Ahmedabad News:
22 એપ્રિલે જમ્મુ અને કાશ્મીરના પહલગામમાં આતંકવાદી હુમલો થયો હતો, જેમાં 26 પ્રવાસીઓએ જીવ ગુમાવ્યા હતા. આ આતંકવાદી હુમલાના જવાબમાં, ભારતે પાકિસ્તાન અને પાકિસ્તાન અધિકૃત કાશ્મીરમાં 9 સ્થળો પર મિસાઇલ હુમલા કર્યા. આ પછી, દેશના ઉત્તર અને પશ્ચિમ ભાગોમાં ઓછામાં ઓછા 18 એરપોર્ટ બંધ કરવામાં આવ્યા હતા, જેમાં શ્રીનગર, લેહ, જમ્મુ, અમૃતસર, પઠાણકોટ, ચંદીગઢ, જોધપુર, જેસલમેર, શિમલા, ધર્મશાળા અને જામનગરનો સમાવેશ થાય છે.
પાકિસ્તાનમાં આતંકવાદી છાવણીઓ પર ભારતના મિસાઇલ હુમલા બાદ ધર્મશાલા એરપોર્ટને કામચલાઉ બંધ કરવાથી ત્યાં રમવાની IPL ટીમોના પ્રવાસ સમયપત્રક પર અસર પડી છે. પંજાબ કિંગ્સ (PBKS) અને મુંબઈ ઈન્ડિયન્સ (MI) વચ્ચેની મેચ 11 મે (રવિવાર) ના રોજ ધર્મશાળાના હિમાચલ પ્રદેશ ક્રિકેટ એસોસિએશન સ્ટેડિયમ (HPCA) ખાતે રમાવવાની હતી, જેને હવે અમદાવાદ ખસેડવામાં આવી છે.
ગુજરાત ક્રિકેટ એસોસિએશન (GCA) ના સેક્રેટરી અનિલ પટેલે સમાચાર એજન્સી PTI ને આ વાતની પુષ્ટિ કરી. પંજાબ કિંગ્સ અને મુંબઈ ઈન્ડિયન્સ વચ્ચેની મેચ 11 મેના રોજ બપોરે 3.30 વાગ્યે અમદાવાદના નરેન્દ્ર મોદી સ્ટેડિયમ ખાતે રમાશે. અનિલ પટેલે કહ્યું, ‘BCCI એ અમને વિનંતી કરી અને અમે સ્વીકારી લીધી. મુંબઈ ઈન્ડિયન્સ આજે આવી રહ્યું છે અને પંજાબ કિંગ્સની મુસાફરીની યોજનાઓ પછીથી જાણવા મળશે.
પંજાબ કિંગ્સ અને દિલ્હી કેપિટલ્સ (ડીસી) વચ્ચેની મેચ 8 મે (શુક્રવાર) ના રોજ ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમમાં રમાશે, જે ભારતીય સમય મુજબ સાંજે 7.30 વાગ્યે તેના નિર્ધારિત સમયે રમાશે.
અમદાવાદના નરેન્દ્ર મોદી સ્ટેડિયમને બોમ્બથી ઉડાવી દેવાની ધમકી આપતો ઈમેલ મળ્યો હતો. GCA ને પાકિસ્તાનથી એક ઈમેલ મળ્યો છે. જેમાં નરેન્દ્ર મોદી સ્ટેડિયમને ઉડાવી દેવાની ધમકી આપવામાં આવી છે. આ ઈમેલ થોડા સમય પહેલા GCA ને મળ્યો હતો અને તેની માહિતી અમદાવાદ પોલીસને આપવામાં આવી હતી. આ સંદર્ભમાં, અમદાવાદ પોલીસના વરિષ્ઠ અધિકારીઓ અને બોમ્બ ડિસ્પોઝલ સ્ક્વોડની ટીમે સ્ટેડિયમની તપાસ કરી છે.
આ અંગે એક વરિષ્ઠ IPS અધિકારીએ જણાવ્યું હતું કે આ ઇમેઇલ પાકિસ્તાનથી જેકેના નામે આવ્યો હતો અને એક લાઇનમાં લખ્યું હતું કે ‘We Will Blast Your Studium’. આગામી દિવસોમાં IPL મેચો યોજાવાની છે અને આ ઇમેઇલને હળવાશથી લેવાને બદલે, હવે તમામ જરૂરી કાર્યવાહી કરવામાં આવી રહી છે.
આ પણ વાંચો:અમદાવાદના નરેન્દ્ર મોદી સ્ટેડિયમાં આ 2 તારીખે યોજાશે IPL મેચ, મેટ્રો ટ્રેનના સમયમાં મોટા ફેરફાર
આ પણ વાંચો:સાણંદમાં IPLની મેચ પર સટ્ટા સાથે દારૂની મહેફિલ માણતા સાત શખ્સો ઝડપાયા
આ પણ વાંચો:ગુજરાતને લખનૌ સામેની મેચ પહેલા મોટો ઝટકો, ગ્લેન ફિલિપ્સ IPL 2025માંથી બહાર
