IPLની 69મી મેચ મુંબઈ ઈન્ડિયન્સ અને દિલ્હી કેપિટલ્સ વચ્ચે રમાઈ હતી. આ મેચમાં મુંબઈ ઈન્ડિયન્સે દિલ્હીને 5 વિકેટે હરાવ્યું હતું.
આ મેચમાં હાર બાદ દિલ્હીની ટીમ પ્લે ઓફની રેસમાંથી બહાર થઈ ગઈ છે. જ્યારે બેંગ્લોરે પ્લેઓફમાં જગ્યા બનાવી લીધી છે.મુંબઈ ઈન્ડિયન્સે આઈપીએલ 2022ની 69મી મેચ દિલ્હી કેપિટલ્સ પર 5 વિકેટે જીતી લીધી. મુંબઈની આ જીત સાથે RCB પ્લેઓફમાં પહોંચનારી ચોથી ટીમ બની ગઈ છે, જ્યારે દિલ્હીની સફર અહીં પૂરી થઈ ગઈ છે. આ મેચમાં પ્રથમ બેટિંગ કરતા દિલ્હીએ 159 રન બનાવ્યા હતા. MIએ આ સ્કોર 5 બોલ બાકી રાખીને હાંસલ કર્યો હતો. એક સમયે એવું લાગતું હતું કે મુંબઈ આ મેચ હારી જશે, પરંતુ પછી ટિમ ડેવિડે 11 બોલમાં 34 રનની ઈનિંગ રમીને ટીમને જીત અપાવી.
160 રનના સ્કોરનો પીછો કરવા ઉતરેલી મુંબઈની શરૂઆત ખૂબ જ ખરાબ રહી હતી. ટીમનો કેપ્ટન રોહિત શર્મા ખરાબ રીતે સંઘર્ષ કરતો જોવા મળ્યો હતો. તેણે 13 બોલમાં 2 રનની ઇનિંગ રમી હતી. તેને એનરિક નોર્ટજેએ પોતાનો શિકાર બનાવ્યો હતો. તેના આઉટ થયા બાદ ઇશાન કિશન અને બ્રેવિસે ઇનિંગ સંભાળી હતી. આ દરમિયાન બંનેએ 51 રનની ભાગીદારી કરી હતી. જોકે, ઈશાન કિશન ફરી એકવાર આ મોટી ઈનિંગ રમી શક્યો નહોતો અને 48 રન બનાવીને આઉટ થઈ ગયો હતો. તેના આઉટ થયા બાદ બ્રેવિસ પણ પીચ પર લાંબો સમય ટકી શક્યો ન હતો અને 37 રન બનાવીને શાર્દુલ ઠાકુરનો શિકાર બન્યો હતો.
.વાનખેડે સ્ટેડિયમ ખાતે IPL 2022 ની 69મી મેચમાં, રોવમેન પોવેલ (43) અને કેપ્ટન રિષભ પંત (39) દ્વારા 44 બોલમાં 75 રનની શાનદાર ભાગીદારીને કારણે દિલ્હી કેપિટલ્સે મુંબઈ ઈન્ડિયન્સને 160 રનનો લક્ષ્યાંક આપ્યો હતો. દિલ્હીએ 20 ઓવરમાં સાત વિકેટ ગુમાવીને 159 રન બનાવ્યા હતા. મુંબઈ તરફથી જસપ્રીત બુમરાહે ત્રણ વિકેટ ઝડપી હતી. તે જ સમયે, રમનદીપ સિંહે બે વિકેટ લીધી હતી, જ્યારે ડેનિયન સેમ્સ અને મયંક માર્ક ડેએ એક-એક વિકેટ લીધી હતી.
