Banaskantha News:બનાસકાંઠા જિલ્લાના દાંતા તાલુકાના પડાળિયા ગામમાં વન વિભાગની જમીનના વિવાદને લઈને સરકારી કર્મચારીઓ પર થયેલા હિંસક હુમલાના સંદર્ભમાં પોલીસે કડક કાર્યવાહી શરૂ કરી છે. ગઈકાલે (13 ડિસેમ્બર) બપોરે બનેલી આ ઘટનામાં પોલીસે 27 લોકોની ધરપકડ કરી છે અને 500 અન્ય લોકોની અટકાયત કરી છે.પાડલિયા હુમલા બાદ બનાસકાંઠા પોલીસ હરકતમાં આવી ગઈ છે. ત્રણ નાયબ પોલીસ અધિક્ષક (DySP) સહિત 200 થી વધુ કર્મચારીઓનો કાફલો આજે પડાળિયા જવા રવાના થયો છે.
અંબાજી નજીકના પાડલિયા ગામમાં વન વિભાગ અને પોલીસ કર્મચારીઓ પર થયેલા હિંસક હુમલાના કેસમાં બનાસકાંઠા પોલીસે કડક કાર્યવાહી શરૂ કરી છે. FIR નોંધ્યા બાદ, આજે સવારે પોલીસ દળની મોટી ટુકડી પડાળિયા ગામ જવા રવાના થઈ છે.પોલીસે હુમલાખોરોને પકડવા અને ઘટનાના પુરાવા એકત્રિત કરવા માટે એક વિશાળ કોમ્બિંગ ઓપરેશન શરૂ કર્યું છે.જેમાં ત્રણ DySP, 10 PI, 12 PSI અને 200 થી વધુ પોલીસ કર્મચારીઓ આ ઓપરેશનમાં સામેલ છે.
FSLની ટીમને ગુનાના સ્થળે લઈ જશે જેથી વૈજ્ઞાનિક રીતે પુરાવા એકત્રિત કરવા માટે પંચનામા કરવામાં આવશે. આ પંચનામા પ્રક્રિયા પૂર્ણ થયા પછી, ગામમાં સઘન કોમ્બિંગ ઓપરેશન હાથ ધરવામાં આવશે.પોલીસે હુમલાખોરોને પકડવા અને ઘટનાના પુરાવા એકત્રિત કરવા માટે મોટા પાયે કોમ્બિંગ ઓપરેશન શરૂ કર્યું છે.
આપને જણાવી દઈએ બનાસકાંઠા જિલ્લાના પાડલિયા ગામમાં શનિવારે બપોરે (13 ડિસેમ્બર) આશરે 500 લોકોના ટોળાએ પોલીસ, વન અને મહેસૂલ વિભાગના અધિકારીઓ પર હુમલો કર્યો હતો. આ ઘટનામાં કુલ 47 અધિકારીઓ ઘાયલ થયા હતા.અધિકારીઓ અનુસાર ઘાયલોમાંથી 36 લોકોને સારવાર માટે અંબાજી સિવિલ હોસ્પિટલમાં દાખલ કરવામાં આવ્યા હતા, જ્યારે અન્ય 11 લોકોને વધુ સારવાર માટે પાલનપુર સિવિલ હોસ્પિટલમાં (Civil Hospital) રિફર કરવામાં આવ્યા હતા. હાલમાં બધા ઘાયલોની હાલત સ્થિર છે. જોકે, હુમલાનું કારણ હજુ સ્પષ્ટ નથી.
બનાસકાંઠાના કલેક્ટર મિહિર પટેલે જણાવ્યું હતું કે શનિવારે બપોરે 2:30 વાગ્યાની આસપાસ આ ઘટના બની હતી જ્યારે પોલીસ, વન અને મહેસૂલ વિભાગના અધિકારીઓની સંયુક્ત ટીમ વન વિભાગના સર્વે નંબર 9 વિસ્તારમાં નર્સરી અને પ્લાન્ટેશન પ્રોજેક્ટ પર કામ કરી રહી હતી. અચાનક, લગભગ 500 લોકોના ટોળાએ ટીમ પર પથ્થરમારો શરૂ કર્યો અને તિર કામઠાનો ઉપયોગ પણ કર્યો હતો. આ વિસ્તાર દાંતા તાલુકામાં આવેલો છે, જે પ્રખ્યાત યાત્રાધામ અંબાજીથી લગભગ 14 કિલોમીટર દૂર છે.
અધિકારીઓ પર ટોળાનો હુમલો
ઉપલબ્ધ માહિતી અનુસાર, પાડલિયા ગામમાં વન વિભાગની જમીન અંગે લાંબા સમયથી વિવાદ ચાલી રહ્યો હતો. જ્યારે પોલીસ અને વન વિભાગની (Forest Department) ટીમ આ વિવાદનો ઉકેલ લાવવા અથવા કાર્યવાહી કરવા માટે ગામમાં હાજર હતી, ત્યારે અચાનક મોટી ભીડ એકઠી થઈ ગઈ, ટીમને ઘેરી લીધી અને પથ્થરમારો શરૂ કરી દીધો. પથ્થરમારા ઉપરાંત, તેમના પર તીર અને લાકડીઓથી પણ હુમલો કરવામાં આવ્યો.
બીજી તરફ, પોલીસે પરિસ્થિતિને કાબૂમાં લેવા માટે તાત્કાલિક ટીયર ગેસના અનેક શેલ છોડ્યા, પરંતુ ટીયર ગેસ તૈનાત કર્યા પછી પરિસ્થિતિ વધુ વણસી ગઈ, અને ભીડ વધુ આક્રમક બની ગઈ. હુમલામાં અંબાજી પોલીસ ઇન્સ્પેક્ટર (PI) આર.બી. ગોહિલને સૌથી ગંભીર ઇજાઓ થઈ. તેમની ગંભીર સ્થિતિને કારણે, સ્થાનિક ગુના શાખા (LCB) એ તેમને તાત્કાલિક પાલનપુર સારવાર માટે રિફર કર્યા.
