US News:શનિવારે રાત્રે કેલિફોર્નિયાના સ્ટોકટનમાં એક ગંભીર ગોળીબારની ઘટના બની હતી. સાન જોઆક્વિન કાઉન્ટી શેરિફ ઓફિસ અનુસાર, આ ઘટનામાં ઘણા લોકો ઘાયલ થયા છે.માહિતી અનુસાર, માહિતી મળતાં જ પોલીસ ઘટનાસ્થળે પહોંચી ગઈ હતી અને ઘાયલોને સારવાર માટે નજીકની હોસ્પિટલોમાં (Hospitals) દાખલ કરવામાં આવ્યા હતા. ઘાયલોની સ્થિતિ અંગે વધુ કોઈ માહિતી જાહેર કરવામાં આવી નથી.ઘટનાસ્થળ સુરક્ષિત છે અને સમગ્ર વિસ્તારની તપાસ ચાલી રહી છે. તપાસ એજન્સીઓ પુરાવા એકત્રિત કરવા માટે કામ કરી રહી છે. ગોળીબારના હેતુ અથવા હુમલાખોરોની ઓળખ અંગે હજુ સુધી કોઈ સત્તાવાર માહિતી જાહેર કરવામાં આવી નથી.
10 લોકો ઘાયલ થયા હોવાનો દાવો
મીડિયા રિપોર્ટ્સ અનુસાર, ગોળીબારમાં ઓછામાં ઓછા 10 લોકો ઘાયલ થયા છે, જેમાં એક 9 વર્ષનો બાળક, એક 12 વર્ષનો બાળક અને એક 23 વર્ષના પુરુષનો સમાવેશ થાય છે.ગોળીબાર એક બાળકના જન્મદિવસની પાર્ટી (Birthday party) દરમિયાન થયો હોવાનું કહેવાય છે. સોશિયલ મીડિયા પર શેર કરાયેલા દ્રશ્યના વીડિયોમાં મોટી સંખ્યામાં પોલીસ અને એમ્બ્યુલન્સની હાજરી જોવા મળે છે. ઘણા રસ્તાઓ બંધ કરવામાં આવ્યા છે.
‘બાળકોના જન્મદિવસની પાર્ટીમાં ગોળીબાર’
ઘણા લોકોએ પોતાના અનુભવો શેર કર્યા છે. એક વ્યક્તિએ લખ્યું,”હું નજીકમાં એક મીટિંગ છોડી રહ્યો હતો ત્યારે મેં ગોળીબારનો અવાજ સાંભળ્યો. શું કોઈને ખબર છે કે સફેદ SUV સામેલ હતી?” બીજા વ્યક્તિએ લખ્યું, “નજીકમાં બાળકોના જન્મદિવસની પાર્ટી ચાલી રહી હતી. પરિવારના ઘણા સભ્યો હાજર હતા. અમે ગોળીબાર સાંભળ્યો, પરંતુ શરૂઆતમાં લાગ્યું કે તે ફટાકડા છે.”
આ પણ વાંચો:અમેરિકાના કેલિફોર્નિયામાં ફરી એકવાર અંધાધૂંધ ગોળીબાર,3 લોકોના મોત 4ની હાલત ગંભીર
આ પણ વાંચો:અમેરિકામાં ફરી એકવાર ગોળીબારની ઘટના, કેલિફોર્નિયામાં ફાયરિંગમાં 6 મહિનાના બાળક સહિત 6 લોકોના મોત
આ પણ વાંચો:અમેરિકામાં ફરી એકવાર ગોળીબાર, કેલિફોર્નિયામાં સાત,આયોવામાં બે લોકોના મોત
