ઈજિપ્તની રાજધાની કૈરોમાં પુરાતત્વ વિભાગે એક સૂર્ય મંદિરની શોધ કરી છે. કહેવામાં આવી રહ્યું છે કે આ મંદિર લગભગ 4500 વર્ષ જૂનું છે. તેના કેટલાક ભાગોને તોડીને, પ્રાચીન ઇજિપ્તના 5મા સામ્રાજ્યના છઠ્ઠા રાજાએ તેનું મંદિર બનાવ્યું હતું. પરંતુ હવે પુરાતત્વ વિભાગે દાવો કર્યો છે કે તેમને આ મંદિરના કેટલાક ભાગ મળ્યા છે.
પુરાતત્વ વિભાગે ઇજિપ્તમાં વધુ એક જૂનું સૂર્ય મંદિર શોધી કાઢ્યું છે. તે 4500 વર્ષ જૂનું હોવાનું મનાય છે. અવશેષોને જોઈને અનુમાન લગાવવામાં આવી રહ્યું છે કે કાચી ઈંટોથી બનેલી આ ઈમારત કોઈ ‘સૂર્ય મંદિર’ની છે જે પ્રાચીન ઈજિપ્તના 5મા સામ્રાજ્ય (2465 થી 2323 ઈ.સ. પૂર્વે)ની હોઈ શકે છે. અગાઉ, ગયા વર્ષે પણ ઇજિપ્તમાં એક સૂર્ય મંદિરના અવશેષો મળી આવ્યા હતા. તમને જણાવી દઇએ કે ઇજિપ્તમાં ઇટાલી અને પોલેન્ડ દ્વારા સંયુક્ત સર્ચ ઓપરેશન ચલાવવામાં આવી રહ્યું છે.
ઇજિપ્તના પ્રાચીન અને પર્યટન મંત્રાલયે 30 જુલાઇના રોજ ઇન્સ્ટાગ્રામ પર આ શોધની જાહેરાત કરી હતી. મંત્રાલય દ્વારા જારી કરવામાં આવેલા નિવેદનમાં કહેવામાં આવ્યું છે કે – આ એક સંયુક્ત ઈટાલિયન-પોલિશ પુરાતત્વીય મિશન છે. જે રાજા ન્યુસેરેના મંદિર પર કામ કરી રહ્યું છે. આ મંદિરની નીચે કાચી ઈંટોથી બનેલી ઈમારતના અવશેષો મળી આવ્યા છે.
આ મંદિર ઇજિપ્તની રાજધાની કૈરોના દક્ષિણ ભાગમાં સ્થિત અબુસિર વિસ્તારમાંથી મળી આવ્યું છે. તે રાજા ન્યુસેરેના મંદિર હેઠળ હતું. મંત્રાલય દ્વારા વધુમાં કહેવામાં આવ્યું હતું કે – આ ઇમારત પાંચમા સામ્રાજ્યના ખોવાયેલા સૂર્યના 4 મંદિરોમાંથી એક હોઈ શકે છે જેનો ઉલ્લેખ ઘણા ઐતિહાસિક પુસ્તકોમાં કરવામાં આવ્યો છે.
ઇજિપ્તની પ્રાચીન વસ્તુઓ અને પ્રવાસન મંત્રાલય
મંત્રાલય તરફથી કહેવામાં આવ્યું છે કે મંદિરની ઇમારતના કેટલાક ભાગોને પાંચમા સામ્રાજ્યના છઠ્ઠા શાસક ફારુને તેમના શાસન દરમિયાન તોડી પાડ્યા હતા. જેથી તે ત્યાં પોતાનું મંદિર બનાવી શકે. સંશોધન દરમિયાન પુરાતત્વ વિભાગના લોકોને ઈમારતની અંદરથી માટીના કેટલાક વાસણો અને બિયરના ગ્લાસ પણ મળ્યા છે, જે તેમના સંશોધનમાં મદદ કરી શકે છે. જમીનની અંદરથી કેટલીક ટિકિટો પણ મળી આવી છે, જેના પર પાંચમા રાજ્યના રાજાઓના નામ છે. ફોટોમાં મંત્રાલયે એ જગ્યાઓ પણ દર્શાવી છે જ્યાં પુરાતત્વ વિભાગ હજુ પણ કાર્યરત છે.
ઇજિપ્તની પ્રાચીન વસ્તુઓ અને પ્રવાસન મંત્રાલય
ભગવાન રાનું પ્રથમ સૂર્ય મંદિર 19મી સદીમાં મળી આવ્યું હતું. તેથી તેને એક મહત્વપૂર્ણ શોધ પણ માનવામાં આવે છે, જે ઈજિપ્તના પ્રાચીન ઈતિહાસને સમજવામાં ઈતિહાસકારોને મદદ કરી શકે છે. દેશમાં હાજર આ 6 કે 7 મંદિરોમાંથી અત્યાર સુધીમાં માત્ર 2 જ શોધાયા છે.
Photos/ આ છે દુનિયાના 15 સૌથી ખતરનાક પ્રાણીઓ, નામ જાણી તમારા હોશ ઊડી જશે
