ઈન્ડિયાએ ત્રિનિદાદના ક્વીન્સ પાર્ક ઓવલ ખાતે રમાયેલી ત્રીજી વન-ડેમાં વેસ્ટ ઈન્ડિઝને 119 રનથી હરાવ્યું હતું. આ સાથે ભારતે વનડે શ્રેણી 3-0થી જીતી લીધી હતી. ટીમ ઈન્ડિયાએ પ્રથમ વખત વેસ્ટ ઈન્ડિઝને તેના ઘરઆંગણે વનડે શ્રેણીમાં ક્લીન સ્વીપ કર્યું છે. ભારતે 39 વર્ષ બાદ વેસ્ટ ઈન્ડિઝમાં વનડે શ્રેણીમાં ક્લીન સ્વીપ કર્યું છે.
શિખર ધવનની આગેવાની હેઠળની ભારતીય ટીમે ત્રણ મેચની વનડે શ્રેણીની છેલ્લી મેચ 119 રને જીતીને ઈતિહાસ રચ્યો હતો. 1983 થી, ભારતે કેરેબિયન ધરતી પર દ્વિપક્ષીય વન-ડે રમવાનું શરૂ કર્યું, ત્યારથી આ શ્રેણી સુધી, કોઈપણ ભારતીય ટીમ વેસ્ટ ઈન્ડિઝ સામે ODIમાં ક્લીન સ્વીપ કરી શકી નથી. શિખર ધવનની આગેવાની હેઠળની ભારતીય ટીમ 39 વર્ષ પછી આવું કરનારી પ્રથમ ભારતીય ટીમ બની છે, જેણે વેસ્ટ ઈન્ડિઝને વન-ડે શ્રેણીમાં 3-0થી હરાવ્યું છે.
શુભમન ગિલના અણનમ 98 રન અને પછી સ્પિનર યુઝવેન્દ્ર ચહલ, ઝડપી બોલર મોહમ્મદ સિરાજ અને શાર્દુલ ઠાકુરની ટોચની બોલિંગની મદદથી ભારતે ગુરુવારે ક્વીન્સ પાર્ક ઓવલ ખાતે વરસાદગ્રસ્ત ત્રીજી અને અંતિમ વનડેમાં વેસ્ટ ઈન્ડિઝને 119 રનથી હરાવ્યું.આ પહેલા ભારતીય ટીમ વેસ્ટ ઈન્ડિઝ સામે ત્રણ કે તેથી વધુ વન-ડેની શ્રેણીમાં ક્યારેય ક્લીન સ્વીપ કરી શકી ન હતી. ભારતે આ વર્ષની શરૂઆતમાં ઘરઆંગણે વેસ્ટ ઈન્ડિઝ સામે ક્લીન સ્વીપ કર્યું હતું અને બુધવારે વેસ્ટ ઈન્ડિઝને 3-0થી હરાવીને ઈતિહાસ રચ્યો હતો.
