ઝારખંડના ગિરિડીહમાં એક ચોંકાવનારી ઘટના બની છે. અહીં એક માતાએ પોતાની 15 વર્ષની દીકરીની ગોળી મારીને હત્યા કરી નાખી. સગીર યુવતીને વિસ્તારના એક સગીર છોકરા સાથે પ્રેમ હતો અને તેની સાથે લગ્ન કરવા માંગતી હતી. પુત્રીની હત્યા કરનાર માતાને પોલીસે જેલમાં મોકલી દીધી છે. જે પિસ્તોલથી ગોળી ચલાવવામાં આવી હતી તે પણ પોલીસે કબજે કરી છે.
આપને જણાવી દઈએ કે બગોદરના હરિજન વિસ્તારમાં શનિવારે સાંજે એક લઘુમતી સગીરાની ગોળી મારીને હત્યા કરવામાં આવી હતી. ઘટના બાદ સમગ્ર વિસ્તારમાં સનસનાટી મચી ગઈ હતી. દરમિયાન તેની માતા પોલીસ સ્ટેશન પહોંચી હતી અને પોલીસને તેની પુત્રીની હત્યા અંગે જાણ કરી હતી. આ વાત જાહેર થતાં લોકો ચોંકી ઉઠ્યા હતા. અહી હત્યાનો આરોપી મહિલાના પતિએ બનાવ સંદર્ભે બગોદર પોલીસ સ્ટેશનમાં લેખિત ફરિયાદ નોંધાવી છે, જેમાં પત્નીને આરોપી બનાવવામાં આવી છે.
આ અંગે એસડીપીઓ નૌશાદ આલમે જણાવ્યું હતું કે સગીરાની તેની માતાએ પ્રેમ પ્રકરણ દરમિયાન ગોળી મારીને હત્યા કરી હતી. તેની માતા તેના લગ્ન બીજે કરવા માંગતી હતી, પરંતુ સગીરા તેના પ્રેમી સાથે જ લગ્ન કરવા પર અડગ હતી. આ કારણોસર માતાએ પુત્રીને ગોળી મારીને હત્યા કરી હતી. જો કે સમગ્ર મામલામાં હજુ પણ એક-બે પ્રશ્નો વણઉકેલ્યા છે. સૌથી મોટો સવાલ એ છે કે પિસ્તોલ ક્યાંથી આવી અને કોણે મંગાવી હતી. પોલીસ પણ આ મુદ્દાઓની ઝીણવટભરી તપાસ કરી રહી છે.
આ પણ વાંચો:
આ પણ વાંચો:
આ પણ વાંચો:
