દિલ્હીના જવાહરલાલ નહેરુ યુનિવર્સિટી કેમ્પસમાં રવિવારે સાંજે માસ્ક પહેરીને આવેલા બદમાશો દ્વારા હુમલો કરવામાં આવ્યો હતો. ઘણા વિદ્યાર્થી અને શિક્ષકોને ઇજાઓ થઈ છે. આ ગુંડાઓનું લક્ષ્ય ખાસ કરીને સાબરમતી છાત્રાલય હતું. જ્યાં તેણે ખૂબ આતંક મચાવ્યો હતો. આ છાત્રાલયના અંધ વિદ્યાર્થીને પણ ખરાબ રીતે માર મારવામાં આવ્યો હતો. જેએનયુની સાબરમતી છાત્રાલયમાં રહેતા અંધ વિદ્યાર્થી સૂર્યા પ્રકાશે જે જણાવ્યું છે કે તે ચોંકાવનારી છે.
સૂર્ય પ્રકાશે કહ્યું છે, રવિવારે સાંજે સાડા સાત વાગ્યા હતા. જ્યારે હું મારા રૂમમાં બેઠો હતો ત્યારે બહારથી અપશબ્દો અને અવાજ સંભળાવતો હતો. હું કાંઈ સમજી શકું તે પહેલાં, ઘણા લોકો દરવાજો તોડીને મારા રૂમમાં પ્રવેશ્યા. તેઓએ ઓરડામાં તોડફોડ શરૂ કરી.
ત્યાર પછી મને લાકડીઓ વડે માર મારવાનું શરૂ કર્યું. ટે લોકો પાસેથી દારૂની ગંધ આવી રહી હતી. મેં ચીસો પાડી પાડીને કહ્યું કે હું જોઈ નથી શકતો, તમે મને કેમ મારી રહ્યા છો? જ્યારે મેં બૂમ પાડી ત્યારે તેમાંથી એકે અપશબ્દો બોલીને કહ્યું, ખોટું બોલીશે, આને મારી નાખો. પછી કદાચ તેમાંના કેટલાકએ કહ્યું કે તે અંધ છે અને મને છોડી આગળ ચાલ્યા ગયા.
સૂર્ય પ્રકાશે કહ્યું કે, મને ઘણી ઈજાઓ થઈ હતી. મારી હાલત જોઈને સાથી વિદ્યાર્થીઓ મને એમ્સ લઈ આવ્યા અને દાખલ કરાવ્યો. મને રાત્રે કેટલાક કોલ આવ્યા, મને કહેવામાં આવ્યું કે તમને માર મારવો ન હતો, પણ આકસ્મિક રીતે માર મારવામાં આવ્યો છે. સારું છે કે તમે ચૂપ રહો. મને બંધ કરવાની ધમકી આપવામાં આવી રહી છે. મને ડર છે મને આશા છે કે વહીવટ આપણને મદદ કરશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
