ભારત વિ. બાંગ્લાદેશ વચ્ચે બે મેચની ટેસ્ટ સિરીઝની આગામી મેચ 22 થી 26 નવેમ્બર દરમિયાન કોલકાતાના ઈડન ગાર્ડન્સ સ્ટેડિયમમાં રમાશે. જણાવી દઇએ કે આ ટેસ્ટ મેચ ડે-નાઈટ રમાશે. આ સમય દરમિયાન એસજી પિંક બોલનો ઉપયોગ મેદાનમાં કરવામાં આવશે. ભારતીય ટીમે આગામી મેચ માટે સખત મહેનત શરૂ કરી દીધી છે અને પિંક બોલથી સખત મહેનત કરી રહી છે. ભારતીય ખેલાડીઓની આ લડાયક પ્રથાનો એક વીડિયો બીસીસીઆઈ દ્વારા તેની સત્તાવાર સાઇટ પર અપલોડ કરવામાં આવ્યો છે.
બીસીસીઆઈ દ્વારા શેર કરેલા આ પ્રેક્ટિસ વીડિયોમાં ટીમનાં ઓપનર મયંક અગ્રવાલ, ચેતેશ્વર પૂજારા, રિષભ પંત, રવિન્દ્ર જાડેજા અને ટીમનાં ઘણા અન્ય ખેલાડીઓ પરસેવો પાડતા જોવા મળે છે. આપને જણાવી દઈએ કે ભારતમાં પ્રથમ વખત ડે-નાઈટ ટેસ્ટ મેચ રમાઇ રહી છે. ઠંડા વાતાવરણ અને ઝાકળને ધ્યાનમાં રાખીને બોર્ડ ઓફ કંટ્રોલ ફોર ક્રિકેટ ઈન ઈન્ડિયા (બીસીસીઆઈ) અને બંગાળ ક્રિકેટ એસોસિએશન (સીએબી) એ મળીને નિર્ણય લીધો છે કે મેચ બપોરે 1 વાગ્યે શરૂ થશે અને રાત્રે 8 વાગ્યા સુધી રમાશે.
https://twitter.com/BCCI/status/1196117768896040961
આગામી મેચ માટેની ટિકિટની માંગ પણ ચરમસીમાએ પહોચી ગઇ છે. બંગાળ ક્રિકેટ એસોસિએશનએ એક ટ્વિટમાં કહ્યું કે, ‘ભારતની પ્રથમ ડે-નાઈટ ટેસ્ટ મેચનાં પ્રથમ ત્રણ દિવસ દરરોજ આશરે 50 હજાર દર્શકો હાજર રહેશે, કારણ કે ટિકિટની માંગ આકાશ સ્પર્શી રહી છે.’
Time to gear up for the Pink! #TeamIndia begin prep under lights in Indore for the Kolkata Test #INDvBAN pic.twitter.com/MVzkaVjdmL
— BCCI (@BCCI) November 17, 2019
આપને જણાવી દઈએ કે આ સિરીઝની પહેલી મેચ 14 નવેમ્બરનાં રોજ ઇન્દોરનાં હોલકર સ્ટેડિયમ ખાતે રમવામાં આવી હતી. આ મેચમાં ટીમ ઈન્ડિયાએ દરેક વિભાગમાં શાનદાર પ્રદર્શન કર્યું હતું અને મુલાકાતી ટીમ બાંગ્લાદેશને ઇનિંગ્સ અને 130 રનથી હરાવ્યું હતું. આ મેચમાં ટીમ ઇન્ડિયાનાં ઓપનર મયંક અગ્રવાલને શાનદાર બેવડી સદીની ઇનિંગ્સ માટે ‘મેન ઓફ ધ મેચ’ નો ખિતાબ આપવામાં આવ્યો હતો. પ્રથમ ટેસ્ટમાં અગ્રવાલે 330 બોલનો સામનો કર્યો હતો અને 28 ચોક્કા અને આઠ છક્કાની મદદથી 243 રન બનાવ્યા હતા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
