દેશ કાર્બન મુક્ત ઈંધણ તરફ આગળ વધી રહ્યો છે ત્યારે ઉદ્યોગપતિ મુકેશ અંબાણી અને ગૌતમ અદાણીથી લઈને સરકારી પેટ્રોલિયમ શાખા ઈન્ડિયન ઓઈલ અને વીજ ઉત્પાદક એનટીપીસી સુધીની ભારતીય કંપનીઓએ બળતણ તરીકે હાઇડ્રોજન પર સ્વિચ કરવાની મહત્વાકાંક્ષી યોજનાઓની જાહેરાત કરી છે.
આ પણ વાંચો – Politics / BJP રાષ્ટ્રીય અધ્યક્ષ જેપી નડ્ડાએ રાહુલ ગાંધી પર સાધ્યું નિશાન,રાહુલ ગાંધીનું ટ્વિટર ફરી બ્લોક કરવા માંગ
વિશ્વની ઉર્જા જરૂરિયાતોને પહોંચી વળવા હાઇડ્રોજન ચર્ચાનાં કેન્દ્રમાં છે. ઉર્જાનું સૌથી સ્વચ્છ સ્વરૂપ હોવાથી, તે કુદરતી ગેસ, બાયોમાસ અને સૌર અને પવન ઉર્જા જેવા નવીનીકરણીય સ્ત્રોતો જેવા વિવિધ સંસાધનોમાંથી ઉત્પન્ન કરી શકાય છે. તેનો ઉપયોગ કાર, ઘરો, પોર્ટેબલ વીજળી અને ઘણી અન્ય ચીજ વસ્તુઓમાં થઈ શકે છે. પરિવહન ક્ષેત્ર ઉપરાંત, તેનો ઉપયોગ રસાયણો, લોખંડ અને સ્ટીલ, હીટિંગ અને વીજળીમાં થઈ શકે છે. દેશની સૌથી મોટી વીજ ઉત્પાદક કંપની એનટીપીસીએ લદ્દાખનાં લેહમાં દેશનું પ્રથમ ગ્રીન હાઇડ્રોજન સ્ટેશન સ્થાપવાની પણ જાહેરાત કરી છે. કંપની શહેરનાં ગેસ વિતરણ નેટવર્કમાં ઉપયોગ માટે હાઇડ્રોજનને મિશ્રિત કરવાનો પાયલોટ પ્રોજેક્ટ હાથ ધરશે.
આ પણ વાંચો – અફઘાનિસ્તાન / આ 5 ખૂંખાર ચલાવશે તાલિબાન સરકાર, કોઈ આત્મઘાતી હુમલાનો માસ્ટર માઇન્ડ તો કોઈ છે મહિલા અધિકારોના દુશ્મન છે
રિલાયન્સનાં ચેરમેન અંબાણીએ તાજેતરમાં નેટ કાર્બન ઝીરો કંપની બનવાના તેમના લક્ષ્યનાં ભાગરૂપે હાઇડ્રોજન સાથે જોડાયેલી યોજનાઓની જાહેરાત કરી હતી. તેમણે શેરહોલ્ડરોને કહ્યું કે જ્યારે રિલાયન્સ ક્રૂડ ઓઇલ અને નેચરલ ગેસનાં યુઝર્સ તરીકે બની રહેશે, અમે અમારા કાર્બનને ઉપયોગી ઉત્પાદનો અને રસાયણોમાં રૂપાંતરિત કરવા માટે નવી ટેકનોલોજી અપનાવવા માટે સંપૂર્ણપણે પ્રતિબદ્ધ છીએ. માર્ચમાં, અદાણી ગ્રુપે હાઇડ્રોજન પ્રોજેક્ટ્સ માટે ઇટાલીનાં મેયર ટેક્નિમોન્ટ સાથે ભાગીદારીની પણ જાહેરાત કરી હતી. ઇન્ડિયન ઓઇલ, જે ભારતની 250 મિલિયન ટનની રિફાઇનિંગ ક્ષમતાનાં લગભગ ત્રીજા ભાગને નિયંત્રિત કરે છે, ઉત્તર પ્રદેશમાં તેની મથુરા રિફાઇનરીમાં ગ્રીન હાઇડ્રોજન પ્લાન્ટ બનાવવાની યોજના ધરાવે છે.
