ગુજરાતમાં માત્ર કાગળ પર કહેવાતી દારૂ બંધીનું વધુ એક નમુનો સામે આવ્યો છે. મોરબી જીલ્લા પોલીસે મોટી માત્રામાં દારૂનો જથ્થો ઝડપી પાડવામાં સફળતા મેળવી છે.  હળવદની  સરા ચોકડી  પાસેથી  દારૂ ભરેલી ટ્રક ઝડપાઈ છે.

પ્રાપ્ત વિગતો અનુસાર હળવદ પાસેની સારા ચોકડી પાસેથી મોરબી જિલ્લા એલસીબી પોલીસ દ્વારા દારૂ ભરેલી  ટ્રક ઝડપી લીધી પાડી હતી. સાથે જ તેમાં રહેલ બે આરોપીઓને પણ ઝડપી લેવાયા છે.  પોલીસ દ્વારા રૂ. 21.64  લાખના દારૂ સાથે 31.79 લાખનો મુદ્દામાલ જપ્ત કરી ઝડપાયેલ બંને આરોપીઓ તેમજ દારૂ મોકલનાર અને મંગાવનાર સહિત ચાર આરોપીઓ વિરુદ્ધ ગુનો નોંધી આગળની કાર્યવાહી હાથ ધરી છે.

એલસીબી પોલીસ સ્ટાફ હળવદ વિસ્તારમાં પેટ્રોલિંગમાં હોતો ત્યારે ધાંગધ્રા તરફથી ટાટા ટ્રક રજી.નંબર MH_48_BM-1128 હોટલ હરીદર્શન પાસે તાલપત્રી બાંધી પસાર થઇ હતી. અને જે શંકાસ્પદ લાગતા પોલીસ દ્વારા તેને અટકાવવાનો પ્રયાસ કરાયો હતો પરંતુ  ટ્રક ચાલકે ટ્રક હંકારી મુકી હતી જેથી પોલીસ દ્વારા તેનો પીછો કરી ટ્રક અટકાવી તપાસ કરાતા  તેમાં વિદેશી દારૂ ભર્યું હોવાનું ખુલવા પામ્યું હતું.

જેથી પોલીસ દ્વારા આરોપી દિનેશ કોહલારામ બિશ્નોઇ રહે ડડુસણ, તા. સાચોર અને બળવંત સિંહ ઉર્ફે વિશાલ દાનુભા હમીરજી ઝાલા રહે જીવા તા. ધાંગધ્રા વાળાની અટકાયત કરી હળવદ પોલીસ મથકે લાવવામાં આવ્લયા હતા. સાથે  ટ્રકમાં રહેલા 6960  બોટલ દારૂ કિંમત રૂપિયા 21,64,500 તથા ટ્રક રૂપિયા 10 લાખ ત્રણ મોબાઈલ કિંમત રૂપિયા 15000  મળી કુલ રૂપિયા  31,79,500 નો મુદ્દામાલ જપ્ત કરી આરોપીઓની પૂછપરછ કરાતા  દારૂ મોકલનાર અને દારૂ મંગાવનાર ના નામ ખુલ્યા હતા.  જેમાં દારૂ મોકલનાર કાળુભાઈ બિશ્રિઈ રહે ધોરીમન્ના જી બાડમેર અને દારૂ મંગાવનાર પ્રદીપ સિંહ ઉર્ફે પદુભા ચંદુભા ઝાલા રહે જીવા તા. ધાંગધ્રા વાળાના  નામ ખૂલ્યા હતા.