – આ છે લોકોનો જવાબ

મોદી સરકારમાં સારા પ્રધાન કોણ છે? તેના જવાબમાં 39 ટકા લોકોએ અમિત શાહને મત આપ્યો, 14 ટકા લોકોએ રાજનાથ સિંઘને શ્રેષ્ઠ માન્યા, અને 10 ટકા લોકોએ નીતિન ગડકરીને મોદી સરકારમાં શ્રેષ્ઠ પ્રધાન તરીકે જોયા. 

કોરોના સામેની લડાઇમાં મોદી સરકાર

ઉપરાંત, 73 ટકા લોકો કોરોના વાયરસ સંકટને પહોંચી વળવા મોદી સરકારના કામથી સંતુષ્ટ છે. તેમાંથી 23 ટકા લોકોએ જણાવ્યું હતું કે સરકારે કોરોના સંભાળવામાં એક મહાન કામ કર્યું છે, જ્યારે 50 ટકા લોકોએ કહ્યું કે તે સારું કામ કરે છે. રસી અંગેના સર્વેના પ્રશ્નમાં તે બહાર આવ્યું છે કે 76 ટકા લોકો રસી લેવાનું ઇચ્છે છે, જ્યારે 21 ટકા લોકો તેની વિરુદ્ધ છે. ઉપરાંત 92 ટકા લોકો રસી મફતમાં માંગે છે. 

આટલા લોકોએ ગણાવ્યા મોદીને અત્યાર સુધીનાં શ્રેષ્ઠ PM

સર્વેમાં એવો સવાલ કરવામાં આવ્યો હતો કે, અત્યાર સુધીમાં સર્વોત્તમ પ્રધાનમંત્રી કોણ ? આના જવાબમાં 38 ટકા લોકો પીએમ મોદી સાથે ગયા હતા. સર્વેક્ષણમાં આશરે 38 ટકા લોકોએ કહ્યું કે તેઓ નરેન્દ્ર મોદીને શ્રેષ્ઠ વડા પ્રધાન માને છે. તે જ સમયે, 18 ટકા લોકોએ અટલ બિહાર વાજપેયી માન્યતા આપી હતી. તેમ જ, 11 ટકા લોકોએ જણાવ્યું હતું કે ઈન્દિરા ગાંધી અને 8 ટકા લોકોએ જવાહરલાલ નહેરુને શ્રેષ્ઠ વડા પ્રધાન ગણાવ્યા હતા. 7 ટકા લોકોએ મનમોહન સિંઘને શ્રેષ્ઠ વડા પ્રધાન તરીકે પસંદ કર્યા હતા.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…