21 નવેમ્બરના રોજ, અમેરિકાના વિસ્કોન્સિનમાં આવેલા એક મોલમાં ગોળીબારમાં આઠ લોકો ઘાયલ થયા હતા. પોલીસ વિભાગ દ્વારા આ અંગે માહિતી આપવામાં આવી હતી. અખબારી યાદીમાં જણાવાયું છે કે વાયોવાટોસા પોલીસને મેફેયર મોલમાં શૂટઆઉટની માહિતી મળી હતી. પોલીસ ઘટના સ્થળે પહોંચી ત્યારે હુમલો કરનાર સ્થળ પર હાજર ન હતો. આ હુમલામાં એક કિશોર સહિત આઠ લોકો ઘાયલ થયા છે.
આ હુમલાના આશરે ત્રણ કલાક પછી વાવોવાટોસા પોલીસ વડા બેરી વેબરે એક નિવેદનમાં જણાવ્યું હતું કે આ હુમલા પાછળનો હેતુ જાણી શકાયો નથી. ઇજાગ્રસ્તોના જીવ બચાવવામાં આવ્યા છે, પરંતુ તેઓને કેટલી ઇજાઓ પહોંચી છે તે જાણી શકાયું નથી. તેણે એમ પણ કહ્યું કે, “હવે શૂટર હાજર નથી.” ઈજાગ્રસ્તોના નિવેદનના આધારે પોલીસ 20 થી 30 વર્ષના ગોરા શખ્સની શોધ કરી રહી છે.
વાયવાટોસાના મેયર ડેનિસ મેકબ્રાઈડે એક નિવેદનમાં જણાવ્યું છે કે, આ ઘટના બાદ શંકાસ્પદ મોલમાં હતો. પ્રત્યક્ષદર્શીઓએ ડબ્લ્યુઆઈએસએન-ટીવીને કહ્યું કે તેઓએ 12 ફાયરીંગ નો અવાજ સાંભળ્યો છે. ચેનલના અહેવાલ મુજબ, મોલની અંદરથી સ્ટ્રેચર્સ પર ઓછામાં ઓછા 5 લોકોને હોસ્પિટલમાં લઈ જવામાં આવ્યા છે. પોલીસ હુમલાખોરની શોધ કરી રહી હતી ત્યારે કેટલાક લોકો મોલમાં હતા.
