ભારતીય ટીમ આ દિવસોમાં ઈંગ્લેન્ડના પ્રવાસે છે. અહીં 23 જૂનથી ઇંગ્લિશ ક્લબ લિસેસ્ટરશાયર સામે વોર્મ-અપ મેચ રમાઇ રહી છે. આ મેચમાં ભારતીય ટીમે ટોસ જીતીને પ્રથમ બેટિંગ કરી હતી. આ પછી તેણે બીજા દિવસ સુધી મેચમાં મજબૂત પકડ બનાવી લીધી છે. મેચના બીજા દિવસે ટીમ ઈન્ડિયાએ બીજા દાવમાં એક વિકેટે 80 રન બનાવ્યા હતા. હનુમા વિહારી (9) અને શ્રીકર ભરત (31) અણનમ છે.
રોહિત શર્માની કપ્તાનીમાં ટીમ ઈન્ડિયાએ પ્રથમ દાવમાં 8 વિકેટે 246 રન બનાવ્યા અને દાવ ડિકલેર કર્યો. આ પછી લેસ્ટરશાયરની ટીમ 244 રનમાં ઓલઆઉટ થઈ ગઈ હતી. આ રીતે ટીમ ઈન્ડિયાએ પ્રથમ દાવમાં બે રનની લીડ મેળવી હતી. રોહિતના સ્થાને શ્રીકર ભારતે ઓપનિંગ કર્યું હતું ટીમ ઈન્ડિયા હવે બીજા દાવમાં બેટિંગ માટે મેદાનમાં ઉતરી છે.
આ દરમિયાન કેપ્ટન રોહિતે તેના સ્થાને વિકેટકીપર બેટ્સમેન શ્રીકર ભરતને ઓપનિંગમાં મોકલ્યો હતો. ભારતે શુભમન ગિલ સાથે ઇનિંગ્સની શરૂઆત કરી હતી. બંને ઓપનરોએ શાનદાર શરૂઆત આપી હતી અને ટીમ ઈન્ડિયાએ 13 ઓવરમાં કોઈ વિકેટ ગુમાવ્યા વિના 62 રન બનાવી લીધા હતા.
Which Test Cricket performed the better?
– Joe Root – @englandcricket
– Virat Kohli – @BCCI#IndiaTourMatch | #LEIvIND | #TeamIndia pic.twitter.com/8t58tXZUAK
— Leicestershire Foxes (@leicsccc) June 24, 2022
અહીં 62ના સ્કોર પર ટીમ ઈન્ડિયાને પહેલો ઝટકો લાગ્યો હતો. ઓપનર શુભમન ગિલ 38 રન બનાવીને પેવેલિયન પરત ફર્યો હતો. તેના પછી હનુમા વિહારી ક્રિઝ પર આવ્યો. એટલે કે આ ઈનિંગમાં રોહિત પોતાને મિડલ ઓર્ડરમાં લાવવા માંગે છે તે સ્પષ્ટ થઈ ગયું છે.
વોર્મ-અપ મેચ માટેની ટીમ
ભારતીય ટીમ
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, હનુમા વિહારી, કેએસ ભરત (ડબ્લ્યુકે), રવિન્દ્ર જાડેજા, શાર્દુલ ઠાકુર, મોહમ્મદ શમી, મોહમ્મદ સિરાજ અને ઉમેશ યાદવ.
લેસ્ટરશાયર ટીમ
સેમ ઈવાન્સ (કેપ્ટન), રેહાન અહેમદ, સેમ બેટ્સ (વિકેટ), નેટ બાઉલી, વિલ ડેવિસ, જોય એવિસન, લુઈસ કિમ્બર, અબી સ્કંદે, રોમન વોકર, ચેતેશ્વર પુજારા, ઋષભ પંત, જસપ્રિત બુમરાહ અને પ્રણભવ કૃષ્ણા.
