Junagadh News: જૂનાગઢના ભવનાથ મહાશિવરાત્રી (Mahashivratri) મેળો 2026 આજથી (11 ફેબ્રુઆરી) વિધિવત શરૂ થઈ ગયો છે. ગિરનાર પર્વતની તળેટીમાં આવેલા પવિત્ર ભવનાથ મહાદેવ મંદિર ખાતે યોજાતો આ મેળો દેવાધિદેવ શંકરના દર્શન, ભક્તિ, સંસ્કૃતિ અને પ્રકૃતિના અનોખા સંગમ તરીકે વિશ્વભરમાં પ્રસિદ્ધ છે. આ વર્ષે તેને મિની કુંભનું સ્વરૂપ આપવામાં આવ્યું છે, જેમાં લાખો શ્રદ્ધાળુઓ, સાધુ-સંતો અને નાગા બાબાઓ ઉમટી પડ્યા છે.
મહાશિવરાત્રી (Mahashivratri)ની રાત્રે મૃગી કુંડમાં રાજસી સ્નાન
સવારે ભવનાથ મંદિરના શિખર પર નવસ્થાપિત 55 કિલોના ભવ્ય ધ્વજદંડ પર પરંપરાગત ધ્વજારોહણ સાથે મેળાનો શુભારંભ થયો. સવારે 7:30 વાગ્યે ભરડાવાવ ખાતેથી સાધુ-સંતો અને મહાનુભાવોની ઉપસ્થિતિમાં ભવ્ય શોભાયાત્રા નીકળી અને મંદિર સુધી પહોંચી.આ વર્ષે સૌથી મોટી ખાસિયત છે પ્રથમવાર યોજાતી ભવ્ય ‘ડમરુ યાત્રા’. સાંજે 7 વાગ્યે ભવનાથ પ્રવેશ દ્વારથી શરૂ થઈને લગભગ 400 મીટરના માર્ગે મંદિર સુધી નીકળી. આ યાત્રામાં નાયબ મુખ્યમંત્રી હર્ષ સંઘવી પણ સહભાગી થયા.ઐતિહાસિક રીતે પ્રથમ વખત સર્વ સમાજની દીકરીઓએ કળશ ધારણ કરીને સંતોનું સ્વાગત કર્યું, જે ભક્તિ અને સમાજસેવાનું અદ્ભુત પ્રતીક બન્યું. યાત્રા પૂર્ણ થયા બાદ મંદિર ખાતે ભવ્ય મહાઆરતી અને ધર્મસભાનું આયોજન કરાયું.મેળો 15 ફેબ્રુઆરી સુધી ચાલશે (પાંચ દિવસ). મહાશિવરાત્રી (Mahashivratri)ની રાત્રે મૃગી કુંડમાં રાજસી સ્નાન અને રવેડી (શાહી સરઘસ) જેવા પરંપરાગત કાર્યક્રમો યોજાશે.
મહાશિવરાત્રી (Mahashivratri)ના મેળાને કારણે મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવીના માર્ગદર્શન હેઠળ ગુજરાત પવિત્ર યાત્રાધામ વિકાસ બોર્ડ અને સ્થાનિક વહીવટી તંત્ર દ્વારા અભૂતપૂર્વ તૈયારીઓ કરાઈ છે.ટ્રાફિક નિયમન માટે કેટલાક મુખ્ય રસ્તાઓ વન-વે જાહેર કરાયા છે. GSRTCની મિની બસો માત્ર ગિરનાર દરવાજા થઈને વાઘેશ્વરી મંદિર પાર્કિંગ પર પિકઅપ/ડ્રોપ કરશે અને ત્યાંથી જૂનાગઢ તરફ પરત ફરશે. ભવનાથ વિસ્તાર વાહન-મુક્ત રહેશે.આ મેળો માત્ર ધાર્મિક નહીં, પણ સાંસ્કૃતિક વારસાનું જીવંત પ્રતીક છે.
