મુંબઇ
ફેસબુક અને ઇન્સ્ટાગ્રામ જેવી સોશિયલ નેટવર્કીંગ વેબસાઈટએ પોતાની યુઝર્સ પોલીસીમાં મોટો ફેરફાર કરવા જઈ રહી છે. તેના અનુસાર ફેસબુક અથવા ઇન્સ્ટાગ્રામ પર અકાઉન્ટ બનાવા માટે યુઝર્સએ પોતાનું ઓફીશીયલ ફોટો આઈડી બતાવીને પોતાની ઉંમરનો પુરાવો આપવો પડશે.
અમેરિકામાં યુએસ ચાઈલ્ડ ઓનલાઈન પ્રાઈવસી પ્રોટેક્શન એક્ટ મુજબ લોકોના અંગત ડેટા એકત્રિત કરવા માટે કંપનીઓને ૧૩ વર્ષથી વધુ ઉમરનાં લોકોના માતા પિતા કે ગાર્ડિયનની પરવાનગી લેવી જરૂરી નથી. અત્યાર સુધી ફેસબુકઅને ઇન્સ્ટાગ્રામએ આ નિયમ માટે કોઈ દિશા સૂચન માટે કોઈ ખાસ ઉપાય કર્યા ન હતા.
ફેસબુક અને ઇન્સ્ટાગ્રામ એમ બન્ને વેબસાઈટ પર નવું અકાઉન્ટ બનાવતી વખતે યુઝરને એમની જન્મ તારીખ પૂછવામાં આવતી હતી. પરંતુ એને પ્રમાણિત કરવાનું કહેવામાં આવતું ન હતું. જેથી નાની ઉમરનાં યુઝર્સ આરામથી પોતાની જન્મતારીખ છુપાવીને અકાઉન્ટ બનાવી લેતા હતા. આ ઓનલાઈન પ્લેટફોર્મ પર કામ કરવાવાળા મોડરેટર્સ હવે કોઇપણ યુઝરની ઉમર ૧૩ વર્ષથી ઓછી હોવાની શંકા થશે તો એની પ્રોફાઈલ લોક કરી શકે છે.
સોશિયલ નેટ વર્કીંગ કંપનીઓએ આ ફેરફાર ચેનલ ૪ પર દેખાડવામાં આવેલી એક ડોક્યુમેન્ટ્રી બાદ કર્યો છે. જેમાં કંપનીના મોડરેટર્સ દ્વારા વપરાતી હાલની પોલીસી વિશે બતાવામાં આવ્યું છે. ગયા વર્ષે નવેમ્બરમાં ઓફકોમની એક રીપોર્ટમાં ખુલાસો થયો હતો કે બ્રિટેનમાં ૧૨ વર્ષની ઉમરનાં અડધાથી વધુ બાળકો અને ૧૦ વર્ષના ૧/૪ બાળકોના સોશિયલ મીડિયા પર અકાઉન્ટ છે.
