વડોદરા
દેશ જ્યારે આઝાદીનું 72મું પર્વ ઉજવી રહ્યું છે ત્યારે વડોદરા શહેરના સમા વિસ્તારમાં તળાવ પાસે આવેલ બગીચાની ઓળખ અત્યાર સુધી તિરંગા ગાર્ડન તરીકેની હતી. પરંતુ છેલ્લાં કેટલાંક મહિનાથી ગાર્ડનની આ ઓળખ ભૂંસાઇ ગઇ છે.
214 ફુટ ઊંચો 72 ફુટ લાંબો અને 48 ફુટ પહોળો આ તિરંગો તે વખતે રાજ્યનાં સૌથી ઊંચા રાષ્ટ્રધ્વજ તરીકે પ્રસિદ્ધિ પામ્યો હતો. નાગરિકોમાં દેશભાવના જાગ્રત થાય તે હેતુ સાથે વડોદરામાં આ તિરંગો લગાવવામાં આવ્યો હતો. જે તે વખતે રાજ્યનાં સૌથી ઊંચા રાષ્ટ્રધ્વજ તરીકે પ્રસિદ્ધિ પામ્યો હતો. પરંતુ વડોદરા મહાનગર પાલિકાનાં બેદરકાર સત્તાધીશોની અણઆવડતનાં પાપે આ રાષ્ટ્રધ્વજ એક વર્ષમાં 67 વખત ફાટ્યો અને તેટલી જ વખત આપણાં અભિમાનનું ઘોર અપમાન થયું.
હવે લગભગ કાયમ માટે વડોદરા મહાનગર પાલિકાએ આ તિરંગો ઉતારી લીધો છે. જેથી આ વર્ષે સ્વાતંત્ર્ય પર્વે વડોદરાવાસીઓ રાજ્યનાં સૌથી ઊંચા રાષ્ટ્રધ્વજનું ગૌરવ નહીં લઇ શકે. આ માટે વડોદરાનાં શાસકો પાસે પોતાનાં તર્ક છે.
આથી હવે કાયમ માટે વડોદરા મહાનગર પાલિકાએ આ તિરંગો ઉતારી લીધો છે અને આ પ્રોજેક્ટ પર પૂર્ણવિરામ મુકી દીધું છે. જેથી આ વર્ષે સ્વાતંત્ર્ય પર્વે વડોદરાવાસીઓ રાજ્યનાં સૌથી ઊંચા રાષ્ટ્રધ્વજનું ગૌરવ નહીં લઇ શકે.
આ પ્રોજેક્ટ માટે પાલિકાએ કોન્ટ્રાક્ટરને અત્યાર સુધી 50 લાખ જેટલી રકમ પધરાવી દીધી છે. જેને પગલે વિપક્ષ કોંગ્રેસે ભાજપનાં શાસકો પર સસ્તી પ્રસિદ્ધિનો આરોપ લગાવી રાષ્ટ્રધ્વજનાં અપમાનનો આક્ષેપ કર્યો છે.
