ભારતીય નૌકાદળને વધુ ઘાતક બનાવવા માટે રક્ષા મંત્રાલયે ડબલ ભૂમિકા નિભાવી શકે તેવી બ્રહ્મોસ મિસાઈલ આપવાનો નિર્ણય કર્યો છે. આ માટે બ્રહ્મોસ મિસાઈલ બનાવનારી કંપની BAPL સાથે 1700 કરોડનો કરાર કરવામાં આવ્યો છે. જો કે સંરક્ષણ મંત્રાલયે નૌકાદળને કેટલી વધારાની બ્રહ્મોસ મિસાઇલો આપવાનો નિર્ણય લીધો છે, તેની સત્તાવાર જાહેરાત હજુ સુધી કરવામાં આવી નથી.
સુત્રોના જણાવ્યા અનુસાર સપાટીથી સપાટી પર માર મારનાર 38 મિસાઈલો પર હસ્તાક્ષર કરવામાં આવ્યા છે. તેમાંથી 35 કોમ્બેટ મિસાઈલ છે અને ત્રણ અભ્યાસ માટે છે. ગુરુવારે, સંરક્ષણ મંત્રાલયે એક નિવેદન જારી કરીને જણાવ્યું હતું કે બ્રહ્મોસ એરોસ્પેસ પ્રાઇવેટ લિમિટેડ (BAPL) સાથે બેવડી ભૂમિકાની સપાટીથી સપાટી મિસાઇલ બ્રહ્મોસ માટે કરાર કરવામાં આવ્યો હતો.
સંરક્ષણ ઉત્પાદનમાં આત્મનિર્ભરતાને વધુ પ્રોત્સાહન પૂરું પાડતાં, BAPL સાથે વધારાની સપાટીથી સપાટી પર સક્ષમ બ્રહ્મોસ મિસાઇલોના સંપાદન માટે કરાર પર છે, જેની કુલ અંદાજિત કિંમત રૂ. 1700 કરોડ છે. આ દ્વિ ભૂમિકા ક્ષમતા સુપરસોનિક બ્રહ્મોસ ક્રુઝ મિસાઇલોને સામેલ કરવાથી ભારતીય નૌકાદળ (IN) ના કાફલાની સંપત્તિની ઓપરેશનલ ક્ષમતામાં નોંધપાત્ર વધારો થશે.
BAPL એ ભારત અને રશિયા વચ્ચેનું સંયુક્ત સાહસ છે, જેનો ઉપયોગ જમીન પર અથડાવાની સાથે એન્ટી શિપ તરીકે થાય છે. ગુરુવારે બ્રહ્મોસની વિસ્તૃત રેન્જની મિસાઈલ માટે કરાર પર હસ્તાક્ષર કરવામાં આવ્યા હતા. સંરક્ષણ મંત્રાલયના જણાવ્યા અનુસાર, આ કરાર સ્વદેશી ઉદ્યોગની સક્રિય ભાગીદારી સાથે ક્રિટિકલ વેપન સિસ્ટમ્સ અને દારૂગોળાના સ્વદેશી ઉત્પાદનને વધુ પ્રોત્સાહન આપશે.
ભારતે બ્રહ્મોસને તેના મુખ્ય સ્ટ્રાઇક હથિયાર તરીકે જાહેર કર્યું છે, જેનો ઉપયોગ ત્રણેય આર્મી, એરફોર્સ અને નેવી કરે છે. ચીન સાથે ચાલી રહેલા સંઘર્ષ વચ્ચે ભારતીય સેનાએ પૂર્વી લદ્દાખથી અરુણાચલ પ્રદેશ સુધી LAC પર બ્રહ્મોસ મિસાઈલ તૈનાત કરી છે. આ સાથે બ્રહ્મોસ મિસાઈલથી સજ્જ સુખોઈ ફાઈટર એરક્રાફ્ટ પણ એલએસીની નજીકના એરબેઝ પર તૈનાત છે. તાજેતરમાં ફિલિપાઈન્સે પણ ભારત પાસેથી બ્રહ્મોસ મિસાઈલ ખરીદવાનો કરાર કર્યો છે.
