બિહારના ભાગલપુર જિલ્લાના પીરપૈતિ પોલીસ સ્ટેશન વિસ્તારમાં તાંત્રિકના પ્રભાવ હેઠળ એક શખ્સે પુત્રની ઈચ્છામાં પોતાના 11 વર્ષના ભત્રીજાને બલિ આપ્યાનો મામલો સામે આવ્યો છે. પોલીસે ઝડપી કાર્યવાહી કરી તાંત્રિક અને આરોપીની ધરપકડ કરી છે. પોલીસે સોમવારે જણાવ્યું હતું કે, “પીરપૈતિ પોલીસ સ્ટેશન વિસ્તારના વિનોબા ટોલામાં રહેતા શિવાનંદનને લગ્નના 12 વર્ષ પછી પણ કોઈ સંતાન નથી. આ સમય દરમિયાન તે એક તાંત્રિક પાસે ગયો. ત્યારે તાંત્રિકે શિવાનંદનને કહ્યું કે જો તે કોઈ સગાના બાળકની બલિ ચડાવે તો તેને સંતાન થશે.
આક્ષેપ કરવામાં આવી રહ્યા છે કે દિવાળીની રાત્રે શિવાનંદને તેના ભાઇ સિકંદર દાસના પુત્ર કન્હૈયા (11) ને ફટાકડા લેવાની લાલચ આપી હતી અને ગામ નજીક વાંસના જંગલમાં બલિ આપી હતી. રાત્રે કન્હૈયાની ખૂબ શોધખોળ કરવામાં આવી હતી, પરંતુ તે ક્યાંય મળ્યો નહતો. સોમવારે સવારે ગામના લોકોએ ગામ નજીક કન્હૈયાનું માથું કાપેલું શરીર જોયું હતું અને પોલીસને તેના વિશે જાણ કરવામાં આવી હતી. કન્હૈયા ત્રીજા ધોરણનો વિદ્યાર્થી હતો. ગામલોકોના જણાવ્યા મુજબ, એવું લાગ્યું કે કોળાની બલિ આપવામાં આવી હતી, ત્યારબાદ કન્હૈયાની બલિ આપી હતી. ઘટનાસ્થળેથી એક કપાયેલું કોળું પણ મળી આવ્યું છે.
ઘટનાની જાણ થતાં કહાલગામ પોલીસ ઉપરા અધ્યક્ષ રેશુ કૃષ્ણ સહિતના અન્ય પોલીસ અધિકારીઓ ઘટના સ્થળે પહોંચ્યા હતા અને લાશને પોતાના કબજામાં લઇને પોસ્ટમોર્ટમ માટે ભાગલપુર મોકલી આપી હતી. નાયબ પોલીસ અધિક્ષકએ જણાવ્યું કે, સમગ્ર મામલાની તપાસ કરવામાં આવી રહી છે. તેમણે કહ્યું કે તાંત્રિક વિલાસ મંડળ અને શિવાનંદન દાસની ધરપકડ કરવામાં આવી છે અને તેમની પૂછપરછ કરવામાં આવી રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
