New Delhi News : રાજ્યસભા સાંસદ અને ભૂતપૂર્વ ભારતીય ક્રિકેટર Harbhajan Singhની સુરક્ષા પાછી ખેંચાતા મુદ્દે મામલો ગરમાયો છે. Punjab and Haryana High Courtએ આ કેસને ગંભીરતાથી લઈને કેન્દ્ર સરકાર અને પંજાબ સરકારને નોટિસ ફટકારી છે અને વિગતવાર જવાબ માંગ્યો છે.
Harbhajan Singhએ કોર્ટમાં અરજી દાખલ કરીને જણાવ્યું કે તેમની Y-કેટેગરી સુરક્ષા હટાવ્યા બાદ તેમના અને તેમના પરિવાર પર ખતરો વધ્યો છે. અરજીમાં ઉલ્લેખ કર્યો કે તાજેતરમાં તેમના નિવાસસ્થાન પર ટોળાએ હુમલો કર્યો હતો અને બહાર “દેશદ્રોહી” જેવા અપમાનજનક શબ્દો લખાયા હતા, જે ગંભીર સુરક્ષા ખામી દર્શાવે છે.
સુનાવણી દરમિયાન હાઈકોર્ટે સ્પષ્ટ સૂચના આપી કે કોઈપણ સંજોગોમાં હરભજન સિંહ અને તેમના પરિવારની સુરક્ષા સાથે સમાધાન ન થવું જોઈએ. કોર્ટે પંજાબ સરકારને તાત્કાલિક પૂરતી સુરક્ષા સુનિશ્ચિત કરવા આદેશ આપ્યો છે. સાથે જ, સુરક્ષા પાછી ખેંચવાના કારણો અને ખતરાના મૂલ્યાંકન અંગે પણ સ્પષ્ટતા માંગવામાં આવી છે.
માહિતી મુજબ, પંજાબ સરકારે તાજેતરમાં હરભજન સિંહને અપાતી Y-કેટેગરી સુરક્ષા હટાવી દીધી હતી અને તેમના જલંધર સ્થિત નિવાસસ્થાન પરથી પોલીસ જવાનોને પાછા બોલાવી લીધા હતા. ત્યારબાદ કેન્દ્ર સરકારે હસ્તક્ષેપ કરીને Central Reserve Police Force (CRPF) મારફતે સુરક્ષા વ્યવસ્થા ગોઠવી છે.
રાજકીય પરિસ્થિતિ પણ આ મામલે ચર્ચામાં છે. હરભજન સિંહ(Harbhajan Singh), Raghav Chadha સહિતના કેટલાક સાંસદોએ Aam Aadmi Party છોડીને Bharatiya Janata Partyમાં જોડાયા બાદ રાજકીય તણાવ વધ્યો છે. આ બદલાવ બાદ તેમના નિવાસસ્થાન નજીક વિરોધ પ્રદર્શનો પણ થયા હોવાનું સામે આવ્યું છે.
કોર્ટે આ સમગ્ર મામલાને ગંભીર ગણાવીને આગામી સુનાવણી 12 મે રાખી છે અને ત્યાં સુધી સુરક્ષા જાળવવા સ્પષ્ટ નિર્દેશ આપ્યો છે.
