કર્ણાટકમાં વિશ્વાસ પ્રસ્તાવ પર વોટિંગને લઈ સોમવારે પણ હુસાતુસીની સ્થિતિ જોવા મળી છે. જેડીએસ-કોંગ્રેસને કરવું નથી અને ભાજપે કોઇ કાળે જતુ કરવુ નથી. વિશ્વાસ પ્રસ્તાવને લઈ ત્રણ દિવસ સુધી ચાલેલી ચર્ચા હજુ પણ ખતમ થવાનું નામ જ નથી લઇ રહી ત્યારે આજે તો વિધાનસભા અધ્યક્ષ રમેશ કુમારે પણ સત્તાધારી ગઠબંધનના સભ્યોને પોતાનું ભાષણ તરત સમાપ્ત કરવાનું કહ્યું હતું. તો કોંગ્રેસનાં નેતા દ્વારા સુપ્રીમ કોર્ટનાં નિર્ણય બાદ જ કોઇ નિર્ણય લઇ શકાશે તેવી સલાહ આપતા સદન સંગ્રમાનાં મેદાન જોવું હંગામે ચડ્યું હતું

સદનમાં ભાજપનાં યેદિયુરપ્પાએ કહ્યું કે, સિદ્ધારમૈયા, મુખ્યમંત્રી અને સ્પીકરે કહ્યું હતું કે, સોમવારે ફ્લોર ટેસ્ટ થશે. મેં ચીફ વિપ સુનિલ સાથે પણ વાત કરી ફલોર ટેસ્ટ આજે  સમાપ્ત કરવાની વાત કરી છે. અમે રાત્રે 12 વાગ્યા સુધી સદનમાં જ રહીશું. મહેરબાની કરીને મને વિશ્વાસ મત સાબિત કરવાનો મોકો આપવામાં આવે.

યદિયુરપ્પાનાં આવા નિવેદનથી વિધાનસભામાં સત્તાધારી કોંગ્રેસ અને જેડીએસના સભ્યો ભારે હંગામો કર્યો હતો. તેઓએ વિધાનસભામાં સંવિધાન બચાવોના નારાં પણ લગાવ્યા હતા. તો હંગામાને પગલે સ્પીકર ચિડાયા હતા અને રોકડું પરખાવ્યું કે “મને એવા મુદ્દા પર દબાણ ન કરો કે, જ્યાં તમને પૂછ્યા વિના નિર્ણય લેવો પડે. આમ કરવાથી પરિણામ વિનાશક આવશે”

 

તમામ હંગામા વચ્ચે વિધાનસભાનાં અધ્યક્ષ અનેક ધારાસભ્યોને વન ટું વન પણ મળ્યા અને તમામ બાગી ઘારાસભ્યોને મંગળવાર સુધીમાં હાજર થઇ જવાનું અલ્ટીમેટમ પણ આપી દીછું છે ત્યારે પણ એમ કહેવુ પડશે કે પિક્ચર અભી બાકી હે

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.