સામાન્ય માતા-પિતા પોતાના બાળકોનાં લગ્ન માટે છોકરા-છોકરીઓ જોતા હોય છે. પરંતુ આજકાલ સોશિયલ મીડિયા પર ઉલટી ગંગા વહી રહી છે. આજકાલ સોશિયલ મીડિયા પર માતા-પિતા નહીં પરંતુ તેમના બાળકો માતા-પિતા માટે જીવનસાથી શોધી રહ્યા છે.થોડા સમય પહેલા સોશિયલ મીડિયા પર એક દીકરી ટ્વીટ કરીને તેની માતા માટે જીવનસાથી શોધી રહી હતી. આવી જ એક પોસ્ટ હાલ સોશિયલ મીડિયા પર ફરી વાયરલ થઇ રહી છે જેમાં એક દીકરો તેની વિધવા માટે માટે જીવનસાથી શોધી રહ્યો છે.
આપને જણાવી દઈએ કે સોશિયલ મીડિયા પર હુગલીનો એક યુવાન પોતાની વિધવા માતા માટે યોગ્ય જીવનસાથીની શોધમાં છે. યુવકે તેની માતા સાથે ફોટો શેર કરીને તેના માટે યોગ્ય વરને શોધવાનું શરૂ કર્યું છે.
આ મામલો ગૌરવ અધિકારી સાથે જોડાયેલો છે, જે પશ્ચિમ બંગાળના હુગલી જિલ્લાની ફ્રેન્ચ કોલોનીમાં તેની માતા સાથે રહે છે. ગૌરવની માતા 45 વર્ષનાં છે અને પાંચ વર્ષ પહેલા તેમના પતિનું અવસાન થયું છે. ગૌરવ કહે છે કે તેની માતા તેની નોકરી પછી એકલા રહી ગયા છે અને તે ઇચ્છે છે કે તેમની માતાને યોગ્ય જીવનસાથી મળે.
આ ઇચ્છા સાથે ગૌરવ અધિકારીએ 10 ફેબ્રુઆરીએ તેના ફેસબુક એકાઉન્ટ પર પાત્ર વરરાજાની શોધ માટે તેની માતા સાથે ફોટો શેર કર્યો હતો. આ પોસ્ટને ઝડપથી શેર કરવામાં આવી રહી છે અને લોકો ગૌરવની વિચારસરણીની પ્રશંસા કરી રહ્યા છે. આ પોસ્ટ વાયરલ થઈ છે અને તેને સતત શેર કરવામાં આવી રહી છે.
ગૌરવ કહે છે કે તેની માતાના જીવનસાથી માટે કેટલીક શરતો છે, કે તેઓ પોતે આત્મનિર્ભર હોવા જોઈએ. માતાને પુસ્તકો અને સંગીત પસંદ છે, પરંતુ પુસ્તકો અને સંગીત જીવન સાથીનું સ્થાન લઈ શકશે નહીં. તેઓ તેમની માતાને તેમની એકલતાને દૂર કરવા માટે જીવનસાથીની ઇચ્છા રાખે છે, જે સુખ અને દુ:ખમાં તેમની સાથે ઉભા રહી શકે.
ગૌરવ કહે છે કે લોકો મારા નિર્ણયનો ઉપહાસ કરે છે અને મને હાંસી શકે છે, પરંતુ એક દીકરા તરીકે મારી ફરજ છે કે હું મારી માતાને નવું જીવન આપવા માંગું છું. થોડા દિવસો પછી હું લગ્ન કરીશ અને હું મારા ઘર સંસારમાં પણ વ્યસ્ત થઈ જશ, પછી માતા વધુ એકલા થઈ જશે, તેનથી વધુ સારું છે કે તેઓને નવા જીવનસાથી અને મિત્ર મળે.
થોડા દિવસો પહેલા આસ્થા નામની યુવતીએ પણ પોતાની વિધવા માતા માટે પચાસ વર્ષની શાકાહારી જીવનસાથીની શોધમાં ટ્વિટર પર એક પોસ્ટ શેર કરી હતી, જેની ઘણી પ્રશંસા થઈ હતી.
આવી પોસ્ટ્સ બદલાતા સમાજને બતાવી રહી છે. બાળકોને ઉછેરવાના સંઘર્ષમાં જીવન એક તબક્કે એકલું બની ગયું છે અને માતા-પિતાના જીવનમાં રંગ ભરવાની બાળકોની આ કવાયત ખૂબ જ પ્રશંસનીય છે. આ એક નવી પહેલ છે જે સમાજને નવા દ્રષ્ટિકોણથી જોવામાં મદદ કરશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
