Surendranagar News: સુરેન્દ્રનગર જિલ્લાના લીંબડી તાલુકામાં ભારે વરસાદના કારણે અનેક વિસ્તારોમાં વીજ પુરવઠો ખોરવાઈ ગયો હતો. આવી વિકટ પરિસ્થિતિમાં ગુજરાત વીજ કંપની (PGVCL)ના કર્મચારીઓ (PGVCL Employees)એ જીવના જોખમે ગળાડૂબ પાણીમાં ઉતરી વીજ લાઈનની ખામી દૂર કરી અને એક કલાકથી વધુ સમયની જહેમત બાદ વીજ પુરવઠો ફરી શરૂ કર્યો. કર્મચારીઓની આ ફરજનિષ્ઠા અને સેવાભાવને સ્થાનિક ગ્રામજનોએ બિરદાવ્યા હતા.
PGVCL Employeesએ ભારે વરસાદથી અનેક વિસ્તારોમાં વીજ પુરવઠો ખોરવાયો
લીંબડી તાલુકામાં સતત વરસી રહેલા ભારે વરસાદને કારણે વીજ લાઈનમાં ટેક્નિકલ ખામી સર્જાઈ હતી. જેના કારણે અંકેવાળીયા સહિત આસપાસના અનેક વિસ્તારોમાં વીજ પુરવઠો બંધ થઈ ગયો હતો. વીજળી ખોરવાતા સ્થાનિક લોકોને મુશ્કેલીનો સામનો કરવો પડ્યો હતો.
ગળાડૂબ પાણીમાંથી પસાર થઈ પહોંચ્યા ઘટનાસ્થળે
ખામીની જાણ થતાં જ પીજીવીસીએલ (PGVCL Employees)ની ટીમ તાત્કાલિક સ્થળ પર પહોંચી હતી. ભારે વરસાદ અને ગળાસુધી ભરાયેલા પાણી વચ્ચે કર્મચારીઓ જરૂરી સાધનો સાથે ઘટનાસ્થળે પહોંચ્યા અને વીજ લાઈનનું નિરીક્ષણ શરૂ કર્યું. પાણીનું ઊંચું સ્તર હોવા છતાં કર્મચારીઓએ જોખમ વચ્ચે કામગીરી ચાલુ રાખી હતી.
એક કલાકથી વધુની મહેનત બાદ વીજ પુરવઠો શરૂ
ટીમે સતત એક કલાકથી વધુ સમય સુધી ખામી દૂર કરવાની કામગીરી હાથ ધરી હતી. અંતે વીજ લાઈનની સમસ્યા દૂર થતાં અસરગ્રસ્ત વિસ્તારોમાં વીજ પુરવઠો પૂર્વવત કરવામાં આવ્યો. સમયસર કામગીરી થતાં લોકોને લાંબા સમય સુધી અંધારામાં રહેવું પડ્યું નહીં.
ગ્રામજનોએ કર્મચારીઓના પ્રયાસોને બિરદાવ્યા
પ્રતિકૂળ હવામાન છતાં ફરજ પ્રત્યેની નિષ્ઠા દાખવનારા PGVCL કર્મચારી (PGVCL Employees)ઓના પ્રયાસોની સ્થાનિક લોકોએ પ્રશંસા કરી હતી.ગ્રામજનોએ જણાવ્યું કે મુશ્કેલ પરિસ્થિતિમાં પણ વીજ સેવા ઝડપથી પુનઃ શરૂ થતાં લોકોને મોટી રાહત મળી છે.
વરસાદી સિઝનમાં સતત સતર્ક PGVCL ટીમ
ચોમાસા દરમિયાન વીજ પુરવઠો ખોરવાય ત્યારે ઝડપથી કામગીરી કરી સેવા પુનઃસ્થાપિત કરવી એ પીજીવીસીએલની ટીમ માટે મોટો પડકાર હોય છે. તેમ છતાં કર્મચારીઓ સતત મેદાનમાં રહી જનતાને અવિરત વીજ સેવા મળે તે માટે કામગીરી કરી રહ્યા છે.
આ પણ વાંચો:રાજકોટ જંગલેશ્વર ડિમોલિશન ખર્ચ વિવાદ: PGVCL MD એમ.ડી. ચુડાસમા બનશે તપાસ સમિતિના નવા અધ્યક્ષ
આ પણ વાંચો:રાજકોટ: સૌરાષ્ટ્રમાં મેઘતાંડવ બાદ PGVCLનું ઓપરેશન
