મધ્યપ્રદેશની એક મહિલા કોન્સ્ટેબલને બુધવારે રાજ્ય સરકારે તેનું લિંગ બદલવાની મંજૂરી આપી હતી. એટલે કે મહિલા હવે પુરૂષ તરીકે પોતાનું લિંગ બદલી શકશે. એક વરિષ્ઠ અધિકારીએ આ માહિતી આપી છે.
આ પણ વાંચો – Political / જયા બચ્ચને પ્રદર્શન કરી રહેલા સાંસદોને ચોકલેટ-બિસ્કિટ આપી, કહ્યુ-વિરોધ ચાલુ રાખવા માટે ઊર્જાની જરૂર પડશે
અધિક મુખ્ય સચિવ (ગૃહ) ડૉ. રાજેશ રાજોરાએ દાવો કર્યો હતો કે, “મધ્યપ્રદેશમાં આ પહેલો કિસ્સો છે જ્યાં રાજ્યનાં કોઈપણ સરકારી વિભાગમાં સ્ત્રીમાંથી પુરુષમાં લિંગ પરિવર્તનની મંજૂરી આપવામાં આવી છે.” તેમણે કહ્યું કે તે અન્ય પુરૂષ કોન્સ્ટેબલની જેમ તે તેની તમામ ફરજો નિભાવે છે. અધિકારીએ કહ્યું કે અગ્રણી મનોવૈજ્ઞાનિકોએ પુષ્ટિ કરી છે કે તેને બાળપણથી જ લિંગ ઓળખની સમસ્યા હતી. ગૃહ વિભાગે રાજ્યનાં પોલીસ મહાનિર્દેશક (DGP)ને મહિલા કોન્સ્ટેબલને તેનું લિંગ બદલવાની પરવાનગી આપી છે કારણ કે તેણીને બાળપણથી જ લિંગ ઓળખની સમસ્યા છે. તેમણે કહ્યું કે મહિલા કોન્સ્ટેબલે પોલીસ હેડક્વાર્ટરમાં એફિડેવિટ સાથે અરજી સબમિટ કરીને પોતાનું લિંગ બદલવા માટે ઔપચારિક રીતે અરજી કરી હતી અને મહિલાએ સત્તાવાર ગેઝેટમાં પણ તેનો ઈરાદો સ્પષ્ટ કરી દીધો હતો. તેમણે કહ્યું કે પોલીસ હેડક્વાર્ટર દ્વારા મહિલાની અરજી ગૃહ વિભાગને મંજૂરી માટે મોકલી દેવામાં આવી છે.
આ પણ વાંચો – Political / આંદોલનમાં મૂત્યુ પામનારા ખેડૂતોનો કોઇ આંકડો નથી, એટલે વળતરનો સવાલ જ નથીઃ કેન્દ્ર સરકાર
નિયમો અનુસાર, ભારતીય નાગરિકને તેના ધર્મ અને જાતિને ધ્યાનમાં લીધા વિના તેનું લિંગ પસંદ કરવાનો અધિકાર છે. તેના આધારે રાજ્યનાં ગૃહ વિભાગે પોલીસ હેડક્વાર્ટરને મહિલા કોન્સ્ટેબલને તેમના લિંગ બદલવાની મંજૂરી આપી હતી.
