Gujarat News : ગુજરાતમાં ફેબ્રુઆરી મહિનાના અંત સાથે શિયાળાની ઋતુનો પણ અંત થઈ રહ્યો છે. બીજીતરફ રાજ્યમાં ધીમેધીમે તાપમાન સતત વધી રહ્યું છે. બીજીતરફ કેટલાક જિલ્લાઓમાં સાંજ અને સવારના સમયે ઠંડીનો અનુભવ થાય છે. પરંતુ, બપોરે ગરમી લોકોને પરેશાન કરે છે. દરમિયાન, હવામાન વિભાગે મહાશિવરાત્રી નિમિત્તે ગુજરાતના મહત્તમ તાપમાન માટે યલો એલર્ટ જારી કર્યું છે. વિભાગે ચેતવણી આપી છે કે સૌરાષ્ટ્ર ક્ષેત્રમાં તાપમાન બે થી ત્રણ ડિગ્રી વધી શકે છે. આ ચેતવણી 26 થી 27 ફેબ્રુઆરી સુધી અમલમાં રહેશે.
હવામાન વિભાગે જણાવ્યું હતું કે 26 અને 27 ફેબ્રુઆરીએ સૌરાષ્ટ્ર અને દક્ષિણ ગુજરાતમાં તાપમાન માટે યલો એલર્ટ જારી કરવામાં આવ્યું છે. અહીં ગરમ અને ભેજવાળું હવામાન રહેવાની અપેક્ષા છે. આ સમય દરમિયાન, અમદાવાદમાં આકાશ સ્વચ્છ રહેશે. IMD અનુસાર, કચ્છ જેવા રાજ્યના દરિયાકાંઠાના વિસ્તારોમાં તાપમાન વધી શકે છે અને તીવ્ર ગરમી શરૂ થઈ શકે છે. તેથી, હવામાન વિભાગે સાવચેતી રૂપે યલો ચેતવણી જારી કરી છે.
હવામાન વિભાગના વૈજ્ઞાનિક એ. કે. દાસે જણાવ્યું હતું કે આગામી 5 દિવસ સુધી આ વિસ્તારના લઘુત્તમ તાપમાનમાં કોઈ ફેરફાર થશે નહીં. પરંતુ આગામી 2 થી 3 દિવસમાં મહત્તમ તાપમાનમાં વધારો થઈ શકે છે. ત્યારબાદ તાપમાનમાં 2 થી 3 ડિગ્રીનો ઘટાડો થઈ શકે છે. જ્યારે ૨૬મી તારીખે સૌરાષ્ટ્ર અને દક્ષિણ ગુજરાતના દરિયાકાંઠાના વિસ્તારો માટે યલો એલર્ટ જારી કરવામાં આવ્યું છે. આ પ્રદેશમાં ગરમ અને ભેજવાળું હવામાન અનુભવી શકાય છે.
આ પણ વાંચો:નવસારીના બીલીમોરામાં ચૂંટણીના પરીણામ બાદ બબાલ
આ પણ વાંચો:નવસારીમાં ખાળકુવો બનાવતા બે મજૂરો ખાળકુવામાં ફસાયા
આ પણ વાંચો:નવસારીમાં તંત્રની બેદરકારીએ વૃદ્ધનો જીવ લીધો
