Business News: ભારતીય શેરબજાર (shares market)માં આજે મિશ્ર માહોલ જોવા મળ્યો. જ્યાં એક તરફ મેટલ, ઇન્ફ્રાસ્ટ્રક્ચર, ઓઇલ એન્ડ ગેસ અને એનર્જી સેક્ટરમાં તેજી જોવા મળી, ત્યાં બીજી તરફ IT સેક્ટરમાં ભારે વેચવાલીથી બજાર પર દબાણ આવ્યું. ખાસ કરીને આર્ટિફિશિયલ ઇન્ટેલિજન્સ (AI)ના વધતા પ્રભાવને લઈને IT કંપનીઓના ભવિષ્ય વિશે રોકાણકારોમાં ચિંતા જોવા મળી, જેના કારણે મોટી IT કંપનીઓના શેરો (shares)માં નોંધપાત્ર ઘટાડો થયો.

નિફ્ટી IT ઇન્ડેક્સમાં 5% સુધીનો ઘટાડો

કારોબારની શરૂઆતમાં નિફ્ટી 50 નીચા સ્તરે ખુલ્યો હતો, પરંતુ બાદમાં ધીમે ધીમે સુધારાની સાથે લીલા નિશાનમાં ટ્રેડ કરતો જોવા મળ્યો. જોકે, નિફ્ટી IT ઇન્ડેક્સમાં આજે 5% સુધીનો તીવ્ર ઘટાડો નોંધાયો. IT સેક્ટરમાં આ વેચવાલીનું મુખ્ય કારણ AI ટેક્નોલોજીથી પરંપરાગત IT સર્વિસ મોડલ પર પડતી અસર માનવામાં આવી રહી છે.

TCS, Infosys સહિત ITના મોટા શેર (shares) લાલ નિશાનમાં

આજના ટ્રેડિંગમાં ભારતની મોટી IT કંપનીઓના શેરો ((shares))માં તીવ્ર ઘટાડો જોવા મળ્યો. ટાટા કન્સલ્ટન્સી સર્વિસિસ (TCS)ના શેરમાં લગભગ 5%નો ઘટાડો થયો હતો, જ્યારે ઇન્ફોસિસ (Infosys)ના શેર 6% સુધી તૂટ્યા હતા. HCL ટેકનો શેર 4% ઘટ્યો, ટેક મહિન્દ્રામાં 4.50%નો ઘટાડો નોંધાયો અને LTI  માઇન્ડટ્રીના શેરમાં 5.55% સુધીની વેચવાલી જોવા મળી. વિપ્રોના શેર પણ આ દબાણથી બચી શક્યા નહોતા.

AIથી IT બિઝનેસ મોડલ પર અસર

બજાર નિષ્ણાતોનું માનવું છે કે જનરેટિવ AI અને ઓટોમેશન ટેક્નોલોજી IT ઉદ્યોગના પરંપરાગત સર્વિસ આધારિત બિઝનેસ મોડલને પડકાર આપી રહી છે. ઘણી વૈશ્વિક કંપનીઓ હવે ઓછી માનવ સંસાધન આધારિત ટેક્નોલોજી તરફ વળી રહી છે, જેના કારણે IT કંપનીઓના રેવન્યુ અને માર્જિન પર દબાણ આવી શકે છે. આ ભયને કારણે રોકાણકારો IT શેરોમાંથી નફો બુક કરતા જોવા મળ્યા.

મેટલ, એનર્જી અને ઓઇલ એન્ડ ગેસ શેરો (shares)માં તેજી

IT સેક્ટરના વિપરીત, આજે મેટલ, ઇન્ફ્રાસ્ટ્રક્ચર, ઓઇલ એન્ડ ગેસ અને એનર્જી સેક્ટરમાં સારી ખરીદી જોવા મળી. મેટલ અને એનર્જી ઇન્ડેક્સમાં 1% સુધીનો વધારો નોંધાયો. પાવર ગ્રીડ કોર્પ, ટાટા સ્ટીલ, કોલ ઈન્ડિયા, ONGC અને NTPC જેવા શેરોમાં તેજી રહી. વૈશ્વિક કોમોડિટી ભાવોમાં સ્થિરતા અને ડોમેસ્ટિક ડિમાન્ડમાં સુધારાના કારણે આ સેક્ટરોને સપોર્ટ મળ્યો હોવાનું માનવામાં આવે છે.

યસ બેન્કના શેરમાં ઉછાળો

આ વચ્ચે યસ બેન્કના શેરમાં સકારાત્મક સમાચારના કારણે 1.25%નો વધારો જોવા મળ્યો. ભારતીય રિઝર્વ બેંક (RBI)એ યસ બેન્કના મેનેજિંગ ડિરેક્ટર અને CEO તરીકે  વિનય મુરલીધર તોન્સની ત્રણ વર્ષ માટેની નિમણૂકને મંજૂરી આપી છે. શેરધારકોની મંજૂરીને આધિન આ નિર્ણય લેવામાં આવ્યો છે, જેના કારણે રોકાણકારોમાં વિશ્વાસ વધ્યો હોવાનું જોવા મળ્યું.

મિડકેપ અને સ્મોલકેપમાં સ્થિરતા

નિફ્ટી મિડકેપ અને સ્મોલકેપ ઇન્ડેક્સમાં આજે ખાસ કોઈ મોટો ફેરફાર જોવા મળ્યો નથી. બંને ઇન્ડેક્સ લગભગ સપાટ સ્તરે ટ્રેડ કરતા રહ્યા, જે દર્શાવે છે કે રોકાણકારો હાલમાં સેક્ટરલ રોટેશન પર વધુ ધ્યાન આપી રહ્યા છે.

આ પણ વાંચો:ધનતેરસ પહેલા શેરબજારમાં દિવાળી, નિફ્ટી 25500 ને પાર… ટાઇટન અને બેંક શેરોમાં રોકેટ સવારી

આ પણ વાંચો:શું ફેડની બેઠકથી બજાર પર અસર? આજે નિફ્ટી 225 પોઈન્ટ ઘટ્યો

આ પણ વાંચો:સેન્સેક્સ 638 અને નિફ્ટી 208 પોઈન્ટના ઉછાળા સાથે ખુલ્યો, આ શેરોમાં જોરદાર ઉછાળો