World News: અમેરિકામાં સારી નોકરી, મોટું ઘર અને મોંઘી કારનું સપનું અનેક લોકો જુએ છે. પરંતુ વિદેશમાં સફળતા મેળવ્યા પછી પણ પરિવારની હૂંફ (Indian Diaspora) અને પોતાના લોકોની સાથે ન હોવાની ખોટ ક્યારેક સાલવા લાગે છે. અમેરિકામાં છેલ્લા ચાર વર્ષથી રહેતા ભારતીય રસોઈયા ((Indian Chef in America) કાર્તિક ચૌહાણનો એક વીડિયો સોશિયલ મીડિયા પર ચર્ચામાં આવ્યો છે. તેમાં તેમણે પૈસા કમાવા છતાં અનુભવાતી એકલતા અને પરિવારની યાદ વિશે વાત કરી છે.
Indian Diaspora: ‘બધું છે, પણ વાત કરવા કોઈ નથી’
વીડિયોમાં કાર્તિક પોતાના ઘરની બહાર ઊભા રહીને કહે છે કે અમેરિકામાં રહેતાં તેમને ચાર વર્ષ થઈ ગયાં છે અને તેમણે સારા પૈસા પણ કમાયા છે. તેમની પાસે ઘર છે, ફોર્ડ મુસ્તાંગ કાર છે અને તેઓ સારા વિસ્તારમાં રહે છે. તેમ છતાં, જીવનમાં એક ખાલીપો અનુભવાય છે.
કાર્તિકના જણાવ્યા પ્રમાણે, રાતના માત્ર આઠ વાગ્યા હોય અને આસપાસ શાંતિ છવાયેલી હોય, ત્યારે વાત કરવા માટે કોઈ ન હોય તે લાગણી વધુ તીવ્ર બને છે. બહારથી સુખી દેખાતું જીવન અંદરથી એકલતાભર્યું (Loneliness Abroad) પણ હોઈ શકે છે, એ વાત તેમણે પોતાના અનુભવના આધારે રજૂ કરી છે.
પૈસા બધું ખરીદી શકતા નથી!
કાર્તિક કહે છે કે પરિવાર, બાળકો અને જીવનસાથી સાથે મળતી ખુશીનો અનુભવ માત્ર પૈસાથી મેળવી શકાતો નથી. પૈસા સુવિધાઓ અને ભૌતિક વસ્તુઓ આપી શકે છે, પરંતુ પરિવાર સાથે વિતાવેલી પળો, માતાના હાથનું ભોજન અને પોતાના લોકોનો સાથ અલગ જ મહત્ત્વ ધરાવે છે.
દિવાળી જેવા તહેવારોમાં આ લાગણી વધુ ઊંડી બની શકે છે, કારણ કે ભારતમાં આ સમય દરમિયાન પરિવારો સાથે મળીને ઉજવણી કરે છે. જોકે, કાર્તિકે શેર કરેલો અનુભવ દરેક વિદેશમાં રહેતા ભારતીયની લાગણીનું પ્રતિનિધિત્વ કરે જ એવું નથી.
સોશિયલ મીડિયા પર મિશ્ર પ્રતિક્રિયા
કાર્તિકના વીડિયો પર સોશિયલ મીડિયા (USA Lifestyle) યુઝર્સે અલગ-અલગ અભિપ્રાયો વ્યક્ત કર્યા છે. કેટલાક લોકોએ પરિવાર અને વતનથી દૂર રહેવાની લાગણી સાથે સહમતિ દર્શાવી, તો કેટલાકે કહ્યું કે દરેક વ્યક્તિ માટે એકલતાનો અનુભવ સરખો હોતો નથી. એક યુઝરે લખ્યું કે તેમને વાત કરવા માટે કોઈની જરૂર નથી, જ્યારે અન્ય યુઝરે ભારતને પોતાની પસંદગીનું સ્થળ ગણાવ્યું.
આ વીડિયો ફરી એકવાર યાદ અપાવે છે કે વિદેશમાં જીવન બનાવવું (Family and Loneliness) એ વ્યક્તિગત પસંદગી છે, પરંતુ સફળતા અને સુખનો અર્થ દરેક માટે અલગ હોઈ શકે છે. કોઈ માટે આર્થિક સ્વતંત્રતા મહત્ત્વની હોય છે, તો કોઈ માટે પરિવારનો સાથ અને વતનની ઓળખ વધુ કિંમતી હોય છે.
આ પણ વાંચો: શું દુનિયા કોઈ મોટી કટોકટી માટે તૈયાર થઈ રહી છે? 5 દેશોની ગાઈડલાઈને વધારી ચર્ચા
આ પણ વાંચો: દુષ્કાળની અસર હવે રસોડાથી લઈને ડેરી ઉદ્યોગ સુધી! ભારત લોટ, તેલ અને પશુઆહાર માટે વધારી શકે છે આયાત
આ પણ વાંચો: કેન્દ્રીય કર્મચારીઓના પગાર અને પેન્શનમાં 3% વધારો, 4 મહિનાનું એરિયર કેટલું મળશે?
