- યુકેમાં કોરોના ફરીથી બેકાબુ સ્તરે
- 24 કલાકમાં જ યુકેમાં 54,674 કેસ
- 6 મહિનાની સૌથી ઉંચી સપાટીએ કેસ
- ઈન્ડોનેશિયામાં ફરી 51,952 નવા કેસ
- ઈન્ડોનેશિયામાં 24 કલાકમાં 1092 મોત
- રશિયામાં 24 કલાકમાં 25,116 નવા કેસ
- ઈન્ડોનેશિયામાં સપ્તાહમાં 3.25 લાખ કેસ
- યુકેમાં સપ્તાહમાં 2.75 લાખ નવા કેસ
આજે સમગ્ર વિશ્વને હચમચાવી દેનાર કોરોના મહામારીએ ઈન્ડોનેશિયામાં તાંડવ શરૂ કર્યુ છે. આ દેશે કોરોના વાયરસનાં મામલામાં બ્રાઝિલને પાછળ છોડી દીધું છે. તાજેતરમાં વિશ્વમાં સૌથી વધુ કોરોનાનાં કેસ ઈન્ડોનેશિયામાંથી સામે આવી રહ્યી છે, જ્યારે ભારત યુકેથી આગળ નીકળીને ચોથા સ્થાને પહોંચી ગયું છે. ઈન્ડોનેશિયાએ શુક્રવારે પૂરા થયેલા સાત દિવસોમાં 3.24 લાખ કેસ નોંધાયા છે, જે પાછલા અઠવાડિયાની તુલનામાં 43 ટકાનો વધારો છે.
સમગ્ર વિશ્વમાં આજે કોરોના હાહાકાર મચાવ્યો છે. આજે પણ અમેરિકા કોરોનાનાં મામલે વિશ્વમાં નંબર વન છે. વળી જો યુકેની વાત કરીએ તો અહી કોરોનાનાં કેસ સતત વધતા જઇ રહ્યા છે. છેલ્લા 24 કલાકમાં અહી 54,674 કેસ નોંધાયા છે. આ કેસ 6 મહિનાની સૌથી ઉંચી સપાટીએ પહોંચી ગયા છે. વળી ઈન્ડોનેશિયાની વાત કરીએ તો અહી છેલ્લા 24 કલાકમાં 51,952 નવા કેસ નોંધાયા છે. વળી અહી આ દરમ્યાન 1,092 મોત નોંધાયા છે. વળી રશિયામાં છેલ્લા 24 કલાકમાં 25,116 નવા કેસ નોંધાયા છે.
આકાશી આફત / મુંબઈમાં ભારે વરસાદ, ચેમ્બૂર અને વિક્રોલીમાં દિવાલ ધરાશાયી થતા 11 લોકોનાં મોત
ગ્લોબલ કોવિડ નંબરોને ટ્રેક કરતી Worldometers.info વેબસાઇટ અનુસાર, બ્રાઝિલની ગણતરી 2.87 લાખ રહી હતી, જ્યારે યુકેની સંખ્યા 2.75 લાખથી પાછળ છે. ગયા અઠવાડિયાની તુલનામાં આ અઠવાડિયે ભારતમાં કોરોનાનો આંક થોડો ઝડપથી નીચે આવી રહ્યો છે. છેલ્લા સાત દિવસમાં તેમાં 2.69 લાખ નવા કેસ નોંધાયા છે, જે છેલ્લા સાત દિવસમાં 8 ટકાનો ઘટાડો છે. વૈશ્વિક સ્તરે, છેલ્લા અઠવાડિયામાં કેસોમાં 16 ટકાનો ઉછાળો આવ્યો છે, જેનાથી વિશ્વમાં રોગચાળાની ત્રીજી લહેરમાં પહેલેથી ડરની આશંકા ઉભી થઈ છે. યુરોપનાં ઘણા દેશો ઉપરાંત, દક્ષિણપૂર્વ એશિયામાં વાયરસ ઝડપથી ફેલાઈ રહ્યો છે. ઈન્ડોનેશિયામાં 43 ટકા ઉપરાંત, મલેશિયામાં છેલ્લા સાત દિવસમાં 45 ટકા, થાઇલેન્ડમાં 38 ટકા, મ્યાનમારમાં 48 ટકા અને વિયેટનામમાં 130 ટકાનો વધારો નોંધાયો છે.
મેઘાનું તાંડવ / મુંબઈમાં જળબંબાકારની સ્થિતિ, શહેરમાં અલગ-અલગ વિસ્તાર પાણીમાં ગરકાવ
ખાસ કરીને કેરળ અને મણિપુરમાં સંક્રમણ વધતાં શનિવારે ભારતમાં તાજા કેસો આ અઠવાડિયામાં બીજી વાર 40,000 ને વટાવી ગયા હતા. શુક્રવારે ભારતમાં 38,019 નવા કેસ નોંધાયા, જે વધીને 41,246 થયા. કેરળમાં 16,148 નવા કેસ નોંધાયા છે, જે 38 દિવસમાં રાજ્યમાં સૌથી વધુ દૈનિક કેસ છે. દેશમાં વાયરસથી મૃત્યુઆંક ધીરે ધીરે ઘટતો જાય છે.
