ફ્લોરીડા
ગીનીઝ વર્લ્ડ રેકોર્ડમાં દર મહીને અવનવા રેકોર્ડ તૂટે છે અને બને છે. અમુક રેકોર્ડ જોતા તો આપણે સ્તબ્ધ થઇ જઈએ છીએ કે, શું આવું પણ થઇ શકે !
હાલમાં જ ૯ વર્ષના બાળકે જે રેકોર્ડ બનાવ્યો છે. તે વાંચીને તમે ચોક્કસથી હેરાન થઇ જશો. અમેરિકામાં ફ્લોરીડામાં રહેતો ૯ વર્ષનો સેવન વેડ એ માત્ર ૧ મિનીટમાં ૧૦૮૦ વાર તાળી પાડીને નવો રેકોર્ડ બનાવી દીધો છે. ૧ મિનિટ ઉંમરમાં તાળી પાડીને રેકોર્ડ બનાવવો એ કોઈ નાનીસુની વાત નથી.
જુઓ આ છે, વિડીયો કે જેમાં સેવન ૧ મિનિટમાં ૧૦૮૦ વાર તાળી પાડે છે :
સેવનના પિતાએ એક ઈન્ટરવ્યુમાં જણાવ્યુ કે સેવનએ એક વાર આવો વિડીયો જોયો હતો અને ત્યારથી મનમાં નક્કી કરી લીધુ હતું કે મારે આ રેકોર્ડને તોડવો છે. કહેવાય છે ને કે કોશિશ કરને વાલો કી કભી હાર નહિ હોતી. આ રેકોર્ડને તોડવા માટે તે દરરોજ પ્રેક્ટીસ કરતો હતો. પહેલા સેવન ૧૫-૨૦ સેકંડ માટે પ્રેક્ટીસ કરતો હતો ત્યારબાદ રેકોર્ડ તોડવા એક મિનિટ સુધીની પ્રેક્ટીસ ચાલુ કરી દીધી.
