Gujarat Weather: ગુજરાતમાં વરસાદી વાતાવરણ જોવા મળશે,હવામાન વિભાગની આગાહી મુજબ, રાજ્યમાં બે દિવસ સુધી હળવાથી મધ્યમ વરસાદ થવાની સંભાવના છે, દક્ષિણ ગુજરાત અને સૌરાષ્ટ્રમાં વરસાદની સંભાવના છે, વીજળીના કડાકા સાથે મધ્યમ વરસાદની સંભાવના છે, જ્યારે અમદાવાદ અને ગાંધીનગરમાં વરસાદી ઝાપટા પડશે.
હવામાન વિભાગની આગાહી મુજબ, ભાવનગર, જૂનાગઢ, રાજકોટ, સુરેન્દ્રનગર, દ્વારકા, ભરૂચ, સુરત, વલસાડ, નવસારી, ડાંગ, તાપી, પાટણ, મહેસાણા, બનાસકાંઠા, સાબરકાંઠા, દાહોદ, વડોદરા, ખેડા અને આણંદમાં વરસાદની સંભાવના છે.
સામાન્ય રીતે ચોમાસું જુલાઈની શરૂઆતમાં કેરળમાં પ્રવેશ કરે છે અને 10 જુલાઈ સુધી સમગ્ર ભારતમાં વરસાદ પડે છે અને ચોમાસું સપ્ટેમ્બરના અંત સુધીમાં પાછું જાય છે, પરંતુ આ વખતે ભારતમાં વરસાદી સિસ્ટમ થોડી અલગ દેખાઈ છે કારણ કે આ વખતે ચોમાસું કેરળમાં વહેલું આવી ગયું છે અને 2009 પછી પહેલી વાર જૂનમાં ચોમાસું કેરળ પહોંચ્યું છે.
તેવી જ રીતે, આસામ, મેઘાલય, મણિપુર, મિઝોરમ અને ત્રિપુરામાં વરસાદની ચેતવણી જારી કરવામાં આવી છે. ૩ થી ૪ જૂન દરમિયાન બિહાર, ઓડિશા, મધ્યપ્રદેશ, વિદર્ભ અને થાટીગઢમાં સતત વરસાદની આગાહી છે. સ્કાયમેટ વેધર મુજબ, આગામી ૨૪ કલાકમાં સિક્કિમ અને પૂર્વ ભારતમાં ભારે વરસાદની આગાહી છે. દક્ષિણ કોંકણ, ગોવા, કર્ણાટક અને કેરળના દરિયાકાંઠાના વિસ્તારોમાં હળવો વરસાદ અને ભારે પવન ફૂંકાશે.
આ પણ વાંચો:અમદાવાદમાં ભારે વરસાદથી રસ્તાઓ પાણીમાં! પ્રજાને ઠંડકનો હાશકારો
આ પણ વાંચો:ચોમાસાનું આગમન 15 જૂન પહેલાં જ થશે, આ વર્ષે ગુજરાતમાં સામાન્ય કરતા વધારે વરસાદની શક્યતા
આ પણ વાંચો:વરસાદ આ વર્ષે વહેલો નહીં આવે! 24 કલાકમાં ભારે વર્ષાનું એલર્ટ