નાગા સાધુઓએ ખાસ પૂજા કરી અને હર હર મહાદેવના નારા સાથે અલખની પૂજા શરૂ કરી. ધ્વજારોહણ સમારોહ પૂર્ણ થયા પછી, નાગા સાધુઓએ ભવનાથની તળેટીમાં બેસીને ખાસ પૂજા કરી અને હર હર મહાદેવના નારા સાથે અલખની પૂજા શરૂ કરી. આ શિવરાત્રી (Mahashivratri)નો મેળો ભજન, ભોજન અને ભક્તિનો સંગમ છે. મોટા ખાદ્ય સ્ટોલથી લઈને નાના સ્ટોલ સુધી, બધા મેળામાં આવતા લાખો ભક્તોની સેવા કરવા માટે તૈયાર છે. ભારત અને વિદેશથી ભક્તો શ્રદ્ધાના આ મેળામાં આવે છે, જ્યાં તેઓ ભવનાથની પવિત્રતા તેમજ સંતોના દર્શન મેળવે છે.
જૂનાગઢ પોલીસે કડક સુરક્ષા વ્યવસ્થા કરી છે. મેળામાં કાયદો અને વ્યવસ્થા જાળવવા માટે કુલ 3,500 પોલીસ કર્મચારીઓને તૈનાત કરવામાં આવ્યા છે. પોલીસ દળમાં 1 ASP, 9 DySP, 38 PI, 135 PSI, 1,582 પોલીસ કર્મચારીઓ, 125 ટ્રાફિક પોલીસ, સ્પેશિયલ રિઝર્વ પોલીસ ફોર્સ (SRP) ની 2 કંપનીઓ, 600 હોમગાર્ડ્સ અને 651 GRD કર્મચારીઓનો સમાવેશ થાય છે. સમગ્ર મેળા વિસ્તારને પાંચ મુખ્ય ઝોનમાં વહેંચવામાં આવ્યો છે. દામોદર કુંડ, રૂપાયતન, ભવનાથ, ગિરનાર અને સિટી ઝોન.
આધુનિક ટેકનોલોજીનો ઉપયોગ કરીને મેળાનું નિરીક્ષણ કરવામાં આવી રહ્યું છે. ભવનાથ પોલીસ સ્ટેશનમાં એક ખાસ કંટ્રોલ રૂમ બનાવવામાં આવ્યો છે, જ્યાંથી 570 હાઇ-રિઝોલ્યુશન CCTV કેમેરા અને ડ્રોનનો ઉપયોગ કરીને બધી પ્રવૃત્તિઓ પર નજર રાખવામાં આવશે. મેળામાં પાંત્રીસ પોલીસ પેટ્રોલિંગ, આઠ વોચ ટાવર અને 14 જાહેર જાહેરાત સિસ્ટમ સ્થાપિત કરવામાં આવી છે. કોઈપણ અનિચ્છનીય ઘટનાને રોકવા માટે, બોમ્બ ડિટેક્શન સ્ક્વોડ (BDDS), ચાર ડોગ સ્ક્વોડ ટીમો અને છ QR ટીમો પણ તૈનાત કરવામાં આવી છે.
આ વર્ષે, પહેલીવાર, ભીડને નિયંત્રિત કરવા અને ભક્તોને મદદ કરવા માટે 800 સ્વયંસેવકો પોલીસ સાથે કામ કરશે. વાહનોને પ્રવેશવા પર પ્રતિબંધ છે, તેથી આ વખતે, મૂળ આઠથી વધીને 24 પાર્કિંગ જગ્યાઓ બનાવવામાં આવી છે. શ્રદ્ધાળુઓની સુવિધા માટે, પાંચ સ્થળોએ 108 એમ્બ્યુલન્સ અને 15 સ્થળોએ તબીબી ટીમો તૈનાત કરવામાં આવશે. વધુમાં, પાંચ સ્થળોએ અગ્નિશામકો અને બે સ્થળોએ રાહત અને બચાવ ટીમો આગ ઓલવવા માટે તૈયાર છે. આમ, ગિરનારની ગોદમાં શ્રદ્ધાના મહાકુંભ (Mahashivratri)ના શુભ મુહૂર્તનો પ્રારંભ થયો છે.
આ પણ વાંચોઃ મહાશિવરાત્રિના પાવન પર્વે સોમનાથ, ભવનાથ મહાદેવ મંદિરમાં ભક્તોનું ઘોડાપૂર
આ પણ વાંચોઃ ભવનાથ મહાશિવરાત્રીમાં એસ.ટી. ચલાવશે 7800થી વધુ ટ્રિપો
આ પણ વાંચોઃ જૂનાગઢ ગિરનારની તળેટીમાં આજથી ‘મહાશિવરાત્રી મેળા’નો ભવ્ય પ્રારંભ, પ્રથમવાર યોજાશે ‘ડમરુ યાત્રા’
