Kutch News:કચ્છ જિલ્લામાં સતત ભૂકંપના આંચકા અનુભવાઈ રહ્યા છે. રાપર વિસ્તારમાં રાત્રે 1:16 વાગ્યે ભૂકંપ (Earthquake) અનુભવાયો હતો, જેના કારણે સ્થાનિક રહેવાસીઓમાં ગભરાટ ફેલાયો હતો. રિક્ટર સ્કેલ પર ભૂકંપની તીવ્રતા 2.5 નોંધાઈ હતી. ઇન્સ્ટિટ્યૂટ ઓફ સિસ્મોલોજીકલ રિસર્ચ (ISR) અનુસાર, ભૂકંપનું કેન્દ્ર રાપરથી આશરે 21 કિમી દૂર હતું. જોકે ભૂકંપ હળવો હતો, પરંતુ રાત્રિના શાંત કલાકોમાં આંચકા અનુભવાયા બાદ સાવચેતી રૂપે ઘણા લોકો પોતાના ઘરોમાંથી બહાર નીકળી ગયા હતા.
ભૂકંપને (Earthquake) કારણે સમગ્ર વિસ્તારમાં ભયનો માહોલ
નોંધપાત્ર વાત એ છે કે, ઉત્તર વાગડ ફોલ્ટ લાઇન પર આ ભૂકંપ (Earthquake) અનુભવાયો હતો. નોંધનીય છે કે ગઈકાલે આ જ ફોલ્ટ લાઇન પર પણ ભૂકંપ નોંધાયો હતો, જે આ વિસ્તારમાં ભૂકંપની ગતિવિધિમાં વધારો દર્શાવે છે. જોકે, આ ભૂકંપથી અત્યાર સુધી કોઈ જાનહાનિ કે મોટા નુકસાનના અહેવાલ નથી. નિષ્ણાતો આ વિસ્તારમાં આવેલા નાના ભૂકંપને કુદરતી પ્રક્રિયા ગણાવી રહ્યા છે, પરંતુ સતત આંચકાઓથી વાગડ જિલ્લાના લોકોમાં ચિંતા ફેલાઈ ગઈ છે.
કાલે શુક્રવારે (26 ડિસેમ્બર ) ગુજરાતના (Gujarat) કચ્છ જિલ્લામાં ભૂકંપ (Earthquake)ના જોરદાર આંચકા અનુભવાયા હતા. નેશનલ સેન્ટર ફોર સિસ્મોલોજીના જણાવ્યા અનુસાર રિક્ટર સ્કેલ પર ભૂકંપ (Earthquake)ની તીવ્રતા 4.4 માપવામાં આવી છે.રિપોર્ટ અનુસાર શુક્રવારે સવારે લગભગ 04:30:02 વાગ્યે ભૂકંપ(Earthquake) આવ્યો હતો. ભૂકંપ (Earthquake)નું કેન્દ્રબિંદુ સવારે 23.65 વાગ્યે કચ્છ જિલ્લામાં હતું.
અધિકારીઓ અને પ્રાથમિક અહેવાલો અનુસાર, અત્યાર સુધી કોઈ જાનહાનિ અથવા સંપત્તિને નુકસાન થયાના અહેવાલ નથી. જો કે, વહેલી સવારના આંચકાને કારણે પ્રદેશના કેટલાક ભાગોમાં લોકોમાં ગભરાટ ફેલાયો હતો અને ઘણા રહેવાસીઓ સાવચેતીના પગલા તરીકે તેમના ઘરોમાંથી બહાર નીકળી ગયા હતા.
કચ્છ જિલ્લો ‘અત્યંત ઉચ્ચ જોખમ’ ધરાવતા ભૂકંપ ઝોન Vમાં આવે છે, જ્યાં ઘણીવાર હળવા તીવ્રતાના ભૂકંપ નોંધાય છે. કચ્છ (Kutch)ના ભચાઉ(Bhachau)માં ચોબારી નજીક મોડી રાત્રે ભૂકંપનો આંચકો અનુભવાયો છે. 3.4ની તીવ્રતાનો ભૂકંપનો આંચકો આવ્યો હતો. લોકો સૂઈ રહ્યા હતા દરમિયાન ભૂકંપનો આંચકો અનુભવાતા લોકો ભયભીત થઈ ગયા હતા. લોકો ઘરની બહાર દોડી આવ્યા હતા. જોકે, કોઈ જાનહાનિ થવાની માહિતી મળી નથી. ભૂકંપનું કેન્દ્ર બિંદુ ભચાઉથી 26 કિમી દૂર નોંધાયું હતું.
આ પણ વાંચો:ભારત-પાકિસ્તાન સરહદ પર આવેલા કચ્છના ખાવડા નજીક 3.3 ની તીવ્રતાનો ભૂકંપનો આંચકો અનુભવાયો
આ પણ વાંચો:કચ્છમાં ફરી એકવાર ભૂકંપનો આંચકો, એક મહિનામાં 9મો આંચકો નોંધાયો
આ પણ વાંચો:કચ્છના ભચાઉમાં 3.4ની તીવ્રતાનો ભૂકંપનો આંચકો
