Gandhinagar News: ગુજરાત કેડરના પૂર્વ IAS અધિકારી કે. રાજેશ સામે ભ્રષ્ટાચાર સંબંધિત કેસ બાદ સરકારી કાર્યવાહીનો મામલો ફરી ચર્ચામાં આવ્યો છે. કે. રાજેશની 2022માં CBI દ્વારા ધરપકડ કરવામાં આવી હતી અને ત્યારબાદ તેઓ સસ્પેન્શન (K Rajesh Compulsory Retirement) હેઠળ રહ્યા હતા.

ગુજરાત કેડરના 2011 બેચના IAS અધિકારી અને સુરેન્દ્રનગરના પૂર્વ કલેક્ટર કે. રાજેશ સામે રાજ્ય સરકારે મોટી કાર્યવાહી કરી છે. સામાન્ય વહીવટ વિભાગ (GAD) દ્વારા કે. રાજેશને ફરજિયાત નિવૃત્તિ (Compulsory Retirement) આપવાનો આદેશ કરવામાં આવ્યો હોવાની માહિતી સામે આવી છે. ભ્રષ્ટાચારના કેસમાં CBIની કાર્યવાહી બાદ તેઓ અગાઉથી સસ્પેન્શન હેઠળ હતા.

K Rajesh Compulsory Retirement: ફરજિયાત નિવૃત્તિનો મામલો કોર્ટ સુધી પહોંચ્યો

કે. રાજેશ ગુજરાત કેડરના 2011 બેચના IAS અધિકારી છે. તેમણે વર્ષ 2017થી 2021 દરમિયાન સુરેન્દ્રનગર જિલ્લા કલેક્ટર તરીકે ફરજ બજાવી હતી. તેમના કાર્યકાળ દરમિયાન હથિયાર પરવાના (Arms Licence) સંબંધિત મામલાઓને લઈને તેમના વિરુદ્ધ આક્ષેપો થયા હતા.

કે. રાજેશ સામે હથિયારના લાઇસન્સ મામલે લાંચ લેવાના આરોપો અંગે CBI દ્વારા તપાસ કરવામાં આવી હતી. તપાસ દરમિયાન CBIએ તેમને પૂછપરછ માટે બોલાવ્યા હતા અને ત્યારબાદ તેમની ધરપકડ કરવામાં આવી હતી. તેમને કોર્ટ સમક્ષ રજૂ કરવામાં આવ્યા હતા.

આ કેસની તપાસ દરમિયાન CBI દ્વારા સુરેન્દ્રનગર, સુરત, અમદાવાદ તેમજ આંધ્ર પ્રદેશમાં આવેલા તેમના સંબંધિત સ્થળો પર તપાસ અને દરોડાની કાર્યવાહી કરવામાં આવી હતી. આ કેસમાં સુરતના વચેટિયા તરીકે ઉલ્લેખાયેલા રફિક મેમણની પણ ધરપકડ કરવામાં આવી હતી. કે. રાજેશ સામે હથિયાર પરવાના સહિતના મુદ્દાઓને લઈને દિલ્હી ખાતે PMO અને CBI સમક્ષ ફરિયાદો કરવામાં આવી હોવાની વિગતો પણ સામે આવી હતી. તેમના સુરેન્દ્રનગર કલેક્ટર તરીકેના કાર્યકાળ દરમિયાન આ મામલો ચર્ચામાં આવ્યો હતો.

હવે ફરજિયાત નિવૃત્તિની કાર્યવાહી

CBIની કાર્યવાહી અને સસ્પેન્શન બાદ હવે રાજ્ય સરકારે કે. રાજેશ સામે વધુ એક મોટી કાર્યવાહી કરી છે. સામાન્ય વહીવટ વિભાગ દ્વારા તેમને ફરજિયાત નિવૃત્તિ આપવાનો આદેશ કરવામાં આવ્યો છે.

રાજ્ય સરકાર દ્વારા ભ્રષ્ટાચાર સામે કડક વલણ અપનાવવાની નીતિ અંતર્ગત સરકારી કર્મચારીઓ અને અધિકારીઓ સામે કાર્યવાહી કરવામાં આવી રહી છે. આ જ ક્રમમાં ‘ઓપરેશન ગંગાજળ’ હેઠળ વિવિધ અધિકારીઓ અને કર્મચારીઓ સામે કાર્યવાહી કરવામાં આવી હોવાનો સરકાર તરફથી દાવો કરવામાં આવ્યો છે.

કે. રાજેશ સામેના ભ્રષ્ટાચાર સંબંધિત કેસમાં થયેલી તપાસ અને કાનૂની કાર્યવાહી અલગ પ્રક્રિયાઓ છે. તેમની સામેના આરોપો અંગે અંતિમ કાનૂની નિષ્કર્ષ સંબંધિત ન્યાયિક પ્રક્રિયા પર આધારિત રહેશે.

આ પણ વાંચો: ગુજરાતના IAS કે.રાજેશની CBIએ કરી ધરપકડ,ભષ્ટ્રાચારનો આરોપ

આ પણ વાંચો: નાસ્તાની લારીની આડમાં કથિત ડ્રગ્સનો વેપાર? સુરતમાં MD ડ્રગ્સ સાથે યુવક ઝડપાયો

આ પણ વાંચો: ઇથોપિયામાં બંધક 3 ગુજરાતી મુક્ત, મુંબઈ પહોંચ્યા