રોહિત શર્માની અડધી સદીની મદદથી ભારતે બુધવારે આઈસીસી ટી 20 વર્લ્ડ કપની બીજી પ્રેક્ટિસ મેચમાં ઓસ્ટ્રેલિયાને આઠ વિકેટે હરાવીને સતત બીજી જીત નોંધાવી છે. પ્રથમ પ્રેક્ટિસ મેચમાં ઇંગ્લેન્ડને હરાવી હતી. ભારતે ઓસ્ટ્રેલિયાના 153 રનના લક્ષ્યનો પીછો કર્યો હતો, રોહિત શર્માના 41 બોલમાં પાંચ ચોગ્ગા અને ત્રણ છગ્ગાની મદદથી 60 રન કર્યા હતા  નિવૃત્ત થતાંં પહેલા લોકેશ રાહુલ (39) ની મદદથી તેની પ્રથમ વિકેટની 68 અને બીજી વિકેટની 59 રનની ભાગીદારી સૂર્યકુમાર યાદવ (અણનમ 38) સાથે મહત્વની ભાગીદારી કરી હતી, ભારતે 17.5 ઓવરમાં બે વિકેટ માટે 153 રન બનાવ્યા. સ્ટીવ સ્મિથ (57), માર્કસ સ્ટોઈનિસ (અણનમ 41) અને ગ્લેન મેક્સવેલ (37) ની ઈનિંગને કારણે ઓસ્ટ્રેલિયાએ પાંચ વિકેટે 152 રન બનાવ્યા હતા.

સ્મિથે મેક્સવેલ સાથે ચોથી વિકેટ માટે 61 અને સ્ટોઇનિસ સાથે પાંચમી વિકેટ માટે 76 રનની ભાગીદારી કરી હતી. સ્મિથે 48 રનની પોતાની ઇનિંગમાં સાત ચોગ્ગા ફટકાર્યા હતા જ્યારે સ્ટોઇનિસે 25 બોલનો સામનો કરીને ચાર ચોગ્ગા અને એક છગ્ગો ફટકાર્યો હતો. ભારત હવે રવિવારે ટી 20 વર્લ્ડ કપ સુપર 12 ની પોતાની પ્રથમ મેચમાં પાકિસ્તાન સામે ટકરાશે. લક્ષ્યનો પીછો કરતા રાહુલ અને રોહિતે ભારતને સારી શરૂઆત અપાવી હતી. મિશેલ સ્ટાર્કની બોલ પર બાઉન્ડ્રી ફટકાર્યા બાદ રાહુલે એશ્ટન અગરને છગ્ગા સાથે આવકાર્યો હતો. રોહિતે પેટ કમિન્સની બે ઓવરમાં ત્રણ ચોગ્ગા પણ ફટકાર્યા હતા. ભારતે પાવરપ્લેમાં વિકેટ ગુમાવ્યા વગર 42 રન બનાવ્યા હતા. રાહુલે સાતમી ઓવરમાં લેગ સ્પિનર ​​એડમ ઝમ્પા પર બે છગ્ગા સાથે ટીમનો સ્કોર 50 રને પાર કરી લીધો હતો. જોકે, અગર પર મોટો શોટ રમવાનો પ્રયાસ કરતા રાહુલે બોલને હવામાં લહેરાવ્યો હતો અને ડેવિડ વોર્નરે કેચ લેવામાં કોઈ ભૂલ કરી ન હતી.