command to PM Modi: વૈશ્વિક અને આંતરરાષ્ટ્રીય સ્તરે ભારતના નામે વધુ એક મોટી ઉપલબ્ધિ નોંધાઈ છે. આગામી એક વર્ષ માટે બારાતને G-20 જૂથના અધ્યક્ષનું પદ સોંપવામાં આવ્યું છે. જણાવી દઈએ કે ભારત પહેલા જ G-20 જૂથના અધ્યક્ષ તરીકે ચૂંટાઈ આવ્યું હતું. ઇન્ડોનેશિયાએ બુધવારે બાલી સમિટના સમાપન સાથે આગામી એક વર્ષ માટે G20 નું પ્રમુખપદ ભારતને સોંપ્યું. ઈન્ડોનેશિયાના રાષ્ટ્રપતિ જોકો વિડોડોએ વડાપ્રધાન નરેન્દ્ર મોદીને G20 અધ્યક્ષપદ સોંપ્યું. ભારત 1 ડિસેમ્બરથી ઔપચારિક રીતે G-20નું પ્રમુખપદ સંભાળશે.
G-20 જૂથનું અધ્યક્ષપદ સંભાળતા વડાપ્રધાન મોદીએ જણાવ્યું હતું કે જૂથની અધ્યક્ષતા કરવી દરેક ભારતીય નાગરિક માટે ગર્વની વાત છે. તમામ દેશોના પ્રયાસોથી અમે G20 સમિટને વૈશ્વિક કલ્યાણનો મુખ્ય સ્ત્રોત બનાવી શકીએ છીએ. બાલીમાં બે દિવસીય શિખર સંમેલન અધ્યક્ષપદના સ્થાનાંતરણ સાથે સમાપ્ત થયું. સભ્ય દેશોના નેતાઓ સંયુક્ત ઘોષણાને અંતિમ સ્વરૂપ આપી રહ્યા છે.
વિદેશ સચિવ વિનય ક્વાત્રાએ આ પ્રસંગે જણાવ્યું કે કે G20 પરિણામ દસ્તાવેજ તૈયાર કરવામાં ભારતે રચનાત્મક ભૂમિકા ભજવી હતી. G-20માં આર્જેન્ટિના, ઓસ્ટ્રેલિયા, બ્રાઝિલ, કેનેડા, ચીન, ફ્રાન્સ, જર્મની, ભારત, ઇન્ડોનેશિયા, ઇટાલી, જાપાન, દક્ષિણ કોરિયા, મેક્સિકો, રશિયા, સાઉદી અરેબિયા, દક્ષિણ આફ્રિકા, તુર્કી, યુનાઇટેડ કિંગડમ, અમેરિકા, અને યુરોપિયન યુનિયન (EU) નો સમાવેશ થાય છે. G20 વૈશ્વિક આર્થિક સહયોગનું એક પ્રભાવશાળી સંગઠન છે. તે વૈશ્વિક જીડીપીના લગભગ 85 ટકા, વૈશ્વિક વેપારના 75 ટકાથી વધુ અને વિશ્વની લગભગ બે તૃતીયાંશ વસ્તીનું પ્રતિનિધિત્વ કરે છે.
આ પણ વાંચો: World/ ઋષિ સુનકના સસરા નારાયણ મૂર્તિએ કઈ વાત પર કહ્યું – ભારત માટે ખૂબ જ શરમજનક
