Junagadh News: જૂનાગઢનાં ઉનામાં (Leopard’s Attack) રહેણાંક વિસ્તારમાં ખેડૂત પર હુમલો કરતા લોહીલુહાણ થતાં તાત્કાલિક હોસ્પિટલ ખસેડવામાં આવ્યા છે. વન વિભાગે ટ્રાન્ક્વિલાઈઝર ગન વડે બેભાન કરી દીપડાને પાંજરામાં પૂર્યો હતો. દીપડાનાં આતંકથી લોકોમાં ભય ફેલાયો છે.
જૂનાગઢ જીલ્લાનાં ઉના (Una) તાલુકાનાં આમોદ્રા ગામમાં દીપડાએ એક ઘરમાં રસોડામાં જ આધેડ વયની વ્યક્તિ પર હુમલો કરતા વન વિભાગને તાત્કાલિક જાણ કરવામાં આવી હતી. જેના કારણે વન વિભાગની ટીમ તાત્કાલિક ઘટનાસ્થળે પહોંચી ગઈ. ઘાયલ રમેશભાઈના પત્ની દક્ષાબેને જણાવ્યું કે, “હું સવારે લગભગ 5:15 વાગ્યે શૌચાલયમાંથી આવી રહી હતી, ત્યારે દીપડો ખેતરમાં દેખાયો. તેને જોઈને હું ભાગી ગઈ, પરંતુ દીપડો મારી પાછળ વરંડા સુધી આવી ગયો. ત્યારબાદ મેં ચીસો પાડી અને મારો અવાજ સાંભળીને બધા બહાર આવ્યા.
જ્યારે મારા પતિ મને બચાવવા ગયા, ત્યારે દીપડો કાચની બારીમાંથી રસોડામાં ઘૂસી ગયો અને તેના પર હુમલો કર્યો. બધા ભેગા થયા અને દીપડાને ભગાડવાનો પ્રયાસ કર્યો, તેથી મને કોઈ ઈજા થઈ નહીં.” દીપડો બેહોશ થઈ ગયો, પરંતુ દીપડો બેહોશ ન થયો અને રસોડાના ખૂણા પાસે પોતાનું સ્થાન બદલીને ફ્રિજ તરફ જવા લાગ્યો. તેથી, વન વિભાગે દીપડાને બેભાન કરવાનો ફરીથી પ્રયાસ કર્યો. વન વિભાગની ટીમે રસોડાના દરવાજા બંધ કરી દીધા અને બંધ દરવાજા પાછળ દીપડાને બેભાન કરવાનો ખૂબ પ્રયાસ કર્યો.
અંતે વન વિભાગની ટીમે દીપડાને ટ્રાંક્વીલાઈઝર ગનથી બેભાન કરી દીધો અને તેને રસોડામાંથી બહાર કાઢીને પાંજરામાં બંધ કરી દીધો. હાલમાં ઘાયલ રમેશભાઈને સારવાર માટે નજીકની હોસ્પિટલમાં દાખલ કરવામાં આવ્યા છે. તેમના હાથમાં ગંભીર ઈજાઓ થઈ છે. ગામના સ્થાનિક રહેવાસી દિલીપભાઈએ જણાવ્યું કે વહેલી સવારે એક દીપડાએ અમારા ગામના રમેશભાઈ પર હુમલો કર્યો હતો. રમેશભાઈએ દીપડાને ઘરમાંથી બહાર કાઢવાનો ખૂબ પ્રયાસ કર્યો ત્યારે દીપડો ઘરમાં ઘૂસી ગયો અને હુમલો કરી દીધો.
આ પણ વાંચો:2 વર્ષના બાળકને દીપડાએ મોતને ઘાટ ઉતાર્યો, ધારી ગીર પૂર્વના દલખાણીયા રેન્જમાં બની ઘટના
આ પણ વાંચો:ગીર સોમનાથમાં દીપડાએ 5 વર્ષની બાળકીને ફાડી ખાધી
આ પણ વાંચો:અમરેલીમાં દીપડાએ 10 વર્ષીય બાળકને ફાડી ખાતા મચી ચકચાર
