સ્વીત્ઝરલૅન્ડને ધરતી પરનું સ્વર્ગ કહેવામાં આવે છે. પરંતુ સ્વિસ બેંકોના કારણે હવે પૈસાનું સ્વર્ગ (ટેક્સ હેવન) છે. હાલમાં એક રીપોર્ટમાં દાવો કરવામાં આવ્યો હતો કે સ્વિસ બેન્કોમાં 2017માં ભારતીયોના પૈસા 50 ટકા વધી ગયા છે. અત્યાર સુધી કાળા નાણાને લઈને સ્વીસ બેંકોની ઘણી ખબરો વાંચી હશે, પણ શું તમને ખબર છે અહી કામ કઈ રીતે થાય છે અને નિયમો કેવા હોય છે.
કાળું ધન રાખવા વાળા જે એકાઉન્ટ ખોલાવે છે એને નંબર એકાઉન્ટ કહેવામાં આવે છે. સ્વિસ બેંકમાં એકાઉન્ટ 68 લાખ રૂપિયાથી ખુલે છે. આમાં ટ્રાન્ઝેક્શન સમયે કસ્ટમરના નામના બદલે ફક્ત આપવામાં આવેલ નંબર આઈડીનો ઉપયોગ કરવામાં આવે છે. આ માટે સ્વીત્ઝરલૅન્ડની બેંકમાં પ્રત્યક્ષ જવું પડે છે . દર વર્ષે 20,000 રૂપિયા એકાઉન્ટ મેન્ટેનન્સ માટે લેવામાં આવે છે.
સ્વીત્ઝરલૅન્ડમાં લગભગ 400 બેંક છે. જેમાં યુબીએસ અને ક્રેડીટ સુઈસ ગ્રુપ મહત્વપૂર્ણ છે. આ બધી બેંક ગુપ્તતા નિયમની ધારા 47 મુજબ બેંક એકાઉન્ટ ખોલાવવા વાળાની ગુપ્તતા રાખે છે. એટલા માટે કાળું નાણું ધરાવતા લોકો અહી બેન્ક એકાઉન્ટ ખોલાવવાનું પસંદ કરે છે. આમાં સૌથી મહત્વનું હોય છે બેંકની પસંદગી કરવાનું. જેને પોતાની ગુપ્તતા રાખવી છે, તેઓ એવી બેંકની પસંદગી કરે છે, જેની બ્રાંચ પોતાના દેશમાં ના હોય.
બેંક રેકોર્ડ માટે ઘણા ડોક્યુમેન્ટ માંગે છે. જેમ કે પાસપોર્ટની ઓથેન્ટિક કોપી, કંપનીના ડોક્યુમેન્ટ, પ્રોફેશનલ લાઈસન્સ જરૂરી છે.
નાણા વિડ્રો કરવા માટે પ્રત્યક્ષ રીતે બેંક પર જવું પડે છે. આના કારણે ગુપ્તતા બની રહે છે. કારણ કે ટ્રાન્ઝેક્શન રેકોર્ડ ફક્ત બેંક પાસે જ હોય છે.
બેંક દ્વારા ટ્રાવેલર ચેક આપવામાં આવે છે. જેનો ઉપયોગ સરળતાથી થઇ શકે છે. અને આ ચેક બધી જગ્યાઓ પર સ્વીકાર કરવામાં આવે છે. ચેક માટે બેન્કને 1 ટકા કમીશન આપવું પડે છે.
