પેરીસ,
ફ્રાંસનો એક કુખ્યાત ચોર પોતાના ત્રણ સાથીઓ સાથે પેરીસની જેલ તોડીને હેલિકોપ્ટરમાં ભાગી છૂટ્યો છે. ત્યારબાદ હેલિકોપ્ટર પેરીસના ઉતર-પૂર્વ ઉપનગરમાં મળી આવ્યું હતું. આ ચોર બીજી વાર જેલ તોડીને ભાગ્યો છે. પહેલી વાર 201૩માં ઉતર ફ્રાંસની એક જેલને ડાયનામાઈટથી ઉડાવીને ભાગી નીકળ્યો હતો. જોકે, 6 અઠવાડિયા બાદ એને ફરીથી પકડી લેવામાં આવ્યો હતો.
અધિકારીઓએ જણાવ્યું કે કુખ્યાત ચોર રિદોઆઇન ફેડ(46) પેરિસના ઉપનગર રિયુંમાં હથિયારધારી વ્યક્તિઓની મદદથી જેલ તોડીને થોડી જ મીનીટોમાં ભાગી ગયો હતો. એક અદાલતે મે 2010માં લુંટફાટ અને ગોળીબારીના મામલામાં ફેડને 25 વર્ષની સજા સભળાવી હતી. આ ઘટનામાં એક પોલીસકર્મીનું મૃત્યુ પણ થયું હતું.
ફેડ, પેરિસના બહારના ભાગમાં સ્થિત ઉપનગરોમાં ખુબ ખરાબ હાલતમાં મોટો થયો છે. એ કેટલાક ટીવી શોમાં ઉપસ્થિત રહ્યો હતો. અને તેણે પોતાના અપરાધિક યુવા જીવન અને પેરીસના ઉપનગરોમાં એક અપરાધી તરીકે ઉભરવાની કહાણી સાથે સંબંધિત બે પુસ્તકોનું સહ-લેખન પણ કર્યું. એનું આખું અપરાધિક જીવન સ્કારફેસ અને હીટ જેવી અમેરિકી ફિલ્મોથી પ્રભાવિત છે.
