મહારાષ્ટ્રના વન પ્રધાન સંજય રાઠોડે તેમના પદ પરથી રાજીનામું આપી દીધું છે. સૂત્રોના જણાવ્યા અનુસાર શિવસેનાના નેતા સંજય રાઠોડ રવિવારે સીએમ ઉદ્ધવ ઠાકરેને મળ્યા હતા અને તેમને રાજીનામું સુપરત કર્યું હતું. સંજય રાઠોડે સીએમ ઉદ્ધવને રાજીનામું સ્વીકારવાની વિનંતી કરી છે.
જણાવી દઈએ કે, આજે શિવસેનાના નેતા સંજય રાઉતે સંજય રાઠોડ પર એક ટ્વીટ કર્યું હતું, જેમાં ટિકટોક સ્ટારની આત્મહત્યાને લઈને વિવાદોથી ઘેરાયેલા હતા. જેમાં તેમણે છત્રપતિ શિવાજી મહારાજની એક તસવીર શેર કરીને તેમને રાજધર્મની યાદ અપાવી હતી. આ તસવીર પર લખ્યું છે કે શિવાજી મહારાજના હાથમાં જે શાહી લાકડી છે તે આ વસ્તુનુ પ્રતીક છે. તે મહારાષ્ટ્ર ધર્મ તરફ ધ્યાન કેન્દ્રિત કરે છે, જેનો અર્થ રાજધર્મ છે.
આ પણ વાંચો : PM મોદીની તસવીર અને 19 સેટેલાઈટ્સ લઈને PSLV-C51 ને ભરી ઉડાન, અવકાશમાં ગુંજશે ગીતાના સંદેશ
વિપક્ષના પ્રશ્નો પર અગાઉ સંજય રાઉતે કહ્યું હતું કે આ મામલો મહારાષ્ટ્ર સરકાર સાથે સંબંધિત છે અને સરકાર તેના પર કાર્યવાહી કરશે. રાઠોડ વરિષ્ઠ પ્રધાન છે અને પાર્ટીનો મોટો ચહેરો પણ છે. સીએમ ઉદ્ધવ ઠાકરેએ આ મામલે તપાસ કરવાનું કહ્યું છે. પાર્ટીમાં તેના વિશે કોઈ શંકા નથી. જ્યારે મુખ્યમંત્રી અને ડેપ્યુટી સીએમ આ મુદ્દે બોલ્યા છે, ત્યારે તમે કેવી રીતે કહી શકો કે શિવસેનાએ આ મામલે મૌન ધારણ કર્યું છે.
યાદ અપાવી દઈએ કે, પુનાની 22 વર્ષીય ટિકટોક સ્ટાર પૂજા ચવ્હાણે બિલ્ડિંગના ત્રીજા માળેથી કૂદીને પોતાનું જીવન ટુંકાવ્યું હતું. પૂજાના અવસાન પછી મહારાષ્ટ્રના રાજકારણમાં ખળભળાટ મચી ગયો હતો. કારણ કે મહારાષ્ટ્રના વન પ્રધાન સંજય રાઠોડ સાથે પૂજા નામ ઉમેરવામાં આવ્યું હતું. પૂજાની આત્મહત્યાના કેસમાં સંજય રાઠોડનું નામ હોવાથી શિવસેના પ્રમુખ અને રાજ્યના સીએમ ઉદ્ધવ ઠાકરે પર રાઠોડના રાજીનામા માટે દબાણ લાવવામાં આવી રહ્યું હતું.
આ પણ વાંચો : આસામમાં BJP ની સહયોગી પાર્ટી છોડ્યો સાથ, કોંગ્રેસમાં જોડાયા
તાજેતરમાં વિવાદ વધતો જોઈને સીએમ ઉદ્ધવ ઠાકરેએ મંત્રી સંજય રાઠોડને સમન્સ પાઠવ્યા હતા. સંજય રાઠોડ વિવાદોમાં સામેલ થયા બાદ જાહેરમાં દેખાયા ન હતા પરંતુ અચાનક તે વશીમ જિલ્લાના એક મંદિરમાં પહોંચ્યો હતો. અહીં પત્રકારો સાથેની વાતચીત દરમિયાન તેમણે તેમની ઉપર લાગેલા આક્ષેપોને નકારી દીધા હતા.
રાઠોડે દાવો કર્યો હતો કે મહિલાના “દુર્ભાગ્યપૂર્ણ” મૃત્યુ બાદ “ગંદુ રાજકારણ” રમવામાં આવી રહ્યું છે. નોંધપાત્ર વાત એ છે કે વિપક્ષ પહેલેથી જ આ મામલે ઉદ્ધવ સરકાર પર હુમલો કરી રહી છે. બીજેપીએ રાઠોડને પદ પરથી હટાવવા અને 22 વર્ષીય ટિકટોક સ્ટાર પૂજાના મોતની વિસ્તૃત તપાસની માંગ કરી છે. જો કે હવે રાઠોડે સીએમ ઉદ્ધવને રાજીનામું આપ્યું છે.
આ પણ વાંચો : અંબાણીના ઘરની બહાર વિસ્ફોટક રાખવાની જવાબદારી એક આંતકી સંગઠને લીધી, આ છે પુરાવો
