Business News: અંબાણી પરિવાર રૂ. 25.75 લાખ કરોડની નેટવર્થ સાથે દેશનો સૌથી મૂલ્યવાન કૌટુંબિક વ્યવસાય બની ગયો છે. ગુરુવારે જાહેર કરાયેલા એક અહેવાલમાં આ માહિતી આપવામાં આવી છે. બિરલા પરિવાર 5.39 લાખ કરોડ રૂપિયા સાથે ત્રીજા સ્થાને છે.
યાદીમાં અદાણી પરિવારનું બિઝનેસ મૂલ્ય રૂ. 15.44 લાખ કરોડ આંકવામાં આવ્યું છે, પરંતુ ફર્સ્ટ જનરેશન બિઝનેસ હોવાને કારણે તે મુખ્ય યાદીમાં સામેલ નથી. હુરુન રિપોર્ટમાં કહેવામાં આવ્યું છે કે ભારતના ટોપ-3 બિઝનેસ ફેમિલી અંબાણી, બજાજ અને બિરલાનું કુલ મૂલ્ય $460 બિલિયન છે, જે સિંગાપોરના જીડીપીની લગભગ બરાબર છે.
અદાણી બીજી પેઢીના સક્રિય નેતૃત્વ સાથે પ્રથમ પેઢીના પરિવારોની યાદીમાં ટોચ પર છે, જ્યારે સીરમ ઇન્સ્ટિટ્યૂટનો પૂનાવાલા પરિવાર રૂ. 2.37 લાખ કરોડના બિઝનેસ સાથે બીજા ક્રમે છે. હુરુન ઈન્ડિયાના સ્થાપક અને મુખ્ય સંશોધક અનસ રહેમાન જુનૈદે જણાવ્યું હતું કે પાછલા વર્ષની સરખામણીમાં ત્રણ ચતુર્થાંશ પારિવારિક વ્યવસાયોમાં મૂલ્યમાં વધારો જોવા મળ્યો છે. તેમણે કહ્યું કે ભારતમાં લાંબા ગાળાની આર્થિક સ્થિરતા અને વૃદ્ધિ જાળવવામાં આ પારિવારિક વ્યવસાયોની મહત્વપૂર્ણ ભૂમિકા છે.
રિપોર્ટમાં લગભગ 200 લિસ્ટેડ અને નોન-લિસ્ટેડ કંપનીઓનું વિશ્લેષણ કરવામાં આવ્યું છે અને જાણવા મળ્યું છે કે 75 ટકા કંપનીઓ સાર્વજનિક રીતે ટ્રેડ થાય છે અને બાકીની નોન-લિસ્ટેડ છે. યાદી અનુસાર, હલ્દીરામ સ્નેક્સ (કિંમત રૂ. 63,000 કરોડ) સૌથી મૂલ્યવાન નોન-લિસ્ટેડ કંપની છે.
આ પણ વાંચો:ભારતે નાણાકીય વર્ષ 2023-24માં 4.7 કરોડ નોકરીનું સર્જન કર્યુ
આ પણ વાંચો:જેફ બેઝોસે વેચ્યા એમેઝોનનાં આટલા શેર…452 મિલિયન ડોલરથી પણ વધુ છે મૂલ્ય
આ પણ વાંચો:Aadhaar PVC Card: ઘરે ક્રેડિટ કાર્ડ જેવું આધાર કાર્ડ મંગાવવું છે? આ સ્ટેપ ફોલો કરો
