NEW DELHI: ભારતના મુખ્ય ન્યાયાધીશ (CJI) બી.આર. ગવઈના માતા કમલાતાઈ ગવઈએ સોમવારે સુપ્રીમ કોર્ટમાં બનેલી જૂતા ફેંકવાની ઘટના પર આકરી પ્રતિક્રિયા આપી છે. તેમણે આ ઘટનાને “બંધારણ પર હુમલો” અને “દેશમાં અરાજકતા ફેલાવવાનો પ્રયાસ” ગણાવ્યો છે. સીજેઆઈ ગવઈની આગેવાની હેઠળની બેન્ચ દ્વારા કેસની સુનાવણી ચાલી રહી હતી ત્યારે થયેલા હુમલા પછી સીજેઆઈની CJI માતાની આ પહેલી જાહેર પ્રતિક્રિયા છે.
શાસક પક્ષ અને વિપક્ષ બંનેએ આ હુમલાની નિંદા કરી છે. CJI ગવઈના પરિવારે હવે કોર્ટ પરિસરમાં બનેલી ઘટના પર દુઃખ વ્યક્ત કર્યું છે. તેમનું કહેવું છે કે આ CJI ગવઈ પર નહીં, પરંતુ દેશના બંધારણ પર હુમલો હતો. કોઈને પણ કાયદો પોતાના હાથમાં લેવાનો અધિકાર નથી. સીજેઆઈ ગવઈની બહેન કીર્તિ ગવઈ અને તેમની માતા કમલ ગવઈએ કહ્યું કે આવી ઘટનાઓ બંધ થવી જોઈએ, નહીં તો આવનારી પેઢીઓ ક્યારેય માફ નહીં કરે. કીર્તિ ગવઈએ આ હુમલાને “ઝેરી વિચારધારા”થી પ્રેરિત ગણાવ્યો અને કહ્યું કે જે કોઈ પણ બંધારણની વિરુદ્ધ જશે તેને તેના પરિણામો ભોગવવા પડશે.
શું છે આખો મામલો?
સોમવારે સુપ્રીમ કોર્ટમાં સુનાવણી દરમિયાન, વકીલ રાકેશ કિશોરે ચીફ જસ્ટિસ ગવઈ પર જૂતું ફેંક્યું હતું. તેમણે બૂમ પાડી હતી કે, “ભારત સનાતન ધર્મનું અપમાન સહન નહીં કરે.” આ ઘટના બાદ, વકીલ રાકેશ કિશોરને દિલ્હી પોલીસને સોંપવામાં આવ્યો હતો. જોકે, સીજેઆઈ ગવઈએ હુમલાખોર સામે ફરિયાદ નોંધાવવાનો ઇનકાર કર્યો હતો, ત્યારબાદ તેમને છોડી દેવામાં આવ્યા હતા.
ભગવાન વિષ્ણુ પર કરેલી ટિપ્પણીઓથી નારાજ હતા
પોલીસ તપાસમાં જાણવા મળ્યું છે કે હુમલો કરનાર વકીલ ભગવાન વિષ્ણુ પર CJI ગવઈની ટિપ્પણીઓથી નારાજ હતા. ખજુરાહો મંદિર જિલ્લામાં યુનેસ્કો વર્લ્ડ હેરિટેજ સાઇટ, જવારી મંદિરના પુનર્નિર્માણ માટે સુપ્રીમ કોર્ટમાં એક અરજી દાખલ કરવામાં આવી હતી. CJI ગવઈની આગેવાની હેઠળની બેન્ચે અરજીને ફગાવી દીધી હતી, અને કહ્યું હતું કે આ ભારતીય પુરાતત્વ સર્વેક્ષણ (ASI)નો મામલો છે. CJI ગવઈએ વધુમાં કહ્યું હતું કે, “ભગવાનને કંઈક કરવા કહો.”
આ પણ વાંચો: india news/CJI પર ચપલ ફેંકનાર વકીલે કહ્યું, ‘હું જેલ જવા માટે તૈયાર છું’, કોઈ અફસોસ નથી
આ પણ વાંચો: Supreme court news/સુપ્રીમ કોર્ટમાં CJI બી.આર. ગવઈ પર હુમલાનો પ્રયાસ, વકીલે બૂટ ફેંકવાનો પ્રયત્ન કર્યો
આ પણ વાંચો: National News/બિહાર બાદ, દિલ્હીમાં પણ SIR પ્રક્રિયા ટૂંક સમયમાં શરૂ, જેમાં ચૂંટણી પંચ વધારાને નિયંત્રિત માટે ખાસ યોજનાઓ થશે!
